شو بالنسبة لإني إنشهرت؟
هوه مش إنشهرت بالمعنى العلمي
بس مش عارفه هاي صارت تاني مرة بلاقي بوست أنا كاتبيته منشور
لا للسرقة الأدبية بدون موافقة الكاتب
جد مرات بيجيني هاجس بخواطر بكتبها أو قصص أو حوارات
وبتأكد إنو في حد من هون ومن هون بلطشها
إنو أقل مافيها مش معقول هالحكي
طب طبلوا على باب هالنوريا وإحكولها مطلوب نقتطع من نص كاتبيته
شو بعرفني
وحتى ما أعتقد سرقة أدبية وقضية ملكية فكرية بالمعنى الصحيح
لأنو ناسبين الكلام إلي ومش ناشرينه بشكل تجاري يعود عليهم بالربح
وجكر فيهم مش ناشره اسم موقعهم
بس الإشي يلي بفزر لويه حاطيني مع القذافي
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
15 comment:
شكله نفس الموقع اللي نشرلي بوست مرة لما كانت عندي مدونة
http://www.albawaba.com/ar/%D8%A7%D9%84%D9%82%D8%B0%D8%A7%D9%81%D9%8A-%D9%8A%D9%84%D8%BA%D9%8A-%D8%B1%D9%85%D8%B6%D8%A7%D9%86-%D9%88%D8%B4%D8%A7%D9%83%D9%8A%D8%B1%D8%A7-%D8%AA%D8%B3%D9%82%D8%B7-%D9%81%D9%8A-%D8%A7%D9%84%D8%A7%D9%85%D8%AA%D8%AD%D8%A7%D9%86-379759
:D
lunar
آه
هداك اليوم قعدت أنبش بلكي ألاقي حد غيري
كأني شفت يوسف
مش متزكره
شو قصتهم يعني
لشو يبلشو فينا؟
اللي حسيته من موقعهم انه بنبشوا بالنت عالمدونات وبعيدوا نشرها بطريقة او بأخرى
مكتوب تحت بقاع الصفحة
"هل أنت مدون أو مدونة؟ إذا كنت كذلك أرسل لنا برابط مدونتك الآن على العنوان التالي:(blogs@corp.albawaba.com) لتشملها جولتنا في المدونات. "
فا يمكن حدا حط عنوان مدونتك بدون ما تعرفي
كل عام وانتِ بالف خير
ورمضان مبارك
والله يرضى عليكِ ويسعدك
انا منذ دخلت الى الشبكة العنكبوتية وانا اعتبرت ما اكتب مشاعاً وكم رأيت مما اكتبه ينقل هنا وهناك باشارة احيانا قليلة وبدون اشارة احيانا كثيرة
لا ادري كيف يحق لنا ان نطالب بحماية فكرية من السرقة لما نكتب اذا كانت السرقة هيّ العنوان الاهم في حياتنا ويومياتنا
فهل يعقل ان أسأل بمن يسرق حروفي ولا اسأل بمن يسرق وطني وبلدي .....وحياتي وحياة ابنائي وحقهم في حياة كريمة
.....!!!
حسبيّ الله ونعم الوكيل
نورنباتى
بس هم كاتبين إسمك
يعنى لو حطوا رابط المدونه بعد يكون أفضل
مو عيب ننقل عن الاخرين
لكن لازم نذكر أسمائعم و اسماء مواقعهم
بس مستغرب فعلاً لش حاطين صورتك مع القذافى ؟
ولا يهمك
يكفى إنك أصبحتى مشهورة
تحياتى لك
lunar
والله العظيم إنك تحشيش كمان شوي حاسيتك رح تحط رقم تيلفونهم ,, أصلاً مداقرة ما حطيت الرابط
إنو أوك لو أنا بدي كان سجلت مدونتي أو سجلت معكم شويعني قصدهم ينشهروا أو يشهرونا؟
بس مع هيك مش كتير فارقه بس الشي غريب هاي هيه
yosef
يا أستاز يوسف الشغلة مش متوقفه عليهم لو ترجع تنتبه على حالك بتلاقي إنت نفسك وأنا عم نسرق بإعادة نشر صورة مثلاً أو استخدام أغنية أو مقطع فيديو دون ذكر صاحبة بل بالعكس بنعمل نفس ما همه عم يعملوا
وبالنسبة للملكية الفكرية بالنسبة إلي بضل كل شي بكتبه أو بطلع من خاطرتي أو حتى أي نص أنا بكتبوا بعز عليي لأنو كما يسموه بنات أفكار ,, ولا تستغرب نفسك أو أحد المدونين يعيد تنقيح ما كتب ويقوم بنشره بشكل مستقل
هاد غير الشعر الذي يكتب والنصوص والقصص والحوارات يلي تضاهي بأحسن النصوص الكتابية أو الروائية أو السينيمائية
وإنت عارف حال الكتابة وعارف حال السينيما ما بالك بنص إنت بتقرأه على مدونه بيوم وبجد تعيش حالة أو تجربة سينيمائية أحسن من ألف فلم حضرته .. مش عشان إحنا طريقة عرضنا لأفكارنا بشكل أبسط تعني ضعف قيمتها أو عدم أهميتها
وبالنسبة للي سرق بلاد ما نحاسبه
لا تنسى إنو إحنا أمة إقرأ معجزة رسولنا كلام الله وكتابه وقوة أمة العرب بلسانها ,, زي اليابان والصين تحمي إختراعاتها إحنا نحمي كتاباتنا
وإنو مش قادرين نحاسب يلي سرق بلادنا لا تعني نسكت ونحكي للكل يلا تعالوا اسرقونا ما ضل في شي بعد سرقة البلاد ,,, ولو تنتبه إنو كل شيء عربي يسرق لغايات محو ذكرنا عن خارطة كل شي ... الأرض مش بس تراب وحجار
قوس قزح
صدقني ما هاممني شو كتبوا وشو نشروا
يلي همني تسليط الضو على شو ممكن يصير إذا كتبنا ونشرنا
في مدونتك مثلاً وجدت نص بعنوان في بيتي إمرأة ,, فكرة بلحظات إنو ممكن يكون مجموعة قصصية ومممكن تفردلها مدونة أو تشتغل عليها وتنشرها بطريقة أو بأخرى .. مابالك ييجي حد تاني وينشرها عنك؟
مابتحس بإنتقاص كلامك أو كتاباتك؟
مساء الخير ورمضان مبارك
هي بنات أفكار كما تفضلتِ في الرد على يوسف وصدقيني إن سرقة الافكار او سرقة المؤلفات ( بفتح اللام ) أو الأطروحات الأكاديمية أو جزء منها تماماً كسرقة أيّ من الممتلكات المادية
لا أظننا كأمة يمكن أن نصل إلى مرحلة تطهير بلادنا واستردادها ممن سرقوها ما دام فينا لصوص ينهشون بعضهم بعضا وما دمنا لم ندرك بعد أبسط حقوق الملكية الفكرية
ويا ستي مبــ 1000 ــروك
صرتي مشهورة
كل المودة
السلام عليكم ورحمة الله وبركاته.
كل سنة وإنتوا سالمين.
معلهش أنا حابب أعمل مداخله صغيرة، أنا دخلت على هاي المدونه عن طريق قرآتي للموضوع المقتبس من هاي المدونه ( الموضوع كان عن الشوب )، بصراحه أول إشي عاجبني الموضوع، لإني كنت قاعد بأقرأ والدنيا بره موت حر مع رطوبه وتراب (وفي رواية طوز)، بس بعدين وبصراحه نسيت حالي وصرت أقرأ بالمواضيع التانية،- من الأخر – يدوب إشتغلت ساعتين أو ثلاث ساعات.
يعني معلش بدك تسمحيلهم هالمره – إمسحيها بوجهي – أنا ممنون إلهم كتير إنهم دللوني على هالصفحة لأنه بصراحه أسلوبك كتير بسيط وسهل وقريب للقلب لدرجة إني حطيت الصفحة بالفيفوريت.
شكرا جزيلا للموقع و اتمنى لك دوام التقدم .
نور
والله القصة يا صديقتي ما بتتعلق بالشهرة أو حتى إني أنبسط على حالي إنو تم نشر ,, بس القصة إنو بتستغربي كيف حد عم بحاول ينشر اسمو على حساب إنتي شو بتكتبي أو بتألفي ,, صحيح هاي المدونات منشوره للعامة وأي حد ممكن يقرأ شو بكتب ,, بس بنفس الوقت بخليكي ترجعي تفكري إنو ممكن تتعدى عندهم الحالة أكبر من هيك ,, إنتي مدونه وأفكارك غير مسبوقه وبتعرفي شو بحكي ومتل ما حكيتي بجد تعتير سرقة زي أي سرقة مادية حتى لو تم تعريفها بشكل أو تم تقنين حمايتها بأي شكل
وحتى لو كانت بسيطه أو معقدة ,, ببساطه بتضلها جزء منك
وأشكرك على الرد
أبو اللول
وإنتا بخير والصحة والسلامة
وبشكر إلك المتابعة وبتشرف بزيارتك لمدونتي البسيطه
وفي أكم شغلة أحكيها إنو أنا فكرك بإيدي هسا شغلة أسامحهم أو أمسحها بهالوجه الطيب؟ الموضوع إنتشر وإنتهى
بس زي ماحكيت وبرجع بحكي إنو استغربت ليه وحتى استغربت ليه هاد الموضوع بالذات لأنو ابسط من البساطه لينحكى فيه ,, وهاد غايتي من المدونه أشارك مجموعة أفكاري مع المدونين وزوار هاي المدونه ليس إلا حتى خاصية البحث أو الإدراج ضمن قوائم المدونات حاجبيتها لأنو مش كتير بهمني
ببساطه لأنها بتفقد للأفكار قيمتها حسب رأيي بإنك بس تهتم تنشر وتنتشر وتنشهر
وبشكرك لمداخلتك
نورنياتى
"
شيئ طبيعى و بيحصل كثير أنه صحيفة تنقل عن صحيفة خبر معين أو مقال ويكتبون اسم الصحيفة المقتبس منها هذا الخبر
وهم كاتبين :
نورنياتى : شو بالنسبة للشوب
يعنى ناقلين الخبر من مصدر هو مدونتك
هذا شيء جيد جداً
ولكن أعتقد ان هناك لبس حصل بالموضوع وهو انهم
فاكرين إنك ليبيه ..وربطوا الشوب و قلة الكهرباء و التكييف بالاحداث اللتى تجرى فى لبيبا الان
أعتقد ذلك و الله أعلم
تحيااتى لك
mabsoota wela z3laneh wad7iiii :P
6alama nasbeen elek el7aki ma ehemek bas lool
بس الإشي يلي بفزر لويه حاطيني مع القذافي
loool lazem tes2alihom eb3atelhom 3l elmail elli katboh lunar w es2ali :))
مش فاهمه ليش كتير معصبه؟
اول شي ما حد لطش الموضوع وحطو باسمو.. اسمك موجود واللينك موجود
ومالها البساطه؟ بطلت تنفع؟!
الاشياء البسيطه هي كمان مهمه:))
Post a Comment
:وكيل المكومنت قال