شفافه
حد متذكر النص يلي درسناه بالمدرسه عن القلب وتشبيهه كالمصباح وان الكفر والظلم .. الخ بتترك نقطة سودا على القلب لحد ما كترت النقاط هاي تعمي النور نفسه .. النور مضيء لكن الزجاج يلي حواليه اسود قاتم ..
في الترمذي : عن أبي هريرة عن رسول الله - صلى الله عليه وسلم - قال : إن العبد إذا أخطأ خطيئة نكتت في قلبه نكتة سوداء ، فإذا هو نزع واستغفر الله وتاب ، صقل قلبه ، فإن عاد زيد . فيها ، حتى تعلو على قلبه .
يلي دايما بخليني افكر بهالموضوع لما يكونوا اهلي بحضروا في الصوات على قنوات القرآن ويكون السديس مثلا بقرا وبتيجي اية عذاب او فيها تذلل للرحمن وتلاقيه ببكي او يرجف صوته من الخشية والخوف .
كيف المذيع ما بقدر يمسك حاله وببلش يبكي لما يعلن عن اخبار بمقتل اطفال تعذبوا وشافوا الويل .
علماء ورجال تهتز قدامك او يبان عليها علامات التأثر بأي حدث محيط سواء مرتبط فيه او لأ .. ناس عم تعيش الاحباط والقهر .. مش قادره تبلع اللقمه لان جارها ولا ابن بلدها ولا حتى شخص من اخر الدنيا عم يعيش بقهر وظلم .
ناس (الذكور والاناث للعدل) يلي بصيبها حساسه فيه .. مش عايشة لحالها على هالكوكب .. ناس بهمها غيرها .. بهمها شو غيرها بمر فيه .. بتعيش حالة "جبصنه" وذهول امام يلي بصير فيك .. ولو بيوم بدر منه شي بحقك دون قصدك وانت زعلت ببساطة بحس على زعلك وخوفك """بحس""" وبعيد حساباته وبتصرف .
روحهم خفيفة روحهم شفافة روحهم حساسة روحهم .. روحهم؟ خلينا نحكي قلوبهم .. قلبهم بكون زي فلقة عقل تالته عين تالته .. اله حاسبة تحسب شو علمت ولو عملت وحتى تحسب بدون ما تعمل .. مش ضروري تفكر ان يلي صار في بلد او شخص معين من اهله من بلده من دينه الخ الخ .. لو بدو يحمي فلان او يفزعله هاد بقربله هاد .. الخ .. ببساطة ما عندهم هالمليون بريك يلي عندنا .. ماشيين بالفطرة .. تحسه ياباني وهوه بتعامل معك .
ليه ربنا قال
أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا ۖ فَإِنَّهَا لَا تَعْمَى الْأَبْصَارُ وَلَٰكِنْ تَعْمَى الْقُلُوبُ الَّتِي فِي الصُّدُورِ .
احنا مقتنعين بمبدأ ان العمى المذكور في القرآن مش عمى العيون .. انما ليه ذكر ربنا القلوب .. ووضح انها القوب التي في الصدور .. وليه ذكر ان القلوب هيه يلي نعقل بها واكد ذلك كمان في اية تانيه (ولقد ذرأنا لجهنم كثيرا من الجن والإنس لهم قلوب لا يفقهون بها ولهم أعين لا يبصرون بها ولهم آذان لا يسمعون بها أولئك كالأنعام بل هم أضل أولئك هم الغافلون ) . وهون ذكر العيون والاذان بالنظر والسمع وترك للقلب الفقه او الفهم او التعقل .. ؟
كل يلي بمر براسي لما اقرأ هاي الايات الدراسة يلي ظهرت بتحكي ان الرجل كالمرأة بصدر قراراته بناء على عاطفة .. وبنفس الوقت ظهرت قصة ولد زغير نقلوله قلب من رجل ريفي كبير بالسن على ما اذكر ومع الوقت بدأ الولد يحكي قصص قديمة عن الزراعة ومواسم الحصاد (يلي عايشها الرجل الريفي) .. لتوصل الدراسات ان الانسان بيتفكر وبصدر قراراته وبخزن افكاره بالقلب .. عمرك فكرت ليه ناس كتير بس تزعل بتموت او بصير معها سكته قلبية مش دماغية؟ ليه برتفع ضغطها؟ بتذكر ابوي لما سافرت امي لمدة طويله راجع الدكتور وعملله تخطيط قلب وطلع عندو نبضه زيادة .. عمرك زعلت ونخزك قلبك؟ او حتى (رف) على فرح .. او بلش يخابط جواتك على قرار صعب بدك تنفذه؟
المسألة لا نحصرها بالعاطفة مع العلم هيه احد عناصر الافكار والاحاسيس و(الاساسات يلي بنبني عليها القرارات اذا ما كانت الوحيدة) .. المسألة ربنا يلي خلقنا اشارلنا انها هيه يلي احنا بنعقل وبنفكر وبنفقه فيها .
هالمرة مش رح اعمل رابط عجيب كالعادة بين اول النص وآخره بين قصصي وبين نتائجي .. هالمرة رح اترك هالآيتين لعلي اكون قادرة اعمل نص مترابط .. ربنا ذكر في سورة المطففين (كلا بل ران على قلوبهم) وذكر في سورة البقرة ٨٨ (وقالوا قلوبنا غلف) .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
2 comment:
Haitham Jafar تعليق
كنت عم بدور على شي قرأته بيشير إنو المخ عنده نقطة مرجعية بيرجع لإلها لما يرسل أوامر على شكل سيالات عصبية و إنو الطب عم يقول إنو (عضويًا) هالنقطة بتوصل من/إلى القلب بس مش قادرين يحددوا / يتأكدوا من آيتها.
أكثر من مصدر موجود بس اللي كنت بدي إياه ما لقيته.
هذا اللي حأحكيه و ما حأضيف (قصص) و مشاهدات بتوقع بنمر عليها كل أسبوع (إذا مش كل يومين) بتدلل على هالشي
-----------
أمراض القلوب! مش هاي هي المشكلة؟ بكل حيواتنا؟ و بالمقابل.. اللي جد فرحانين من جوا جوا بمعيشتهم مش اللي (منظفين) قلوبهم؟ اكيد مش كل عبشتهم (سهلة) بس دخلك اللي (غني) أو بيركض مشان معنى + تحقيق لذاته سعيد (أكثر) بالعيشة مثلًا
إييييييه
اول شي بعتذر شطبت تعليقك بالغلط
تاني شي النقطة التانية يلي حكيتها انو بالاصل الدنيا دار شقاء وامتحان وملعونه ومن فيها ملعون على ما اذكر اني سمعت
الامر انو صح صعب توصل لدرجة راحة وان درجة الراحة يمكن ما تكون سهلة وبرضو هاد شي عادي .. في ناس بتقيس الراحة بكم جمعت فلوس او بكم اشتغلت او بكم معها شهادات او في ناس بتقيسها على كم صلت وكم قرأت قرآن .. كل واحد حط مقياس او اقنع حالة انو هاد مقياس ازا حققته فا رح اوصل للراحة والطمأنينة والحماية .
القصة اللي بتفرق انو لما يمر عليك مشكلة او موقف انساني او امر تخشع له القلوب وما تقدر تتفاعل معه بشكل (فطري) هون الواحد لازم يفتش جوات حاله ويحاسب حاله ويعرف انو لا نفسه ولا قلبه ولا فكره قدروا يوصلوا لمبدأ الطمأنينة او اي مفهوم (ايجابي) آخر
حد فاهم على حد هون؟
Post a Comment
:وكيل المكومنت قال