النسور والثمانين قضائي
كيف بصير التنفيذ القضائي وكيف عرفت الناس عن الأحكام يلي على كلللللللللللل هالنواب؟ أول شي أعبر عن أستغرابي الشديد إنهم (80 نائب)؟؟؟؟ تمانين وعليهم ومعمم عليهم؟ أي مكتب الأستاذ أضرب وإنطح أكاد وأكرر أكاد أجزم إنو ما بجتمع عندنا 80 شخص معمم عليه بنفس الشهر .. يلي بستأنف يلي بدفع يلي بنحبس يلي إلخ إلخ (وهدول كلهم مواطنين) بس فيه منهم من التمانين لوول بمزح .
التنفيذ القضائي معناه أول شي هي الجهة المختصة لتقيد في سجل الشخص إنو مطلوب لجهة مختصة مثل المحاكم (شاهد , مشتكى عليه وأحياناً مشتكي) لغايات حضورهم لدى قاضي الجزاء للشهادة أو للمثول خلال نظر الجلسات .. وتعميمات المدعي العام يلي بكون جزء منو لشكاوى وقضايا تحقيقية ومنو أحكام أصدروها قضاة الجزاء مثلاً فلان صدر بحقه حكم لجرم شيك لا يقابله رصيد فا بحكم عليه القاضي سنة حبس بنزل الملف عند المدعي العام ليبلغ الشخص المشتكى عليه بوجود حكم عليك ومن ثم وإذا مضت المدة وما عمل شي هاد الشخص (إستئناف أو استبدال ودفع المبلغ) بعمم عليه عشان ينمسك ويزج في السجن .. والجهة الثالثة وهي الأغلب من يلي مر عليي هو التنفيذ أو دوائر الأجرة وبتكون شخص بدو فلوس من حد عن طريق حكم محكمة أو كمبيالة بطرحهم في التنفيذ وإذا ما دفع الفلوس بطلب حبسه للمدة يلي بقررها رئيس التنفيذ وبتطلع مذكرة جلب بحقه وعشان هيك بوقفوكم الشرطة في الشارع وبطلبوا هويتكم وبشيكوا على الرقم الوطني لكل ما سبق.
طبعاً كل هالسولافة من فترة إتخاذ الإجراء (إقامة دعوى) أو تحريك شكوى أو تسجيل تنفيذ وإلخ إلخ ومع إجراءاته وحتى طلب إصدار مذكرة الجلب ويتعمم عليه أقلها ممكن ياخد ساعه (للناس يلي بتعرف حد بالشرطة أو التنفيذ القضائي) وممكن إذا مشيت بإجراءات زي الناس الطبيعيين ممكن تاخدلها أقلها أربع أشهر أقل أو أكثر أما يلي عندو خبرة ومدعوم ممكن يأخر في إن الطلب ينزل عليه أو يتحلل من إنو ينمسك وفهمكم كفاية .
ليش مستغربه ؟؟ ... لأن ببساطة الجرائم يلي إنحكت في فيديو أحمد الزعبي بتاخد وقت طويل لتوصل للتنفيذ القضائي نوعاً ما وطول ما تعمم عليه معناها يا مغطرش وبتبلغ بالنشر ومش داري أو عامل حالو مش داري .. يا إنو جد صارت القرارات بحقهم قطعية يعني خلص تدبس بالحكم لقراقيط أذانيه .. بصراحة مش شي غريب بس الأغرب هو إن كيف إجتمعوا الثمانين تحت سقف واحد كما ذكرت سابقاً .. أي السجون ما بتحوى ثمانين في قاووش واحد زي ما بقولوا السوريين الله يفرج عليهم .
السؤال الأخير يلي بينسأل إنو كيف الناس والشعب عرف عن الثمانين هظول؟؟ بحكيلكم إنو لما يكون مثلاً على (زريفه) طلب وبدها تعرف شو هوه بتروح على قصر العدل يلي في العبدلي أو أي قصر موجود في أي محافظة بتعطيهم اسمها أو رقمها الوطني وعلى جهاز الحاسوب المربوط مع نظام التنفيذ بطلع كل الطلبات النازله عليها من أزغر رئيس تنفيذ للشرطة العربية يلي هيه الإنتربول والكشف بنزل بكل الأرقام والقضايا والجهات والتواريخ (هاد ببساطة ألف باء التدريب) .. وبناء على هيك صدر تعميم يمنعوا فيها موظفي المحاكم من وقتيها إن نقدر نعرف اسم أو رقم وطني لأي شخص أو معرفة أي تعميمات والأرجح كان من بعد قصة الدغمي حسب ما سمعت .
ليش بكتب هالحكي؟؟ للفائدة لا أكثر لأن بعرف نصكم عليكم أحكام قضائية .. يعني شو بدكم تكونوا أحسن من نوابكم ونوائب الوطن؟؟ لازم نتضامن معهم ولو .. وآخر قولي بحب أهدي الزعبي هالصورة وبعتذر لهومر ومبتكر شخصيته عليها .
الرابط العجيب ... !! do you need one
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
10 comment:
wala comment?
mshanno wala 7ad fahem eshi masalan? :-p
Swan Lake
Swan Lake
لووول
بالعادة ما بيجي تعليقات كتير
بس إزا على تفسيرك
يا لهوي .. بدي أقلبها شادر بطيخ أنفعلي وأنفعلكم
LoL
L2 enno ana la2enni FAHMEH so ana mestaghrebeh enno ma 7ad fahem ya3ni!!
10 kilo el ba6ee5 bekam? :-p
Swan Lake
إحم إحم نورو مش مصفية النية
ما فهمت مقطع إنك فاهمه
الظاهر في أسباقيات ومسجلة خطر
:D
وبالنسبة للبطيخ بعتمد على اللون والمصدر وقديه بدك تكون فيه نسبة الحبر قصدي البزر
أنا أي صورة لهومر سمبسون ما في معها دونت أرفض إني مجرد احاول أفهم
ههههههههههههه
+
انا ما علي و لا قظية
كلو انشطب
*يخليلنا خالو سميح*
:P
haitham
لوول كنت رح اكتب هومر بدل هيثم
مهو انت شايف اصبعو ملون يعني لسا ماقبظ ليشتري دوناتس
;)
وبخصوص انو ما عليك احكام بحب اخبرك انو انت حاليا لا تصلح لتكون نائب وطن
والمفروض كمان لماضيك ما كان خلوك تسافر تدرس مغترب والسبب
http://ba6e5-7yati.blogspot.com/2013/04/blog-post.html
قوية لسا ما قبض!
يخرب فنك :))
---------
مهو إحنا الشيشان ماكلين البلد بس بالعقل
بنتمسكن بس كل الخيوط بإيدينا
فسفرة و بعثة هذا كلام فاظي.. فستق مش اكثر
أنا بمهمة استحالية الأهمية (من سحلية، آه) و كان بدي غطاء مقنع
hahaha
2asdi enni FAHMEH... kteer ya3ni 3al2a5er... fa mesh 3arfeh lesh el nas mesh fahmeen...
w belnesbeh lal batee5 beddi men eli beeji bezro banafsaji... lol
meen 6afa el noor?
Swan Lake
Haitham Jafar
يشتبه فيي كتير إني منكم لأني بيضه وعنيي زرق وحلوه وبشرح فا بصير تضموني لشغلة السفرة والبعثات الداخلية والشبه بعثة؟
وبالنسبة للسحالي فحالياً يحتسيها السيد إيكو أبو القرع مع قهوة الصباح وقاللي عنها فا لا تدهولني بكلامك وتوديني البحر وتحكيلي شفتي المحيط
:سمايلي ينظر نظرة مشبوهة:
Swan Lake
آآآآه فهمت عليكي
زي مسرجية العيال كبرت لما تقول الأم .. آآآه بتغمزلي عشان أخرج
خلص خلص فهمت عليكي وإن شاء نشوفك مرشحة للإنتخابات القادمة
وبخصوص البزر البنفسجي خالص عندنا مدام بس إزا بتحبي مري علينا الأسبوع الجاي جاييتنا بضاعة من هولندا والمكسيك (من تركيا) ومنها كل الألوان
Post a Comment
:وكيل المكومنت قال