جد مش قادره احدد موقفي .. كل يو وبكل مكان عم بلاقي افلام ومحاضرات ومؤتمرات وناس بتخبص باسم الاسلام وبتشنع وبتشوه بالحجاب والجهاد والزواج والتعدد ليش لان بساطة في عندنا ناس مجندهم الشيطان ليضلوا ساكتين مايفهموا العالم ويصححوا الخطأ .

اينشتاين قال العالم مش خطير لأن في ناس مجرمين بل العالم خطير لأن الناس الصالحين مش عم يعملوا شي .. لا ويلي بقهرك انو لسا في ناس مسلمه وبتعادي الاسلام .. بتعادي فكرة الجهاد وبتعادي فكرة التعدد والحجاب ومنع الخمر والنهي عن كل ما حرم الله .. تقول هالدين صار ضدهم والاحسن يسمعوا لغيرهم لان غيرهم بفهم اكتر .

ليش في ناس بتحب تضحك على حالها .. بتخيل لو مثلا صارت شغله زي ممثل ولا مغني ولا شخصية او حتى فلم ربنا هداه للاسلام او الفلم حكى بخير عنه او اعطى مثال قمة بالروعة عنه .. بتلاقي نفس الناس يلي فوق مبسوطه انها مسلمه وشرطت حناكها انو اه صار زيي انا ومن هالحكي .. ببساطة زي قصة رمضان .. بصحى على الصلاة والقرآن في صلاة التراويح .

مش لإشي بس جد صارت ترتفع درجة حرارتي ودمي يغلي في راسي ورجلي بتصير تحكني نفسي اخبط على كل حد بتجرأ على الدين .. بس بقهرني اكتر ان ما باليد حيلة .. ما بنكر انو بمتعني ان في ناس هالقد مقهورة ومتدايقة من المسلمين ومن الدين لأن جد برفع من مكانته .. وقصدي هون ان لو جد هالدين ما كان قوي ومتين ومنتشر كان بالاصل ما حد اهتم وبلش يهتك من صورته .. وبالمقابل بتعبني اني مش قادره ادافع عنه وارد الاذى عنه . 

كيف ممكن حد يمر عليه هالامر وما يزعل؟ .. وبالمقابل كيف في حد صاحب مكانه وصوته مسموع ما يحاول يغير من الخطأ يلي في عقل الناس؟ .. لا تغيرها عشانهم .. غيرها نصرة لدينك .. غيرها عشان اخوك ما ينظلم .. عشان اختك في فرنسا تقدر تلبس حجابها بسلام .

الاشي يلي دفعني اكتب هاد البوست مع اني بفكر في الموضوع من زمان هوه فيديو عن شخص اسمو انجام شودري عملوا معه لقاء بنكر فيه ان الاسلام دين سلام .. لما تضمنه من الحث على الجهاد .. على فرض دار الزمن وربنا كتب انو يقرأ هاد البوست رح احكيله شغلتين .. الله يهديك .. وتاني شي .. خد احضرلك هالدرس لعلك تفقه شيء .

ملاحظة: انا مقدرتش احضر كل فيديو يلي اسمه انجام وما بعرف كامل محتواه وبتمنى ما اكون فهمته غلط .. بس الرسالة ما اعتقدش موجهه النا عالموم هاد اللينك للي بحب يعرف شو حكى .