i chose not to say
الموقف مش موقف زعل أو كرامة أو مبدأ
الموقف إشي صعب ينحكى .. مش لصعوبة تصديقه أو كونه صراحة أو رح يسبب مشاكل
لأ ..
ببساطه لأنو أول جواب ممكن يتجاوبه إنو
لو ممكن الإشي يلي عم تحكي عنه .. ما كنتي سألتي هالسؤال ..
ولهيك إخترت لا أسأل ولا أحكي ولا أعمل أي شي ..
تخيلوا إنو في بينكم وبين شخص سر .. أو بين مجموعة .. وإنت كان عندك حكي تحكيه عنهم أو عن هالشخص أو طلب أو أمنيه أو فكرة أو تحكي أي شي أو تسأل .. بس الموضوع محصور .. الموضوع بين هالأشخاص أو بينك وبين هالشخص .. ومش قادر تحكيلهم لأنهم ببساطه طرف في الموضوع .
مرات في مواقف زي هيك بعمل زي العيال كبرت لما الأب عمل حاله صاحب يونس شلبي عشان يخليه يحكيله كل شي .. يعني إني أعتبر الشخص المعني بالموضوع مش هوه هالشخص وأحكيله عن فلان يلي هوه .. يعني مثلا صاحبتي "منى" بدي أحكيلها شي بس مستصعبة أحكيلها .. فا بحكيلها مثلاً والله إنو منى عملت مشكلة اليوم ..
ما بالكم لما يكون الموضوع حساس .. أو أن هالشخص صعب يتقبل هالكلام .. أو ما بتعرف ردة فعله .. أو شو ممكن يترك أثر في نفسه .. أو كيف ممكن تنقله هالموضوع .
الموضوع هاد ممكن يكون أساس في علاقه .. ممكن يكون أمر عاطفي .. شخصي .. مشكلة .. مأزق .. إشي ما بيتكرر أو مارر علينا كتير لدرجة بسهولة ممكن نحله كأشخاص عاديين .
ممكن أكبر تشبيه قريب للدوامه ممكن أوصفه .. يلي غنته أم كلثوم وقالت فيه :
بدي أشكيلك من نار حبي
وأبقى أحكيلك عن اللي فقلبي
وأقولك عالي سهرني
وأقولك عالي بكاني
وأصورلك ضنى روحي
وعزة نفسي منعاني .. عزة نفسي منعاني
يعني في تناقض .. بين نارين .. مابين مدى حساسية وضخامة الأمر بحد ذاته .. وبين المجهول في الحد أو النتيجة يلي ممكن يوصله الإباحة بهذا الأمر ..
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
0 comment:
Post a Comment
:وكيل المكومنت قال