can we?
يعني نظريتي تنطبق على الحكمة القائلة الحقيقة أغرب من الخيال ..
ويتبع ذلك إنو الجزئية يلي بدي أحكي عنها هيه بشغلات شكلية لا أكثر ..
يلي بدي أحكيه إنو بجد في كتير شغلات بتفكر فيها أو بترسمها بخيالك .. لا مش في خيالك بل في بالك ولما مثلاً تحكي لحد عنها أو توصفها بطبيعة الحال بدك تحكي الجانب الشكلي ألا وهو يلي مرسوم في بالك .. هسا بيتبع خروج الكلام أو الوصف منك نوع من إعادة التفكير أو التصديق في شو إنت حكيت .. ( مابعرف شو تحليل هاي النظرية بس بجد في فرق مابين الفكرة في راسك والفكرة لما تحكيلها كأنه بيتغير معناها أو وقعها في نفسك ) .. ولما تتواجه مع هذا الخيال بوصفه الشكلي "الأصلي" بتنصدم .. بننصدم .. بنصدم .. إلخ إلخ .
الأبشع من هيك طريقة تعاملنا مع هذا الأمر .. مرات كتير نرفضه .. نحاول نعدل فيه .. وأبشع البشاعة إنك تحاسب أو تحكم على هذا الشخص أو الشيء بأنه غير أصلي أو شخص متحول .
طب ليه ؟؟ ,, إنت يلي رسمتله في صورة في بالك .. أقرب تشبيه لكلامي مع عدم إرتباط الموضوعين هوه لقاءات على النت .. مثلاً يملك أو تملك شخصية رائعة وعلم وثقافة أو العكس تماماَ وأنت بس تسمع هالكلام بتحكم على حسب تفكيرك المحدود أحياناً .. وبس يلتقي بصير الفكرة المأساوية يلي الكل حالياً عرفها .. وبتبدا المشاكل وإنتا كذبت عليي وأنتي ضحكتي عليي وإلخ .
ونفس الشي لما حد يتجوز أو يحب أو بفكر في موضوع معين أو وضع معين أو شيء معين أو موقف معين .. وبكون مفكر فيه قبل هيك .. ولما يتواجه (سواء مع الشيء أو الشخص) بلاقيه مش مطابق لتفكيره وبتصير ردة فعل سلبية .
بتعرفوني بمووووووت على إشي اسمو بسس وبضلني أتفرج على صور وفيديوهات للبسين والبسات وبيوم خطفنا بسه من الحاره وجبناها أكم ساعة .. قضتهم تتجبد وتنام هون وتنام هون وتموي بدها تطلع وبس بدها توكل .. طب بعدين مابدك تعملي زي يلي في الصور والفيديوهات ؟؟ .. أكيد لأ .. شو دخلها شو كاينه هيه همه؟؟ بعديها بطلت أطيق البسس كتير لحديت ما وصلت هاي الفكرة .
مش غلط إنو الشخص يكون عنده تصور مسبق لشو ممكن يصير معه .. بس غلط يكون تصوره حاد وخارج المألوف والواقع .. زي يلي عندهم الوسواس القهري .. بخافوا يصير معهم موقف معين جراء موقف صار معهم وبصيروا يطبقوه على كل شي .. بخاف يتسمم لأنو إمو صارت معها هيك وماتت فا ربط المأساة مع الجراثيم وصار يقضي كل حياته في الحمام يتحمم ويغسل إيديه قبل الأكل أكم ساعة .. وبكون علاجهم بمواجهة هاد الموقف أو (الوهم) بواجه حقيقة الأمر هاد وشكله وصورته الحقيقية لدرجة بياخدوهم على مزبله أو مكان في وسخ وبعد ما يخرج هاد المكان ويضله عايش بيعرف إنو مافي شي يخاف منه بهالقدر .
وزي مسألة الحب والموت والطلاق وأشياء ومواقف ممكن يبني فكر كبييييييير عنها ويعمل منها قبة .. زي جراندايزر .. صارلي متخرجه تلات سنين من الجامعة وبحكي يابيييييي مافي حد أحلى منه .. إمبارح شفته في النقابة إنصدمت .. إنو هيوووووو .. ولما لف وجهه لقيته بشبه إبن إم غسان الزغير .. (شخص وحيد رح يفهم مين جراندايزر وال بق سسطر هيه الوحيدة يلي رح تعرف مين إبن إم غسان الزغير .. بس عالعموم فهمتوا الفكرة) .. فا أنا إنصدمت إنو واااااال لهدرجة واهمه حالي؟؟ (بس مش هالصدمة الكبيرة) .
بعيداً عن جراندايزر والشجعان الثلاثة (يلي كمان لما رجعت حضرتهم كنت رح أقتل حالي من التفاهة بعد لهفة كبيرة إنو ياااااي شو حلو وشو كنت أحبهم) .. في شغلات ببساطه لازم نعطيها صورتها الواقعية أو ما نحمل أي شي أكتر من معرفتنا إلو .. نكون واقعين وزي ما إحنا بدنا وقت ليفهموا علينا الناس أو نفهم الأشياء .. نعطي هالشي إلهم .. أو نكون مرنين لنعرف كيف نتعامل مع هيك مواقف ونتروى فيها .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
8 comment:
لازم نعطيها صورتها الواقعية = يحتاج مرانا ً عفكرة :)
الصور الذهنية و سقف التوقعات -لكل شيء- شيء إنساني جداً و لكن نقدر أن نتحكم به إن أردنا
نقزيتني لمى جبتي سيره العلاقات الإلكترونيه وشو بتخلينا
افهمك ياها
هلأ بتعرفي إني كنت محجوبه,, وتعرفت ع معظم شلتي عن طريقه
وكل حدن من قبل ما أشوفه كنت أحكيه معاه ع النت كتير
وارسمله صور ومكاتيب
شتيت أنا
أرجع
أه,, ولمى كنت ألتقي بأي شخص محجوبي أو نتي,, الاقي حالي تقريبن متخيلة الشخص بالزبط,, وإنه شوفته ماضافت ع علاقة الصداقه هاي شي جديد
ما إنخميت
والإنطباعات هاي اللي برسمها عقلك,, بس عشنه فاضي وبتفشش
وبحب يشغلك, ويعطي الموضع أكبر من حجمه
سكتت,,وهيني طارعه أكل كنافه
:dream
مش بالضرورة إزا الشغلة ما بتصير معكم يعني إنتهى الموضوع
إم عمر بعرف عن شو بتحكي
ومش محتاجه تشرحيلي
بس أنا عم بحكي عن الجانب الآخر من الأرض
لوول
شكرن لإنك نكستيني
umommar
بتعرفي جملتك نكستيني كانت أكبر دليل واقعي على شو عم بحكي
إنك كنتي بتتوقعي مني جواب معين
بس أنا جاوبت على خلاف ذلك
وبالتالي حسيتي بالنكسة
يعني خيالك كان خلاف للواقع
وعلى ذلك لأنك ما تقبلتي إختلاف الواقع
حسيتي بالنكسه
أشكرك
ههههههههههههه
يبدولي إنه فعلن هون في مدونتك ممنوع المزح
لا يا ستي,, ماتوقت منك أي إطراء
أولن,, أنا بعرفك وبعرف جواباتك كيف شكلها
ومابعمري أخدت منك رد ينطوي تحت قائمه " تشجيع" او حتى " إطراء " عشان أستمر
ولو كان في هيك شي من زمان,, مارح كان خيالي الضعيف والمريض يرجع يرسملي ردود جميله منك
ثانياً,, أنا مابشارك هون بالذات عشان أنمدح أو يزيد صيتي التدويني وأفتخر إني بشارك عندك
ههههههههههههه
خلاصته,, لا تعممي تجربتك عليّ
مابتعرفنيش لسه
ههههههههههههههههههه
ودقي يا مزيكا
ummomar
http://www.youtube.com/watch?v=qeUb76Fgz5Q&feature=related
http://www.youtube.com/watch?v=UXoNE14U_zM
هههههههههههههههههههههههههههههه
Post a Comment
:وكيل المكومنت قال