يعني والله ما أنا فاهمه ليه رؤسائنا (قصدي يلي كانوا) متعبين حالهم ومتعبين أساتذة العربي يكتبولهم هالخطابات تقولوش معلقات العصر الجاهلي ... وأخطب أخطب أخطب ... (هيه خطوبه ولا كتب كتاب؟؟) ودود دودو دودو ... (ما هو المنطق؟؟ دودودو .. هوا دا المنطق؟ لأ .. سمعت يا أحمد دودودو دودو غلط ) وهات عادلك على المحاكمات يلي بتقلب المعده والناس من الزهق بتحكي أصلاً لو إبني ما مات من التعذيب يمكن مات من الزهق من ورا هيك ملل يسبب تنميل الدماغ ويسبب التحلل .

يعني ليه ما تتعلموا ممن سبقكم أيها المش محترمين .. راحوا بلبلوا شوي .. الناس إندوشت في البلبله .. ولا من شاف ولا من دري .. ولا حد تزكرهم ويمكن نسيوهم ... رح تحكوا عن شو بحكي .. بحكي ورح أذكركم بالآتي :-

الرؤساء في العالم تركوا دكة الحكم لعدة أسباب ومنهم :...

على رأي عادل إمام .. أبو راسين أبو ملبستين ؟؟ هوه إسمو إيه؟؟ يلتسن .. الزلمه هز يا وز وخبص ما خبص وشرب وإنبسط ووقع خمسين ألف مره على التلفزيون وداخ ودروخ .. وإتكل .. لا عين تشوف ولا قلب يحزن .

كلبتون .. مين؟؟ .. كلبتون .. آآه قصدك كلنتون ؟؟ لا هوا كيس واحد .. أبو النسوان .. وبرضو هز يا وز .. ودخل الحمام وطلع من الناحية التانية .. والناس إنشغلت في مونيكا بعتوها اليهود .. مونيكا بعتوها الأحزاب الأخرى .. وإلخ إلخ .. وطبل وزمر على السفاله .. وصف وطفى .

أبو الظرفاء .. حد مابعرف هالوجه .. خصوصاً هاي الصورة .. قال شو تشردق ببسكوته .. لتكون متشردق ببسكت ماري؟؟ خبص ما خبص وتهبل ما تهبل وعجب وشنع وقتل وحبس وهبب وفي الآخر أكل طراق على رأي الخلايجة .. والناس إنشغلت في مزادات تشتري الحذاء العجيب يلي خاف المالكي منه على حبيب القلب ... وهاااااظ هو .

ننتقل لقسم الأمراض والعاهات النفسية .. وهالخنزير غني .. غني عن التعريف والثنتين صحيحات .. قضايا فساد وسرقة أموال وجرائم حرب .. والدكتور النفسي تاعو إنتحر .. وهيو قال لهسا بنازع .. أبرة وضاعت في قشة والناس مابتعرف ولا ناوية تعرف عنو شي

جاااك والفاصولياء الزلمه صار ينسى .. صار ينسى شو عمل وشو ما عمل وشو نهب وشو خبص وفي مين غلط وفي شو غلط .. وعلى رأي سمير غانم أنا أعرف صاحبنا إتجوز تلات سنين وهوه كده .. شديد بس هوه إطرش وما بيسمعش وإنشل وجاله كساح وإحول سنتين ومات .. يلا لا شكر الله في سعيكم وصلى الله بارك .

هي حصتي .. أبو النور كلهم .. صاحب مقولة "إن كنتم نور فأنا أنور وإن كنتم ساده فأنا سادات وإن كنتم نور وسادات فأنا" .. شفيقة الطل .. الزلمه حاول يتزحزح ويعملوا حركتين قرع زي هالراس وإنبسطلوا كم يوم في حياتو وفي النهايه ضربوه بالرصاص وحرموه من الميراث كما قال جورج سيدهم .

فيا جماعة الشغلة بسيطه لا فهمتكم ولا مافهمتكم ولا قطار  ولا أنفاق ولا وجع راس .. كل واحد يشوفلوا حاجه خفيفه كده يا وديع وسيبك من الجنان دا يا ودعدع ... نوريا ... أستاااااااااااااااااااااااز .