صورتنا ,, صورتك وصورتي
خلص كرهانة فكرة التحيز والتعميم المسبق والمفاهيم الصم وكل الأفكار عن الاسلام والحجاب والتعدد في الزواج والجهاد وحدود الله والقصاص وكل مايحمله الأسلام من قيم وأساسات .
بكره فكرة إنو لما ينحكى حجاب ونقاب كل يلي بيخطر بالبال صورة الأفغانيات مكسوات باللون الأزرق وعم ينقتلوا ويعدموهم في ساحة أمام حشد غفير زيهم زي الماشية والدواب .
بكره فكرة إنو الجهاد صار عبارة عن عنف وصورة حزام مفخخ وترديد لكلمة الله أكبر وتفجير وقتل ضحايا وأسرى وأرهاب وحواجب خميله وتعصب وحقد وعدوان غير مبرر .
بكره فكرة إنو كل ما يذكر التعدد في الزواج بأنه أول مايخطر بالبال (الرسول محمد عليه السلام) مرسومه صورتوا بأنوا الأمام هارون الرشيد يلي حواليه نسوان شبه عاريات ترقص الرقص الشرقي وعم تشبع الرغبات وبالنهاية عايشيين هدول النسوان زي الحيوانات ويعاملوا كأنهم ملكية زيهم زي الأثاث .
بكره إنو فكرة إطلاق اللحى والسواك والدشداشه عبارة عن صورة لإبن لادن وهاد الشخص إرهابي وإنو أكيد بخطط مع القاعدة أو مع حماس ويمكن إيران وحزب الله وبخطط ليفجر ويقتل وهاد وسخ وغايته القتل وتمويله من المخدرات وأشياء أخرى ممنوع التعامل فيها وهاد أكيد معو سلاح وكلاشنكوف في جرار الأواعي الداخليه لمرتو .
بكره إنو فكرة القصاص وحدود الله وجلد الزانية ورجم المحصن والعين بالعين والسن بالسن والجروح قصاص عبارة عن شيء منافي للإنسانية وإنو عقوبة الإعدام شنقاً هاد شي تحاربه جميع منظمات حقوق الإنسان والأبشع إنو الدول العربية عم تنساق لهاد الموضوع دون تفكير لا بدين ولا بأنو هاد كلام الله وحدود الله .
صرت أكره لما أحضر فلم أو برنامج وثائقي وياخدوا رأي الدين بجيبوا قسيس نصراني وحاخام يهودي وبياخدوا رأيهم ومابتلاقي شيخ واحد أو إمام أو حتى عالم أو أكاديمي بالدين الإسلامي .
بكره فكرة إنو الاستشهاد الغاية منو في برنامج حضرتوا هوه عشان يتجوز 70 من الحور العين أو إنو "بنتحر" و "بفجر" حالة لأنو فقد الأمل وما لقي طريقه تانيه غير ينتحر .
بكره فكرة المسلمين بحد ذاتهم مش فاهمين الدين .. ومش عارفين إنو الرسول محمد والأنبياء كانوا من أنضف وأحسن وألطف معشر وفيهم خفة دم وبتعاملوا مع نسائهم بكل رقي وبكل إيتيكيت وبكل رواق وتفكير سليم وعبقرية وقيادة حازمة وبنفس الوقت كانت دمعتهم سخية على أي موقف بشري أو حتى حيوان أو شجر أو صخر .
الحرام والحلال مش مبنى الإسلام عليهم ولا الجهاد والنقاب وتعدد الزوجات ,, الدين حياة وفكر وعلم بحت وبرضو بعيدها حياة بحد ذاتها من تعامل وأخلاق وتجارة وعلم وتعليم وتفاهم وتسامح وزراعة وبناء وذكاء وسمو في النفس ورقي في كل شي ... ديننا راقي وبسيط ومعقد لأنو بشمل كل شي .
لأنو الدين الذي إختاره الله للناس ,, يلي إختاره يلي خلقني وخلقك ,, يلي بعرف كل شيء بهالدنيا والكون ودرب التبانه وبعرف شو صار وشو بصير وشو رح يصير وشو لو ما صار رح يصير وعارف الأختيار الأحسن والأسوء والمتوسط وربنا بعرف بحقوق الإنسان والعنف والطيب والدفاع عن النفس وبعرف عن الكذب وشو بيخفى وشو ببين وشو في العلم والسياسة والأرض والقانون والفيزيا والأحياء والطب والتجارة والكيماوي وكل شي لسا البشرية منذ بدء الخلق عرفتها ويلي لسا ما عرفتها .
ليه مش قادرين نفهم هاي الشغلة ومنها ننطلق لنفهم العالم؟؟ ليه مش قادرين نستند على أساس إنو كل تفاصيل حياتنا متبعين فيها أوامر الله وفي حدود أوامر الله وآمنا به لأنو الخالق وسلمنا له لأنو الخالق وإتبعنا دينه لأنو الخالق وعايشين بأوامره لأنو الخالق ؟
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
4 comment:
الإسلام بإختصار هو منهج ،
المنهج هو عبارة عن طرق وتقنيات وإجراءات مصممة للإتباع والوصول إلى نتائج معروفة أو إيجاد حلول لمشكلة.
معناها الإسلام هو : خارطة طريق، أسلوب حياه يحكم العلاقة بين الإنسان والعالم حوله بالإضافه إلى علاقة الإنسان بخالقه.
بس المشكله في طريقة فهم أي توجيه أو حكم وتطبيقاته كمان الإجتهادات اللي بتصيب وبتخطئ أحيانا، عشان هيك إحنا دائما بنحاول ناخذ هذه التشريعات زي ماهي من القرآن الكريم والسنه المطهره وبعض إجتهادات الصحابة والتابعين.
الناس بتفكر إن الحضارة الغربية (بإعتبارها أفضل وأعظم الحضارات وأقواها من الناحية المادية والعلمية - حسب كلام بعض العلماء والمفكرين بالغرب ) هي أفضل ما توصل إليه الإنسان على مر العصور والأزمان وهدا الإشي عن طريق تطبيق لبعض المنهجيات التي أثبتت نجاحها. بس هاي النجاحات لا يمكن أن تنطبق على جميع الظروف والبشر لإختلاف العقائد والعادات وأمور أخرى.
أنا بتصور إن المشكلة دائما فينا إحنا المسلمين (خاصة ) العرب لأنو أخدنا الإسلام إنو صلاة وصوم وبس، وجردنا مظهر ومضمون الإسلام من أي شي إلو علا قة بالحياة اليومية مثل ( الدين المعاملة )، أو (إنما الأعمال بالنيات) حتى الصلاة والصوم تم تجريدهم من المعنى الحقيقي لإلهم لأنهم بالنسبة للكتيرين منا هم عبارة عن حركات رياضية وإمتناع عن الأكل والشرب مع عدم إلتزام بأي شي تاني.
على فكرة الأجانب أو غير العرب إللي دخلوا الإسلام عن إقتناع وبعد دراسات ومقارنات بتلاقيهم أثبت وعندهم ثقة أكتر وفهم أعمق لكل عبادة أو طريقة موجودة بالإسلام . إذا ما بتعتبروها فلسفة مني بإمكانكم قراءة كتب زي (لماذا أسلمت – روجيه جارودي ) أو (الطريق إلى مكة – مراد هوفمان ) أو حضور محاضرات في اليو تيوب للشيخ حمزة يوسف.
وشكرا لأنكم تقبلتوا مشاركتي.
السلام عليكم ورحمة الله
موضوع الدين موضوع شائك جداَ ولماذا شائك لأننا نحن من عقدناه وأقصد بنحن المسلمين أنظري لتصنيفاتنا أنظري لأفكارنا المسبقة أنظري لردة أفعالنا على من يشوه ديننا كل تلك أمور بالإضافة للعولمة التي حتى دخلت لديننا جعلت من بعض الأمور والأساسيات موضع نقاش ونبذ من هذا الدين فلماذا الحجاب أو النقاب عيب وتخلف ولماذا تعدد الزوجات هي رمز لشهوانية حيوانية بنظر البعض ولماذا حدود الله الآن تناقش بصفاقة وكأن لنا الحق بذلك لماذا أغلب الدول العربية الإسلامية دستورها وضعي بعيد عن حكم الله وكتابه أمور كثيرة ساهم من ساهم من الداخل والخارج في ترسيمها حتى أصبحت مسلمات الكل يتحدث عنها بطريقة سيئة تخالف النهج القويم الذي أراده الله بدين يختم به كل الأديان وهنا نحتاج لوقفة جادة من الجميع لتصحيح اوضاع أختلت والتعريف بحقيقة الإسلام وسماحته وصدقه دون تشويه من أحد وليكن الله بالعون لأنها مهمة صعبة وتحتاج لجهد كبير ...
موضوع بغاية الأهمية وكلمات منك رائعة لامست هم كبير بداخلنا ..
كل عام وأنت بخير
تحياتي
كل ما ذكرتيه هو صورة لمنظر المسلمين الان
أعتقد أن ذلك بدأ بالضبط عند تاريخ موت الرسول صلى الله عليه وسلم ..من ذلك الوقت وحتى هذه اللحظة و المسلمون يقتتلون و يسفكون الدماء ببرود و يقطعون روؤس بعضهم و حتى الخلفاء الراشدين اللذين عاصروا نور النبوة لم يسلموا من القتل عدا أبى بكر الصديق رضى الله عنه ..أريقت دماء أمهات المسلمين وقطعت رؤس آل البيت رأساً رأساً بأيادى مسلمه وما التفجيرات والأحزمة الناسفة وقتل الأبرياء جماعة إللا من أختراع المسلمون المتشددين..حتى لو أن أى حادث تفجيرى فى أى مكان فى العالم وقع فيتبادر للذهن لأول مره أن المدبرين مسلمين الى أن يتجلى الأمر ..معنى ذلك أن الموت هو إختراع إسلامى بدون منازع و بأمتياز ..هكذا هو المشهد للأسف
كيف ولماذا ؟ لا أدرى
رغم أن ديننا هو دين التسامح و الرحمة و المودة
فى الدين المسيحى يقولون : من لطمك على خدك الأيمن فأدر له الأيسر . لكن فى ديننا : من لطمك على خدك الأيمن فأقصفه بصاروخ أو دمره بحزام ناسف
هذا ..والله يحفظكم و السلام
أول إشي ما اسموش الدين المسيحي لأنو لا ينسب كدين لسيدنا المسيح إبن مريم
نصراني بنحكي ما بنحكي مسيحي
تاني إشي مع عدم معرفة صحة مابقي من الإنجيل بالإضافة إلى أن الدين المحمدي قصدي الدين الأسلامي جاء ونسخ الأديان السابقة
وما أقتبسته ليس بصحيح بالضرورة وليس بالضرورة إنو كل مسلم تعامله بالحزام الناسف كما حضرتك قلت
ربنا قال في قرآنه وكذلك جعلناكم أمة وسطا لتكونوا شهداء على الناس
وصحيح نحن أذلة فيما بيننا لكن أعزة على المشركين
ومش كل من ضربني كف أحكيلوا تعال أضربني قد ما بدك
وبدك بقيسلك عليها .. من قتلك لك أخاك قدم له أخاك الآخر لقتله ومن أغتصب أمتك خليه يغتصب الدول التانية وإلخ إلخ إلخ
شو المانع القياس بمقياس واحد
صح؟
بعدين دخيلك على هالصواريخ والقنابل يلي معموله من المواسير والمسامير والأحزمة الناسفة يلي بتحكي عنها
عم يقتلوا الأطفال ويحرقوا الأرض ويغتصبوا النساء بأبشع الطرق ويتسلوا بتعذيب المسلمين وبمزعوا القرآه وبحرقوه وبتفننوا في تفسيره على هواهم وبحولوا المساجد لمطاعم ومراقص وبميزوا وبمنعوا النقاب والحجاب وحتى بناء المساجد وببيحوا قتلي وقتلك وبنشروا الخمر والجنس وتجارتهم الكاسدة في تضيع الأخلاق وجاي تحكيلي الخد الأيسر
شو بتتخوت؟؟؟
Post a Comment
:وكيل المكومنت قال