أنت تستطيع صنع الحياة لنفسك
إمبارح الجمعة أول الصبح ,, زي ما أنا متأكده الكل بتراوده أحلام غريبه وبشكل حديث متجدد ومبتكر .
يلي فهمته أنو الدماغ بمر بعدة مراحل خلال النوم ومنها بكون بقمة صفاء وتفكير وإنتاجية عالية ,, وهاد يلي صار معي ,, ببساطه كان حلمي عبارة عن فلم سنمائي من إنتاجات هوليود يلي بتعجبك ,, ويلي استغربته كان فكرة مبتكرة ,, وتبعها شغلة تانية مبتكرة بس للأسف الدماغ ببلش يتناسى هاي الأحلام والخيالات في حال لم يتم استرجاعها واستذكارها أول ما تصحى .
صارت هالشغلة معي أكتر من مره ومتزكرة صارت معي أيام سنة أولى جامعة في مادة اسمها قانون إداري ,, سألتنا الدكتورة سؤال قانوني نوعاً ما كان مبهم ومش قادره أمسكلوا طرف ,, وبنفس الحالة حلمت بالجواب الصحيح وفكرت وناقشة نفسي وبكل الجوانب ,,, وبس صحيت ,, نسيته .
لما تتكررت معي هاي الحالة سلمت بالأمر وبطلت كتير أهتم ,, بس يوم الجمعة إمتدت هاي الجلسة لأكتر من هيك ,, ضليتني نايمه عالتخت وأنا صاحية وبفكر بشغلات ,, ومن خلال الحوارات والتفكير ,, يلي لسبب ما كان كختلف عن أي تفكير معتاد أو تفكير بأي شخص بالعادة بفكر فيهم ,, وجدت نفسي متحرر من أي أفكار مسبقه أي قيود ,, أي إلتزام ,, وأي حاجة ملحه على نفسي ,, ببساطه كنت كأني وبوعيي طلعت من حالي أو أنتجت من نفسي نسخه أعلى وأحدث ,, نعم نفس مبدأ نسخ البرامج الأحدث - خالية من المشاكل السابقه للنسخ مع تحديثات وإرتباطات جديدة - .
بعد هاي المرحلة حسيت بصفاء ذهني رجعني لحالتي الطبيعية وخلاني على مدى كل اليوم أفكر بالأشياء يلي بعيشها بيوم بطريقة مختلفه ,, هالشغلة ووصولي لمثل هيك مرحلة بجد حسسني بالنضوج والتحرر من أي قيد (بلا طعم) قيدت فيه حالي ,, أو حتى أفكار بنيتها وكنت مفكرة إنو هيه الصح وغيرها خطأ .
سعادتي وحياتي بإيدي ,, وبجد أنا يلي بفعلها وأنا يلي بطفيها (زي الأجهزة الكهربائية) آه للأسف بكبسة زر إلا يلي بفلت منك بدون ما تمسك حالك ,, أنا مش ملزومه بتفاصيل حياتي لشخص أو مرتبطه سعادتي وحاجاتي وكياني ككل بشخص معين ,, أنا بأثر في حالي مش المجموعة أو الفرد بأثر فيي لأنو ببساطه ما إن يتم الإنفصال عن الفرد أو المجموعة بتختلف الحسابات .
ما عم بركض ورا فكرة إنت وفكرك في مصلحتك ولازم تحط حالك على الأولويات ومن هالحكي يلي مش معروفله راس ,, بس ببساطه قدرات الإنسان أكبر من أن يتم تجاهلها أو وضعها تحت العنوان الخطأ .
زي مثلاً في كتاب (أقل من عدو أكثر من صديق) ذكر إنو هل الحزن والحرب همه بينتجو السعادة؟ متأكده إنو الكل فكر للحظات إنو آه هيه دافع ومؤثر ومنتج وهيه الغالب الأعم على النتاج الثقافي الحالي مما تخلفه الحروب بأي ردة فعل كانت ,, بس جواب إبراهيم نصرالله كان مختلف ,, حكى إنو لا شك أن الحزن والحروب لها نتاجها الكبير والضخم لكن لا يعني أنها هي الدافع والمحرك للثقافة والشعر والأدب بشكل عام والدليل إنو في مواضيع كتيرة ممكن تدفعك تكتب وتبدع غيرهم زي الحب والأسره والمجتمع والربيع والجمال .
فا ببساطه لما نفكر بمحدودية قدراتنا أو حتى نخلي قدراتنا محصوره بفكرتين أو أكتر أو حتى إرتباطها بعامل واحد لا غير ما رح نوصل للنتيجة أو بالأحرى ما رح نوصل لمنتهى قدراتنا .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
4 comment:
جميل ما قرأت
وجميل أن تصلي إلى مراتب الصفاء الذهني والشعور
بالاستقلال الفكري والتحرر من كل قيد ( بلا طعم ) أقول بصدق يا نور أن هذه قد تكون هبة من الله إلى جانب أنها ترتيب مع النفس
احترامي
أنا أسميها لحظات تحليق بالروح
واكيد كل منا يحمل داخله معانى
سامية ومبادئ و مثل عليا نصبو
الى تحقيقها ولكننا نتجرد منها
منذ لحظة أن نفتح أعيننا على
العالم المحيط بنا وما يحمله من
تعقيدات ولذلك نعود مرة اخرى الى
البرنامج المشوه اللذى يدير عقولنا
تحليق جميل
أستمرى
I Like :)
نور
عجبتني كلمتك ترتيب مع النفس
والحمد لله على كل شيء
وأشكرك
قوس قزح
البرنامج المشوه بيتعدل وبتصلح
والأشياء الغلط بتتصلح
بحكولك ليست العظمة أن لا تسقط
العظمة أن تسقط وتنهض من جديد
Euphoria
meee sooo likeee :hat:
Post a Comment
:وكيل المكومنت قال