cuuuuuuuuuuut !!! stop ..
عزيزي القارئ ,, إبليز إحضر الفلم على الله تفهم عن شو بحكي
القصه إنو آه مرات الكتابة ما بتعطي أي حق لشو إنت بتحكي ,, الكتابة ممكن تفرجيك صورة ,, تحسسك بمشاعر ,, ممكن تدفعك لتتخيل أشياء وتبني أشياء وتستحدث أشياء جديدة .
بس السؤال الذي يدور في خاطري ويؤرق مضجعي "حالياً" إنو طب والكلمات والرسائل والمسجات والكتب والمجلات والمدونات وأي كتابه لحروف ممكن تعطيك الأكشن وردة الفعل الطبيعية لكاتبها؟؟
يعني هل أنا إزا معصبه حالياً مثلاً وعم بكتب عن كبتي وقهري ووجعي وإلخ إلخ أو بكتب عن فرحتي وسعادتي والأشياء هاي هل ممكن إنت كقارئ تحس وتتفاعل بنفس المشاعر يلي أنا بحكي عنها ؟؟ أو تحس بذات الفكرة يلي أنا عم بحكي عنها دون إضافة صورتك وتحليلك الذهني الخاص فيك .
القصد يلي بحكي عنه ممكن زي تشبيه تلاقوه بمثلاً إنت راجع من البيت تعبان أو صار معك مصايب الدنيا ودخلت على البيت لقيت الكل بيضحك ومبسوط ,, يمكن في بعض الحالات تحكي بينك وبين حالك شوف هدول في شو وأنا في شو .. وفي ناس بتوصل فيهم مرحلة يحكوا هدول يمكن بضحكوا عليي وعلى فشلي ,, بس """" بالواقع """" بكون مافي إنطباق أفكارك على أفكارهم وببساطه يلي إنتا حكيتوا لم يكن إلا من نسيج خيالك .
وهون نفس الشي لما أنا أكتب موضوع معين .. ليه إنت تفهموا بشكل تاني؟؟ أوك في فرق مابين إنت تلخبط بالفهم أو إنك إنت تضيف على ما أكتبه أو ما أذكره زي كأنك بتفسر كلامي بين السطور مع إني أنا كلامي عبارة عن سطر واحد واضح وبالنسبه إلي لم أقصد شيئاً .
والمشكلة يلي عم بطرحها مش شغلة الفهم من عدمه - بكفينا مابفهموني وما حد فاهمني - بس القصد إنو بجد مرات إنت بتحكي كلمة أو شغلة بمسج أو إيميل أو أي كتابه وببساطه تفهم على الشكل الخاطئ يمكن لأنو مش حاطين علامة إستفهام أو تعجب أو نقطه لتبين إحنا يلي عم نحكي شو ردت فعلنا ,, أو حتى فواصل للجملة فا بينفهم كلامي أو كلام أي شخص بسياق خاطئ .
إنو أوك الناس بدها تدبر حالها صارت تحط السمايلات زي :) و :( و :-@ و إلخ إلخ من الرموز يلي بتوحي بشكلها الوجه وفي ناس صاروا يفضلوا الكلام المباشر وفي ناس مابتحكي إلا بمواجهة مباشرة تحت مقولة (هاد الحكي مابنفع ينحكى على التلفون) ردات الفعل الوجهية والحركية والصوتية والحسية مرات لا تنقل إلا بشكل مباشر لتنفهم .. بالإضافة إلى أن الحساسيات الزايدة والسرحان الزيادة والتجارب السيئة المسبقة والأحكام المسبقة والحكم الخاطئ ولخبطة الأمور وحتى لما ما تقرأ الكلام بشكل صحيح
أوك أعطيكم مثال حي :
رسالة من : مرحبا . ممكن تساعديني بشغلة مش عارفه أعملها ومحتاجة مساعدتك
أنا : مش عارفه مابقدر أكون عندك حالي بس بالنسبة للشغلة الفلانية خابرتك عملتيها قبل هالمرة فا ببساطة كرري نفس الخطوات
رسالة من : شكراً ومش أنا يلي عملتها هاي المرة في حد تاني ساعدني فيها
طبعاً وإنقطع الإتصال فيما بيننا بعد هيك ومش فاهمه وين الجريمة النكراء يلي عملتها وشو قصة العالم ب "شكراً" .. قسماً بالله بينسم بدني إزا حد حكالي شكراً حتى لما تنحكى بأي طريقة .
طب سؤال هيه حكتلي شكراً بالقصد المنيح وأنا فهمتها غلط عشان بكره هاي الكلمة؟؟
طب شو القصد من إنو حد تاني عملي هاي الشغلة وما بعرف شو ؟
طب أنا شو يلي غلطت فيه لما حكيت إنو تتكرر نفس الخطوات السابقة ؟؟
شايفين زي هيك مواقف مابعرف راسي من رجلييي .. إنو واااااااات .. مش فاهمه وكتير بتصير مواقف زي هيك وأكيد بتصير مع غيري لأنو أكيد مش أنا يلي إخترعت كلمة "سوء تفاهم" أو "لخبطه" أو "لخبطيطا" أو "ليخا" أو "طعه وقايمه" أو ما شابهها .
بريء يا بيه .. الشخص الوحيد يلي ما بعاملك هيك هوه الشخص يلي جد بيعرفك وجد قريب منك ,, إلى حينها يا بتلاقوا حل يا بتستنوا لأكتشف كيف مخ البشرية بتشتغل .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
12 comment:
ييييييييييييييي , ياماااااااا عملت مشاكل من ورا الايميلات الناشفة بالشغل وغيره
زي كلمة شكرا , اكثر اشي بحرق دمي هاذ السمايل
:)
احقر سمايلي على وجه الارض, خاصة لما يكون موجود بايميل شغل , يمه شو بنحرق راسي , مرات انا بستخدمه بردي على الكومنتس بالمدونة , بس بكون استخدامه عادي جدا
او زي كلمة
"هاذ اشي برجعلك"
انا دايما بوخذ معناها انه
"انا مش راضي عن هاذ الحكي , وما بدي اياك تعمله , وحتى لو انت حاب تعمله فا لازم احكي هالكلمة واسم بدن اهلك"
انداري نوريّة , لازم كل واحد يعيش بخزانة لحاله , لا عين تشوف ولا قلب يحزن
lunar.
مرات بكون نفسي أمسك هاي الكلمات من الإيميل أو المسج زي لما تمزع شقفه من ورقه وأضلني أفتت فيها تفتيت وأكبها عالأرض وأضلني أدعس عليها لأفش غلي
وأصرخ بكره هاي الكلمههههههههههههه
بس فكرة الخزانة؟
تحشيش
أقول لك شيء
الصديق أو القريب اللى بيمسك لك على الكلمة
والحرف و يزعل هذا بيكون البعد عنه غنيمه
وحتى لو زعل مو مشكله كبيره لأنه مهما طال
الامد فأن عقليته لا تتطابق مع عقليتك
وياااما هالمواقف مرت علينا
تحيااتى
:)))))
نورياتيي
:)))
كل عام و انتي بخير بطيخه خانوم
:give:
:happy: حبيت كتير هالبوست
بتمنى اكون واضحه لووول
هلئ انا بعتبر الفهم بينعكس على نفسيه القارئ مو عليكي انتي ككاتبه كتيير بتصير معي و بنفهم غلط حتى بالكلام طبعن من ناس ما بيعرفوني او بيقصدوا يتصيدو اخطائي
لذلك عبري و اكتبي بلغتك و بطريقتك
اكيـــــد حتلاقي 2% فاهمين عليكي حتى لو ما علقو
:)
ولووووول جد معك حق انا بكره كلمه شكرن بحسها ملغمه يعني كلمه يسلمو ارطب بشلن و بكره كلمه بدي اغلبك كانه بتحكالك غصبن عنك
لونار:)
هاد سمايل تحببي بعرفش ليه بتكرهوه انتا و ام عمر
:sc:
ردك على لونار خوفني شوي و ضحكني "شويتين" :))))
قوس قزح
يعني بتأيد قول لونار إنو لازم الواحد يقعد بالخزانه
لأنو الصراحة بطل حد يطيق ينحكاله كلمه
الكل صاير حساس وعلى أعصابه سواء قريب أو بعيد
Euphoria
وإنت بخير يا حلو
بتعرفي مرات بتكرهي كلام من ورى ناس
يعني مثلاً يا عسل ,, كانت كلمه بناتيه أو كلمه هيك تنحكى لحبيب أو هيك شي وكنت أحسها كلمه خفيفه بس مره من المرات في وحده بتخوف كنت كل ما أشوفها اسمعها تحكي هالكلمه وسمردح لشباب لبنات مسجات وخديلك على مياصه
كرهت العسل ويومه وكرهت هالكلمه وازا سمعت حد بحكيها بكون نفسي أضربه كف ,, بس جد شو ذنبه هوه هالشخص قابل هديك التافهه ليعرف شعوري؟
وبتلاقي ناس كتير عندهم نفس العقد
شيشاني
المهم الشويتين
يما طلعت بحوف على رأي إبن خالي
طب بنفع أحكي من مكاني هاد للست فرتوشه عطري
شكرررررررررررررررررن
:k:
نور خانوم
إنتي ليش بتعطي ل كل الناس نفس الأهميه
وحده وفهمتك غلط " ك مثال" وراحت ف حال سبيلها
هيه الخسرانه,, مش إنتي
ليش توجعي راسك وتضلي إتفكري بالموضوع وحالتك حاله
إنتي حكتي شغله وعارفه إنها مش قله أدب او مش إشي برات الطريق
واللي قرأها حر,, كيف إيفسرها و يستوعبها أو حتى إيحسها
كبر الجي,, وروق الدي
عـ الهامش الحقيقي
بعرف إنك بتكرهني
صفي ع الدور
ummomara
يوما لسا مانشرت القومينت لقيتك ناطه في وجهي
يوووما منك
وبالنسبه للأهمية مرات في ناس بعز عليكي إنهم يعاملوكي هيك لأنو مرات بتأمنيلهم وترتاحي للحكي معهم بس توصل الحالة إنهم يعاملوكي بسطحية زي أي شخص ساعتها بتحسي بصدمة حضارية من هالشغلة
ع الهامش النص حقيقي
مابحب الدور
مابدي أصف عالدور
بكره الدور
:mob:
وك,, شو بدك أحسن من صوتي تصح صحي عليه؟
عليم الله زومبي حاطط صوتي منبه ع تلفونه
خخخخخخخخخخخخ
لو حكيتي إنه " هالمثال" عن شخص مهم,,, بتفرق ساعتها
وبعدين دامه عزيز و في عشره بيناتكم مفروض إنه ما ياخد سوء النيه من كلامك كـ رد فعل أولي
وفرضنا إنه أخد,, بتوقع إنه لازمن إيراجعك قبل ما ينطوي ع حاله ويختصرك ويبعد
حكتيلي صدمه حظاريه؟؟
ع الهامش *3
شو بحب النص التاني؟؟
إبره فاضيه؟؟
سابع جيم؟؟
وحده مثقفه؟؟
:sc:
خنص سكتت طارعه
:ut:
ummomar
البين يطسكي يا غبرانه
وك مالك بتهبشي من هون وهون
شو الأبرة الفاضية والسابع جيم
الله يعين زومبي وخواته على هيك منظر بشوفوه الصبح
وك فييين السؤال؟
فين السؤااااال
أنا أحط إيدي على السؤال تلاقيني فريره
أنا عارف كل حاجه بس مدكن
:mabedy:
Post a Comment
:وكيل المكومنت قال