نتائج هالديمقراطية
كانت النسب متفاوتة ومتقاربه أيضاً بس الحمد لله ما أخدت 99.9% ولا أي عدد قريب منها .. سرني إنو في عدد منيح أختار "بحب أتابعها دايماً" بس زي ما حكى شيشاني المفروض حطيت خيارات إيجابية أكتر .. وهاد إن دل على شيء دل على إنو مش عاجبه هالخيار .. بمزح .
"بكرههههههاااااا" هاد المفروض حد وحيد صوت عليه .. ومين رح يكون غير إم عمر .. بس للأسف الحاسدين كتار .. بس بحكيلهم مابستسيغ "هالحقد الطبقي" على رأيها إلا منها .. على أساس يعني ,,, وجاء بعد ذلك خيار "يابيييي شو بتقهر" و "يالهوي شو بتحكي" تقريباً الخيارين يحملون نفس المضمون .. وكانت النسب متشابهة بالمرافقة مع "نهايتك سودا يابنت" و "أجدها مناسبة لعمر 18+ سنة" وحاسه إنهم المفروض كانو كومبو .. يلي يطلب وحده يطلب الباقي معها ... لوول.. مع إنو "يا لهوي شو بتحكي" كنت متوقعة إنو ياخد نسبة أكبر من هيك .
"مااااشي الحال ... ماشي ياحاره" كان خيار شبه إيجابي يعني زي ما تحكوا للي مش طايقني بس بدو يجبر بخاطري .
أما النسب يلي كانت بالمرتبة التانية فهي للخيارات "ماتختصري .. هاتي من الآخر .. كم بدك؟" و "الصراحة جد بحسك غريبة أطوار" يلي همه بالنسبة إلي كانوا تحشيش حتى كل مره أشوف حد جديد مصوت عليهم .
الجماعة يلي حقدت عليها .. "بفهم عليها قد مابتفهم ستي اللغة الكورية" و يلي إختاروا "ما إلها داعي ... إتكلي على الله وأشتغلي رقاصة" مع قيمتهم التحشيشية الكبيرة إلا أنني ضفتهم وهم مغلفات بطابع كوميدي عشان أستدرجهم .. وكانت هذه النتيجه .
شكرا لكل حد بزور وبقرأ مدونتي .. بشكر كل حد بعلق وبتابع وبناقش وبستكمل المناقشة كمان .. ويسعدني ويشرفني أن أتقدم بجزيل الشكر والعرفان لشركة حلواني أخوان لتوزيعهم الملبس على حاضري فرز الأصوات .. والبلطجة ومن زورها معي .. وأصحاب المناسف وجماعة العشر ليرات الممزوعه نصين قبل التصويت وبعد التصويت .. وبشكر باسمي وباسم نقابة المدونين البلوجريين المتفلحنين على أختياركم لي نقيباً لكم بالسلبطة .. ويلي يحب النبي يزُؤ ... ومن هسا يلي عندو معامله بعرف كم التسعيرة .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
6 comment:
مين النقيب حكتيلي
:ag:
أحلام اليقظه عندك كثرانه يا بنت
:ag:
ومشفناش لا إمبلبس ولا مطبقنيات وظلينا بالجوع طول فترة الإستفتاء الشرير هاد :sad:
ummomar
والله إذا بدكم أعمل لجنة تحقيق فساد بضياع الملبسات والمطبقنيات لوووول فا لازم تدفعوا وإلا أهدرت حقوق المجتمع
والنقيب أكيد أنا ولن ترضوا بغيري بديل
:e:
اكيد في حدا مهتم , تطوليش الغيبة هينا بنستنى
لجنة تحقيق ، آه
موافق :)
ﻫﺎﺩ ﺍﻟﺘﻌﻠﻴﻖ ﻟﻠﻠﺒﻮﺳﺖ ﺍﻟﻲ ﺑﻌﺪﻩ , ﺍﻛﻴﺪ ﺍﻻﻏﻼﻕ ﻣﺶ ﻟﻤﺪﺓ ﻃﻮﻳﻠﺔ ﺻﺢ ؟ ﻣﻤﻜﻦ ﺍﻧﺎ ﻣﺎ ﺑﻌﻠﻖ ﻋﻠﻰ ﺍﻟﻤﺪﻭﻧﺎﺕ ﻟﻀﻴﻖ ﺍﻟﻮﻗﺖ ﺑﺲ ﺍﻟﻠﻲ ﺑﻌﺮﻓﻮ ﺍﻧﻲ ﺑﻘﺮﺍﻫﻢ
ﺻﺼﺤﻴﺢ...ﺍﻧﺎ ﺍﺧﺘﺮﺕ ﺧﻴﺎﺭ ﺷﻮ ﺑﺪﻙ ﻣﻦ ﺍﻻﺧﺮ ﻋﻠﻲ ﻣﺎ ﺍﺗﺬﻛﺮ
كيفك مكتئبة خانوم
Post a Comment
:وكيل المكومنت قال