ملكة النكد والنِّكديه
أفتخر أنا نوريا الأولى بأن أعلن نفسي أمام مجالسكم الكريمة ..
بأني أنا وفي الثامن من تشرين الثاني من عام واحد وعشرة وألفين ملكة الغضب .. ملكة العصبية والنكد الثائر الحانق المتسع الإتشار .
وقد نصبت نفسي بعمادتكم الكريمة وتكريمكم المستمر المتتابع لما أكون فيه من مزاجية حادة متقلبة متعصبة متنكوده متجعلكة والتي وجدتي نفسي إلقي بأثرها على أنفسكم دون حسب ورقيب .. وعليه وحيث وجدنا في خضم عدلنا الواسع ولكرم طيبنا بأن أجعل من حضرتي صاحبة الشرف والعطاء لما أحمله من لقب سأحمي رايته وسلطانه وليكن الله في عوننا .
تقرأ المقدمه مع كافة البنود وتعتبر جزء لا يتجزأ .. حرر على فقرة في عمان بتاريخ الثام ...
يعني شو هالعظمة يلي بعيشها .. شو هالتكريم يلي حواليي معطينياه .. لما أزعل .. همه بزعلوا كمان .. إزا بيوم عصبت .. بقلب كللللللل المود على يلي حواليي .. لو نكدت .. زي الجنادب بصير الكل يقلب مزاجه .. شو هالقوة يلي جواتي ؟؟
يعني فيروز رح ترجع تغنيلي "النكد الساطع آتٍ .." .. لأ والأحلى على قد شناعة مزاجي .. على قد ما بيتألفلي وبيطلع على جثتي زي ما بحكوا المصاروه .. غضب .. يعني أنا لو معصبة من موقف .. بييجي عليي وبطلع الأول والتاني والسابع عشر والتاسع والعشرمطاس .
بس بعد تفكير مستفيض لقيت شعبي ممن يحيطوني يلي همه على ما أعتقد تلاته أو أربعه .. معجبين ويتبعون سياستي في المزاج .. ووجدت إنو واو أنا شو إلي تأثير .
في ناس تغني وشعبها بقول آآه ويا ليل يا عين .. في ناس تنكت وشعبها يقول قهقهقه وههههه وهاهاها .. في ناس تمثل دراما وشعبها يبكي ويقول إهئ إهئ .. وأنا بنكد وشعبي بطلع سلسفيت غله فيي .
يعني بالمختصر المفيد إكتشفت إنو عندي جمهور أنا كمان .. وصدقوني مش عم بحكي هالحكي من ضعف أو من زعل أو من شي .. لا لا لا لا بالعكس .. أنا عم بتطلع من منظور تاني وبكتشف إنو أنا لي تأثير كمان على الناس .. في ناس بتعصب بس مش كل الناس بتفرق ليه همه يعصبوا وما بتأثروا فيهم .. أما أنا .. صدقوني من كشرتي .. من إني مجرد ما أحكي كلمه .. من الأففففف يلي بحكيها .. من أي لحسه بالعصبيه والنكد يتأثرون بي .
نعم ... أنهم شعبي العظيم ... صحيح بالنهاية بصفي أنا يلي براضي بهالشعب وبواسيهم وبتأسفلهم إني زعلت .. بس يعني شو الواحد بحب يدلع شعبه .. شو شايفيني مشتهيه حد يحكيلي "الشعب يريد إعدام سحنة النكد؟؟" .. لا أبداً .
بس إن شاء الله في سياستي الجديدة رح أحاول أفهم شعبي إنو "أزا أنا أزعل عادي .. بخبط راسي بالحيط وبهدى" مش ضروري تتعبوا حالكم .. عادي عادي .. وخلص ولا يهمكم بغيرلكم الوزارة بس إرضوا علينا .
ضاق خلقي يا صبي .. لأ مش كله بسببي .. ضاق خلقي .. ضااااق خلقي
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
9 comment:
ما بتلبقلك , بلا منها هالملكية
lunar.
وهيك؟؟
شو عملتي , لأني ما تبّعت :(
نحنا شعبك
امشي و نكدي
و ما عليك :P
بس شو الرابط العجيب مع المونوبولي؟
إذا فيه رابط
lunar>
غيرت العنوان فقط
haitham
الناس يلي بقصدهم
همه يلي بتعامل مهم في حياتي العادية
ومافي رابط بين كل شي إنت حكيتوا
عمي هيثم مالك السلوك ضاربه عندك؟
حكيتيلي
"النكد الساطع آتٍ .."
عاد أنا برعفها شي تاني
يا ستي كوني ملكه,, دامك مرتاحه بهيك منصب خرافي فـ محدنش ماسكك
بدك مساعده؟؟
تراني بدور ع شغل بعد الدوام
حتى لو كنترولة باص خط نكد,, بيت,, نكد
ummomar
لقيتلك شغل من قاع القدره
بس إشي بقص دهب
بعدين بحكيلك عنه بلا ما ينتشر الخبر ويسرقوه منا
خلينا محتكرين ونصير أسياد هالشغلة ونصير نشغل أيادي عامله رخيصه
هيه مش أيادي بالزبط بس إنو مشيها
آه ونصير نعطيها أقل من الحد الأدني من الأوجور
ونصير نلبس جاكيتات فرو
شكلي زودتها؟؟
:dareb la5meh:
الشغلة فيها فرو!
شكلكو
قرايب لرويلا دارفيل!
بس أنا عندي حشاشيه من الفرو
وبصير أعاطس بس ألبسه
:c2:
مافي ملبوس إرستقراطي غيره حوليكي؟؟
أنا وراك يا معلم,, وكلمة السر كتكوت
Post a Comment
:وكيل المكومنت قال