Prozac Moment ... Jelly Moment Maybe
زي الكل مابتبلش السنة متفائلين وخطط وأحلام جديدة ونفسية جديدة وكلنا أمل بهاي السنة تكون أحسن من يلي قبلها ويلي قبلها ويلي قبلها (أعتقد فهمتوا فكرتي من التكرار) ,, طبعاً بندخل السنة بكل حذر وخوف وبتبلش السنة تخبيط ,, الكل بغض النظر عنها وبحكي يلا هاي أشياء معلقة ورواسب وعم تتزحزح مع حركة السنة الجديدة ,, وبتزيد هاي الترسبات ,, وبزيد الحِمِل وتكتر المشاكل وبتصير الحياة نفسها نفس غيرها من أي سنة كانت .
بحكي إنو ياريت هالحكي يلي حكيته وتمنيته أول السنة ما حكيته لأنو خلقت لحالي وهم بعيد عن الواقع والحقيقة وبنيت وعود ماقدرت أحققها بوقتها أو حتى قادره أحققها بهاي المرحلة بحياتي ,, مابنكر إنو جد في أشياء تحققت بوقت كتير متأخر عن الوقت يلي كان المفروض تصير ,, بس الشعور يلي بحسه بإنو مش قادرة أسيطر وأتحمل وأقدر (مش قادر أقدر أستطيع) ,, بس الحمد لله .
مش هون النقطه يلي بدي أحكي عنها للأسف ,, عم بحكي عن يلي بيجي بعد هاي الضربات والإفتكاسات ,, بحكي عن الوضع يلي بتكرر كل نص سنه بتمر .. من شهر سته سبعه تمنيه وبعديها ببطل أعد .. بتصير الحياة معي بنفس مبدأ الجلو ,, لا عارفه أرجع للحالة قبل التوقعات ,, ولا قادرة أقدم لقدام ,, والأبشع إنو لا الوضع بسيط ممل (سائل) ولا الوضع صلب وشديد وبشكل مكثف (صلب) لأ ,, زي الجلو لا هوه عارف حاله صلب ولا سائل .
وأقف عاجزتاً يؤرقني وهم كنت أتخبط فيه بشكل شبه طفولي .
قد أكون تماديت حباً في رجل يرفض كلمات تقيد معصمي أفكاره .
ولكنني لم أتعلم الحب بطريق المدارس الكلاسيكية .
تعلمته حروفاً تنشد بها نوارس البحر وترانيم توشوشها اليمامات لمن بقي يسبح في تيه مع النجوم .
حب الرجال كحب الأرض ,, ليس ينبت إلا بما حمله لحمهم من توارث الدهور وتراصص الطبقات الرمادية .
حب الحياة كما هي الألوان والأشياء التي نلتفت إلها بعد خفيٍ لا مبرر له تتواجد دائما ,, وفي لحظة تراها بارزتاً وقد كنا مغيبين عنها .
أما آن الأوان لأن أرفضكم كما رفضكم القبانيّ من قبلي .
سأمت أتقبل ما/من يرفضني ,, ضاع عرشي وإختفت مفاتيح خزائني ,, وإندثرت آخر ممالكي .
بلشت مرحلة عدم الإنجاز في هالسنة المقيته ,, فا الأفضل إني أهدى وأرتاح بما تبقى لي من ترف الحب والحياة بدي آخد فترة .. عطلة صيفية .. نقاهة .. بدي آخد راحة من التفكير ,, بالنهاية حالي بتستاهل متل هيك فترة راحة لازمتني من 18 سنة ,, آه 18 سنة يعني من وقت بلشت واعية على هالدنيا .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
5 comment:
بتلاحظي هالشي
بس تحطي خطه إمجدوله إنك رح بتعملي هيك ,, وهيك,, ورح بتحاولي تتجني هالشغله الفلانيه,,
مابتزبط؟؟
وبتلاقي حالك,, لمى تراجعي إنجازات السنه الماضيه
إنه كل شي منيح,, صار بالصدفه
مش بالترتيب
إلا الأشياءات المتراكمه
زي الدراسه والشغل ووالإمتياز وتوابعه
.
.
.
حطي كالونيا حطي جاتووووه
:))
ummomar
آه كأن السنين بتحكيلك مابتعرفي خيري إلا لتجربي غيري ,, المشكلة إنو لما يمر عليكي إنجاز وماتعيشيه ,, كأنو بروح تعبك على الفاضي
وأعتقد الحل الأمثل لهاد الأمر إنك تحاولي تسترجعي هاد الإنجاز وتحمدي ربك وتتعايشيه وتتفكري إنو آه أنا أحسن من غيري في هاد الجانب ,, لأنو ساعات إنتي لازم ترفعي من شأن حالك وماتستني الغير
..
آآآآه مفكره
إلي هيه بتاعت التفكييير
ايش راحه و ايش نقاهه؟؟؟
وانا اللي حطيتلك نجمه على صباحك بمدونتي و خايت الكل يزقفلك بالحصه جاي تقوليلي راحه
راحه ماشي اذا هون بتضلك شغّاله.... اما راحه من هون فلا ما حزرتي
نيجي للموضوع الرئيسي :)
المشكله ان كل سنه بتيجي اسؤ من اللي قبلها وطموحاتنا اكبر من اللي قبل لهيك الصدمه بتكون مش نفسها...لا اكبر :$
انا شو بعمل....كل ما يصير شي سيء معي بتخيل اسؤ سيناريو للحدث و بقارنه باللي صار فبحمد ربنا 100 مرّه عاللي انا فيه .... مع ان هالشي بتكرر دائما و لكن كل مرّه بتنتهي بالحمد لله :)
السلام عليكم
الكل بصير معه نفس الشي ؛ يعني أنا كل ما تبدا السنة بقول إن شاء الله السنة بدرس بتنظيم و ببدع بس ما بلاقي حالي بأخر شهر من السنة و بقول شو كنت أسوي طول السنة .
بس إن شاء الله السنة الجاي بتكون أحسن بعد في أمل بعون الله .
عجبتني عبارة ’’ حب الرجال كحب الأرض ... ’’ أنا قاعد اقرأ كتاب الشجرة للعقاد و فيه لحد الآن وصف للمرأة و إنسانيتها ، لعلي افهم شي مما يدور حولي :)
whisper
والله مش عارفه كيف أحكيلك
يعني مستوى الرواق عندكم أكتر من يلي عندي
عشان هيك عم بحاول أروق لأقدر أرجع لرواق حالي
بس على كل حال أنا حكيت هالحكي وما عندي هالتخيل والتصور إنو نفسيتي متدمره أو مكتأبة من هالدنيا هالقد ,, إنو لأ هاي مجرد أفكار وتفكير
alirbi
عن جد شغلة التأخير بتقهر ,, بس جد مرات مابكون للواحد نفس يعمل شي
بس الأصعب إنو يكون إلك نفس تعمل شي وتعمله وماتقدر توصل للنتيجة يلي بدكياها
شوقتني أقرأ هاد الكتاب مع إني لقيت حالي بحب الكتب الجديدة لسبب غريب
هسا صار عندي على ليستة القراءة كتاب الشجرة
وزوربا
Post a Comment
:وكيل المكومنت قال