للشخص يلي مش بس بحياتي ممكن تلاقيه بحياة أي حد .. وتفكيركم فيه بكون مممممم متل نسمة الهوا بعز دين الصيف .. متل لما تروح تعبان عالبيت وتقعد وترتاح وتلاقي شي بتحبو على التلفزيون ... زي لما تكون بتصلح في شغلة وتزبط بالطريقة يلي إنت بدكياها .. زي لحظة ما تصحى وتلاقي حالك صاحي بكير ولسا معك وقت منيح ترجع تنام فيه قبل الدوام ... وأكتر وأكتر بكون وجوده بالحياة ... وتفكيركم فيه بيعطي ذات حجم الأدرينالين وهرمونات السعادة والخدر من أي تعصيب أو نرفزه .. ببساطة المكان يلي بتخبى فيه دماغكم في لحظات معدودة ... وبعد هالمورفين النفسي يلي بريحك (مجرد فكرة وجوده في هالدنيا بالحد الأدنى) بتمشى وبتكمل يلي إنت فيه .

غايتي من قول "مجرد فكرة وجوده في هالدنيا بالحد الأدني" بشير فيه إنو مش بالضرورة حد مرتبط فيه (مع العلم إنو نعم ممكن تكون مرتبط فيه) بس ممكن يكون حد في حياتك بأي طريقة كانت .. خيال/ حقيقة / واقع ملموس / واقع غير ملموس يعني موجود بس مافي أي نسبة إرتباط / ممكن هالشخص بعرف عنك / ممكن مابعرف عنك / ممكن يعرف يلي في قلبك وروحك وعيونك / ممكن مايكون يعرف .

دا اللي وأنا معاه

من قلبي بغني وأنا معاه

دا حبيبي اللي أنا بتمناه
وأحلم بلقاه