شو الحل؟؟
طبعاً هالموقف يمكن صار مع كتير بنات وأكيد عارفين شو الأحساس يلي بصير لما شخص وكأنه من كوكب تاني بيجي ويسألك في موضوع الجنس ,, أو بأحرى يطرح الموضوع عليكي هيك دون حسيب أو رقيب ,, وكأنك بتعرفيه من ألف سنه أو في إرتباط بينك وبينه .
اليوم وفي جلسه بناته والحمد لله كلنا ملتزمات باللبس وبنشرطش حناكنا وبالعادة نكدات ومبوزمات في الطريق العام كطريقه لسد أي محاولات .. وحده مننا شافها شب وسألها ليه معصبه وضلوا ماشي معها لوصل لزبدة مبتغاه الخايس من الحكي البنت إلتخمت وصارت تحكي الجمله يلي بتخطر (أو مايخطر ببالها شي) إنو شو إنتا مجنون وحاولت تتخلص منه .
البنت حكتلي إنها كانت جوات الجامعة الأردنية وقريبه من الرئيسي .. أنا حكتلها وك ليه ما خبرتي الأمن ,, هدول من غير هالشغله بستنوا واحد ياكلوه ,, بتحكيلي وأجمعت صاحبتي التانيه إنو ,,,
ولو شكت عليه ممكن ينكر ويحكي بتألف عليي ويمكن يقلب الطاوله عليها ويألف عليها حكي ,, وفي هالحال شو رح يكون موقفنا طالما كلا بيناتهما مجرد كلام ؟؟؟
والبنت كيف رح يكون موقفها لما يحبكلها قصة مرتبه من قاع الدست ,, هاد غير إنها من البدايه رح أصلاً تكون حاسه بقرف وبحرج وبخوف وهسا خوف زياده إنو ينقلب الأمر عليها .. وبكل سهولة بهالوقت يصير وينقلب الأمر عليها لأن الشباب حالياً طالعين بموضة إنو البنات يلي صايرة تعاكس .
لما حكتلي هالحكي صفنت .. وحسيت بمدى قرف الشغلة .. والشكوى لغير الله مذلة .
تزكرت قصة قرأتها في رواية نيران صديقة عن دكتور ومدير مصلحة ومعروف بقلة أدبه وتحرشه ,, وبيوم إجت عاملة تنظيف جديدة أم لأيتام وإلخ إلخ .. بيوم دخلت على غرفته وحاول يعتدي عليها وبلشت تصرخ .. ولما بلشوا يلي في المصلحة يتجمعوا ويخبطوا الباب وفتحوا الباب صار يصرخ ويحكي " طلعي المية جنيه يلي سرقتيهم يا حراميه" وهددها بالشرطة والمحاكم .. والناس مع علمهم وشوفتهم لملابسها الممزقه وخوفها وشعرها وحالتها (الحالة المتوقعة للمجني عليها في محاولة الإعتداء الجنسي) عشان هوه المدير وماسك رزقهم وقفوا معه وصاروا يبلشوا يصدقوه وبالتالي رح يكذبوا كل شي رح تحكيه مع إيمانهم الداخلي إنها صادقة .. وهوه بالنهاية زي بما معناه حاول يكون أصيل ويعفي عنها أو ما شابه ..
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
2 comment:
الواحد قد ما سمع قصص من هاذ النوع صار يخفّ عقله
المشكلة انه جد في ناس خبثا وببساطة بتقلب الطاولة على الطرف الثاني بغض النظر بنت او شب
بس بشكل عام في الاردن , البنت قصتها بتتصدق والها مصداقية اكثر من الشب - طبعا مش كلها ايجابية هالشغلة
البنت مرات بتختصر تكبّر القصة عشان السمعة, لأنه سلامتك من المجتمع الفاضل اللي عايشين فيه احنا
أنا لو محل صاحبتك بشكي عليه وبشرشحه وبضربه كمان لأنه امه شكلها مش مربيته منيح. أولا هذا الحكي مش مزبوط. البنت المش مزبوطة مبينة من لبسها ومشيتها يا أختي و صاحبتك مبين محترمة ومشيها على الصراط المستقيم. وأساسا لأنه شافها محترمة وبتخاف على حالها حكى راح تستحي وتخاف وإذا ما عجبها الكلام ما راح تعمل اشي وعشان هيك زودها
الخوف يا باي منه!!! مو جايب الدور لبناتنا غير الخوف. يعني هلا لأنها ما شكت عليه راح يتحركش بنص بنات الجامعة والكل راح يسكت لأنه بستحوا وبخافوا يطلع عليهم سمعة مش كويسة. لازم واحدة تكون جريئة! وإذا هو تبلى عليها كل اللي بالجامعة راح يشهدوا بحسن أخلاقها ويوقفوا معاها.
بسيطة ان شاء الله خير هي الواحدة بهيك مواقف بتلتخم ما بتعرف ايش تساوي. بس نصيحة المرة الجاي تفكر إذا هي ما شكت عليه راح يتحركش بكثير وكثير بنات غيرها
Post a Comment
:وكيل المكومنت قال