ماذا تقول عندما يذكر اسم الله؟
قبل ما أحكي الجملة التالية .. حابة أوضح فكرة لا غير .. وبتمنى ما أنفهم غلط .. والشكر الأكبر لمن لن يفهمني غلط . القصة ومافيها إنو كل ما يذكر اسم الرسول الكريم .. على طول الكل برد (صلى الله عليه وسلم) .. وهو أمر رباني ولا خلاف عليه ولا اعتراض عليه والكل بعرف إنو نكسب ويحمل ذلك من الأجر الكبير .
لكن ما حد فكر إنه هناك ثناء يستتبع اسم الله أينما يذكر , سواء في حديثنا وفي كلامنا وفي قراءتنا للقرآن ؟؟
بحب لفظ بيحكوه كتير (التأدب مع الله) أو (التأدب في التعامل مع الله) وأكيد يشمل ذلك الكلام والقول .
قبل أكم سنة مش متذكرة المصدر يلي سمعت منه , بس ذكر إنو حتى لما وأنت تقرأ القرآن الكريم ويكون في آية مثلاً (قَالُوا سُبْحَانَكَ أَنْتَ وَلِيُّنَا مِنْ دُونِهِمْ) لازم ترد وتسبح وكذلك التهليل والحمد والشهادة .. فما بالكم وإنتم تحكوا كلامكم العادي أو تستمعوا لأي كلام وخطاب أو حوار لا يخلوا من ذكر الله .
كلنا والحمد لله يومياً بكون لساننا رطب أيضاً بذكر الله والصلاة على النبي الأكرم , وبكل لحظة قوة وضعف وفرح وحاجة وعطاء بنذكر اسم الله , ومش رح نخسر شي لو سمعنا من يذكر اسم الله أن نحمده ونشكره ونستغفره ونستعين به .
آخر شي نفسي أحكيه .. مره كنت بسمع لدروس الدكتور راتب النابلسي واقتبس من كلامه في شرحه لأحد اسماء الله الحسنى (الوهاب) وقال فيها , وهاد الدعاء بالذات يرد على لسان كتير من ناس ,, وظهرت فتاوي بعدم صحة هذا الدعاء , لكن الدكتور اللهم افتح عليه فسر الموقف بأعظم ما يمكن .. ومن خلال الكلام التالي رح تفهموا قصدي :
يعني يا رب لا نسألك ردّ القضاء ولكن نسألك اللطف به
لماذا هذا الدعاء ؟
يا رب اصرف عني هذا البلاء كلياً
الله عز وجل إذا أعطى أدهش، كأن دعاءك يفهم أنك لا تريد أن تحل المشكلة كليا , جزئياً
لماذا جزئياً ؟ هناك أدعية لم يدع بها النبي عليه الصلاة والسلام
لا نسألك رد القضاء كلياً نسألك اللطف به
أي سيأتيني حجر يا رب اجعله صغيراً
لماذا هذا الدعاء ؟
يا رب اصرف عني هذا البلاء كلياً، كن طموحاً، اطمع بفضل الله عليك، فلذلك:
﴿ قَالَ رَبِّ اغْفِرْ لِي وَهَبْ لِي مُلْكًا لَا يَنْبَغِي لِأَحَدٍ مِنْ بَعْدِي إِنَّكَ أَنْتَ الْوَهَّابُ (35) ﴾ ( سورة ص )
اسأل الله حاجتك كلها، اسأل الله ملح طعامك، اسأل الله شسع نعلك إذا انقطع، اسأل الله كل حاجاتك، اسأل الله ما عظم من حاجاتك، وما قل. .. (أكثر)
تخيل تسأل الله ملح الأكل؟؟ .. آه رح تستحوا من حالكم في هالطلب .. زي ما أنا استغربت .. طب نعل الحذاء؟؟ .. بدي أرفع إيديي لله الخالق .. خالقني وإلهي وأطلب منه هالشي؟؟ .. برجع يتراود كلام الدكتور النابلسي وبتفكر إنو الله هو من خلقني وعليه بتوكل .. ومنه وحده أطلب الرزق والرحمة .. وببساطة كل شيء على هالأرض بأمره .. وكل شيء من خلقه .. ليه تستحي من هالشي .. (يضاف إلى ذلك مبدأ التوكل لا التواكل دون تناقض أو أختلاط في المفاهيم) .. وببساطة هاد الأمر جزء من التوحيد والتسليم للخالق والرازق الواحد ,, لا تنسى أنو هاد الشي بشكل الراحة النفسية بحد ذاتها في الرزق وفي ولاية الأمر وفي المصير وفي كل شي .. لما تشوف حد بظلمك .. حد جار عليك ,, حد حاول يذلك ,, بتحكيله طق راسك بمليون حيط أنا معتز بالله ومافي بعد هيك .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
4 comment:
بتحكيله طق راسك بمليون حيط أنا معتز بالله ومافي بعد هيك .
لخصتي اللي بدي أحكيه وأنا بقرأ
أول فقره,, بتصدقي كانت رايحه من بالي؟؟
الله يجزيكي الخير
تاني فقره,, انا معك فيها
أصلاتتن انا دايمن بحكيها بس أكون مأطلسه
" إن معي ربي سيهدين"
و
" ماذا فقد من وجد الله,, وماذا وجد من فقد الله"
ربنا هوه كل شي بالوجود,, وبدون ذكره وطلبه والتذلل إله,, مفيش للحياة مصلحه
بتصور هالدرس سمعته بس مش من النابلسي,, من حدن تاني
ومن يومها,, بطلبش إشي ناقص
بطلب الحلو من ساسه ل راسه
هاد ربنا,,وهوه أكرم منا
--------------
تخلنيش أحبك وليّ,, فاهمه؟؟؟
ummomar
صدقيني بحس بلحظات وبفتش على أسبابها
القصة إنو بحس في مساحة كبيرة بيننا وبين الله
ومرات الخوف والبعد بخفف أي علاقه بين طرفين أو شو ما كانت طبيعة الأطراف
وبتلاقي ناس قريبين من الله وبحبوه وببكوا على أقل آية قرآن حتى لو كانت في عذاب والغريب أنو داخلها إيمان كبير برحمة الله
تخيل حد بوعد بعذاب ماتخيله عقل بشري ومع هيك يكون داخلك إيمان إنه رحيم كريم
تناقض , أكيد
بس في شي بجمع هدول التنين بشكل رباني وبشكل مع ذلك يبعث للأطمئنان , وبدفع تكوني وسطية ورقيبة على نفسك
لأنو حتى في الإنسان نفسه بعض الأمور تحل بالترغيب وبعض الأمور تعالج بالترهيب , ولو تنتبهي إنو الأمر غير مكلف ولا بده حرق بخور ولا تضحية أمام المذبح ولا جلد للجسد ولا أي من ما أبتدعته الأديان الأخرى
------
بتحبيني يا هدى؟
إذن فأنتي تنفشي بشاش الحب وتحلشي بكل ما كان الفؤات كمن تشي
هو الرحمن الرحيم الذي إذا سئل أعطى من غير حساب
و كفى
:)
haitham
ودائما الحمد لله رب العالمين
Post a Comment
:وكيل المكومنت قال