أوعدينا تبطليها
هاد بالزمنات ,, أيام ما كان عندي سبعطاشرشين أكاونت في كل مكان .. وخدلك على صور البروفايلات وصور الأكاونت كلو ومن هالأحكي والأسم الصح والبيو الصادم وإلخ إلخ (بس من دون صور شخصية بطبيعة الحال) .. كان المدى مفتوح للكل .. ويلي يكتب بيوت شعر مسروقة ويلي يكتب حكم ,, والأفخم كان يجيب الذيب من ديله ويحط صور لا تخطر على البال ولا على الخاطر ولا يكتب حكمة أخت أختها ولا وشوم الزعرنجية ولا حتى الحكم يلي يكتبوها سواقي الديانا والتريلات (على سيرة التريلا بتذكر قرأت على واحد منهم كاتب .. "ياجبل البعيد .. ما يهزك ريح" شكلو إذاعة بدها تجيب أغنية لفيروز شوش عليها أحد خطابات عرفات المغدور به) ما علينا .. المهم وصلت الفكرة ,, بس الأكثر غموض منهم كلهم هوه يلي بحط رسالة مبطنة لشخص معين ويعرضها على الملأ منو بوصل رسالة لهاد الشخص ومنو ببين للجموع أنه قد أصابه جلل أو محنه أو موضوع معين يعني مش بكش ذبان كما الكل بعتقد.
طبعاً جزء كبير من هاد الجيل تطور وبطل هالعادة ,, وجزء سار على نفس المنوال .. والحمد لله أنا تعافيت من هاي الحالة وبطلتها ومع هيك عم بتفرج على من دخل في خمار هذا الموضوع ونازللك على صفق وطلق .. العيساوي ورابعة وسوريا ومصر وثورة تونس ومانديلا وخذلك على خطبة وزفة والحب اللي مات والحب الجديد ووطني الأغلى والطفولة الضائعة وأخوي إجاه ولد وإبن أختي طهروه واشتريت جزمه جديدة وعملت مكياج غير ,, هاد غير موجة ال (سلفيز في الحمام) يلي بتذكر قرأت تويته إنو إذا كنت إنت بياع بلاط ورخام فا لما بدك تشجع الزبون إنو يشتري من عندك إحكيله "تخيل كيف رح يطلع هاد البلاط في خلفية السيلفيز يلي رح تاخدهم في حمامك" ,, وهون بشبه علاء الدين وهون طالعة زي هيفاء والانقسام والانتحار والثلجة جستن بيبر وخلاااااااااااااااااااااااااااااااااص .. تقريباً الأشخاص يلي بقرأوا هاي المدونة أو بالأحرى الشخصين (هيثم وبحيرة البجع هاي جايز) ما اعتقد من هالنوع يعني على الأرجح .. بس بحب أوجه رسالة للأشخاص المذكورين أعلاه إنو جد رح ييجي يوم يكون كل يلي حكتوه وكتبتوه وحملتوه وسرقتوه ((في ميزان سيئاتكم لووول)) أقلها ييجي يوم وتستقلوا عقلكم فيه .
إلى جانب آخر الصورة الواردة أعلاه لشب (نفسه في الصورتين) يمني عايش في أمريكا وعندو (فلوج) على اليوتيوب والأحلى بالموضوع عم يناقش قصص العرب الأمريكيين من ناحية بشكل كوميدي ومن ناحية تانية عم يحاول ينشر صورة أفضل عن الإنسان العربي المسلم وتأثر فيه كتير من الناس لدرجة في رمضان عمل مع المجموعة يلي هوه عاملها واسمهم truestoryasa .. زي احسان لل "هومليس" بإنو يعطيهم فلوس أكل ولبس على قد ما بقدروا ليرسموا على وجوههم الإبتسامة ويلي صارت ولو على شكل بسيط (عدوى على اليوتيوب) بس عدوى إيجابية زي باقي العدوات يلي إنتشرت ,, إحضروهم وإنشروا فيديوهاتهم لإن صار وقت الناس يلي بتحب الخير تتغلب على (هارلم شيك) أو أي سواليف طرمه ,, لعل وعسى يصير الإحسان والخير (بصورتها البسيطة) إشي كووول وحلو لإلنا أنفسنا ولغيرنا .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
8 comment:
لوووووووووووووووووووووووووووول
عجبتني التحية اللي في نص الكتابة
ومن هنا ومن هذا المنبر فانني اتقدم بالنيابة عن شعبنا الأغرّ بالتحية للأخت المناضلة بطلة النورنيات
أما بالنسبة للظواهر الغريبة العجيبة التي ذكرتيها سالفاً فاااااا بقدر اقلك انها جزء من السبب اللي بيخليني (مش من هاد النوع) كما ذكرتي سابقاً
أما بالنسبة للصور المأخوذة بالحمّام... ايش هاااظ! لوووووووول
يعني مشان الضمير كنت اصور حالي احياناً بمراية الحمام مشان بس اتأكد ان مافي بشكلي اشي غلط... يعني مشان اشوف نفسي من الزوايا التي لا يمكن للعين البشرية تجيبها في الوضع الطبيعي... والغي الصور بعديها... اما نتصور بالحمام وننزل صورنا عالفيسبوك! لووووووووووول كتييييير بسمع ناس بيحكو عن هادي الظاهرة!!!
يعني ليش؟
هم مش فاهمين انو الناس عارفين انو هاد بلاط حمام؟
لوووووووول
بحيرة البجع
My first clip for them was about praying in different places, I liked that and liked them :)
Thanks for this post, it is timely and simply worth it! (reading, sharing, & DOING too!)
--------
Also, thanks for the good laugh at ..... حكمة أخت أختها
وانا ...انا الثالثة اللي بتابع بس بدون صوت :$
المشكله ان هيثم بتابعك و ما بدي افش قلبه واحكي اني بحط عالفيسبوك اشياءات من اللي كتبتيهم فوق :$
لا تجيبي سيره بس
نسيت اعمل فولو....قصدي نسيت احكيلك مساء الخير :)
بحيرة البجع
فيسبوك؟؟ سلام قول من رب رحيم
أنا ما أحبوش بطيقوش وأنتظر اليوم يلي يسقط في آخر مستعمراته على وجه البسيطة .. بس كيف البسيطة؟؟
بالنسبة للتصوير .. بتذكر أختي لما كانت تصور حالها لما تجرب اللبسة وتمشي وتتفتل قدام الكاميرا (صورة فيديو) عشان تقدر تشوف الناس كيف تشوفها
وبتذكر مره على أيام كاميرات التحميض لوول تحميض آه بتذكر صورة فلم كامل على نفس المبدأ وإنها بتطلع حلوة بأي بلوزة وقميص
دي عالم فاضية يا جدع
Haitham Jafar
الصراحة أنا استغليت الموقف وأنا استغلالي بطبيعتي
لا بس تأكدت إنك رح تحضر أغلب الفيديوها لأنها قصيرة المدة
هاي فايف .. لا مش هاي فايف بالزبط لأن الرجالة تعد مع الرجالة والنسوان تعد مع الرجالة برضو (شلبي) بس زي ما إنت حكيت الشغلة ما بدها طنطرة وجمعيات زي الرواية تاعت الرابح يبقى وحيداً بحكوا فيها إنو عملوا حفلة لجمع دعم وتبرعات لدعم ضحايا رواندا وآخرها حكوا إنو 10% فقط رح تروح للضحايا والباقي رح يروح لتكاليف الحفل والناس يلي عملت الحفل
كالعادة تعليقي ما إلو دخل بالموضوع .. المهم إنو وصلت المعلومة
Whisper
طبعاً طبعا بنقبلك صديق للبرنامج لووووول بمزح
بس للعلم لسا في ناس بتطلب على الإذاعات تكون صديق للبرنامج
اهلا وسهلا أهلا وسهلا إنتي أصلا ضمير مستتر الظاهر على الفتحة
فهمتي شي بس من يوم وطالع لازم يصير بيناتنا سواليف عشان أشوف هيثم شو بعمل عالفيسبوك :سمايل حردان: بس شكراً على الخبر اليقين هاي صارلي حجة أتهم فيها السيد شيشاني تلات نقط الأكرم
ومساكي عسل
:hug:
Mohd Jarrar
والله نور البلوج وكالعادة تعليقاتك تنفرد بها مش زي تعليقات شيشاني كلها مبطنه ولا تخلو من الإزدواجيه
بالنسبة للفيديو تحشيش كيف في شغلات جد بتمسخروا فيها على العرب الأمريكان وبالنسبة للفيديوهات التانية عجبني إنو ناس كتير صارت تقلدهم
عقبال ما نطور زيهم
:mal5oom:
Post a Comment
:وكيل المكومنت قال