الشيء والأشياء المشابهة
الموضوع أبداً ملوش دخل ... وفيروز بتغنيلي (يا خوفي إبقى حبك في الإيام اللي جاية .. واتهرب من نسيانك .. ما إتطلع في مرايه) .. لا برضو ملهاش دخل .. بس مش عارفه ليش في تحرش ذهني كالعادة من كل ما هو حواليي .. لدرجة حاسة حالي في عايشة في (هو تاون - دوكتور سوس) .
يلي بدي أحكي عنو .. إشي غريب بالنسبة إلي .. بس صرت ألاحظة بحالي .. وهالشي عفكرة موجودة عند الكل وأمر طبيعي .. بس ليه غريب بالنسبة إلي؟؟ .. لأن فيي شرش إنو بعد تكرار أكم من مره بخف إهتمامي أو لأبسطها .. المسننات ما بتتحرك عندي على بعض أكتر من تلات أربع مرات بعديها زي الزمبرك بتفط وبتفتشلها على سولافة ثانية .
توضيح .. أو بالأحرى ندخل بالموضوع .
عايشتوا شغلة في حياتكم أمر معين.. وانتبهتوا بعد هيك إنو إختياراتكم (لشخصكم مش إختياراتكم مع حد تاني) .. متشابهة في كل مرة؟ .. يعني مثلاً إكتشفت حالك بتحب الأحمر وإنو تسعين ألف مليون شغلة حواليك عم تختارها على هاد الأساس وإزا غيرت بتختار خمري أو أحمر فاهي أو أو .. أو مثلاً حد من زغره بحب جوليا روربتس فالما كبر إنتبه إنو ما بحب شكل البنات إلا الي شعرها كبير وكيرلي أو أحمر .. أو أو أو .. وصلت الفكرة؟
هالمرة بديش أدخل نفسيات .. ولاوعي .. ولحظة سعادة وعم تكررها نفسكم (مع العلم إنو الأغلب تفسيرهم هيك) .. القصد إنو (فيروز عم تغنيلي حالياً معرفتي فيك .. يا حلاوه) .. أنا بحكي عن اللحظة يلي تقعد وتصحى على حالك إنو آآآآآآه هسا فهمت أنا ليه بختار أو بفضل أو بحب أو بستمتع بأمر معين كل مره وأساس هالشغلة شي معين .. وعفكرة مش ضروري التكرار ومرور فترة زمنية طويلة .. القصة إنو يكون إختيارك للأمر ما كان مبني على الأساسات يلي إنت بالعادة بتروحلها ,, لأ .. هالمرة كان مبني على شي ما فكرت فيه حتى , أخترته أو أعجبت فيه أو (خرط مشطك) ,, لسبب ما - ما انتبهتله ساعتها .. وإزززز بعد فترة تحكي لحالك آآآآآآآه هسا فهمت القصة .
الموضوع يلي صار معي تطلب أكثر من حوالي سنتين تلاته لأكتشفت الموضوع .. وأخذ مني أكتر من حوالي الاسبوع للأسبوعين بعديها لأكتشف في كل مره كنت أختار و/أو أفضل نفس الموضوع الراجع لشيء حبيته زمان ,, ولحظتها اصفن في حالي إنو هاااه؟؟ .. وبنفس الوقت كان أي شي مختلف عن هاد الموضوع أتعامل معه زي ما تتعامل مع الاجانب .. إشي غريب بس بنفس الوقت صرت أفكر بحالي إنو معقول خياراتي بعد هيك تتغير ولا كل مره بدي أصحى على حالي بعد فترة مش وجيزة وأكتشف الموضوع.
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
4 comment:
awwalan,, msam7k 3ala l fairooziyyat :D
thaniyan,, hatha esmo naseej motada5il mn l la-wa3y + l tarkeez l entega2y l morakkab (yahoo! it) :P
thalethan o mshan ma a6awwel: marba6 l faras izzzzzz: ولحظتها اصفن في حالي إنو هاااه
those rare (sadly they ARE rare!) ahaaa ahooo aheeeee moments r the key answers or at least the true triggers for unraveling the patterns/tastes/practices/etc.. we are/have been encountering for such a long time(s)
--------
The take away msg -for me- from this is: solitude as a priori to knowing "better" one`s own self is not just necessary but rather mandatory .. although knowing yr self, yr motivation/aspires/hopes/and fears is not always healthy! But I guess with all the connectedness (real + virtual) around us we are far from the balance point, hence those precious aha moments r rare, rare and shallow. It might be we r ever into a continuous programming of viewing them as risky! We want to live our lives, be accepted by others (or norms & cultures) , we want to explore the globe but fail/fear to explore the worlds inside us first because we r made to think that will hurt us and we tilt toward the next best alternative.
The cycle continues until we decide to break the patters, resulting in a lot of new insights which lead to incredible potential we didn`t dare to admit they have the possibility to exist within us,, and then,, it`s either too late , too quick, or not deep enough. Causing a drift back to the old style/path of conformity-seeking
-------
agool ma tasma3oon... o habBbBy new [whatever] elkon kelkon...
ايواااااااااااااااا
هااد الشعور اللي فجأة الواحد بينتبه على حالو بيلاقي حالو انو يا وردييييييي شو تقليدي.... وان بيكون من قبل مفكر حالو شخص كتير "انترستنغ" بيطلع اهتماماته كلها بيربط فيها خط رفييييع خفي لكنه موجود ومعروف وواضح...
وبيسير كانو بس تشوفيه فجأة بين كيف كل اشي كان بيتمحور حوليه، وفجأة شفتي هاد الخيط وفهمتي الاشياء كلها حولين ايش مركزة
يس... يس... آي نو ذي فيلينغ
وصارت معي وانفقسييييييت قد ما حسيت حالي اني تقليدية ومملة هههههه
بحب في بوستاتك انك بتخلينا نمسك الدخنة بايدينا ونتفرج عليها :-)
مبدعة انتي بطريقتك الخاصة
بحيرة البجع
Haitham Jafar
صراحة تعليقك قرأته من يومين بس ماكان عندي القدرة الذهنية يلي أرد عليها
مش رح أحكيلك إنو أبهرتني في رير أند شالو .. طبعاً مع التأكيد على أنها ابهرتني وذكرتني في زوربا لما عاش حياتو بحكي عن تفاهة اللحظات والأشياء بمضمونها (تفاهه باللون الفلسفي) زي مبدأ إنو بدك تشتري كيس الشبس وتنبسط وتكتشف إنو نصو هوا كالعادة بس بنفس الوقت ما يعطيك دماغك ردة الفعل بالغضب أو الزعل عالموضوع لأن الموضوع بحد ذاته حاسه إنتهى
يلي بدي أحكيه ويلي وصلنياه كلامك إنو بلحظات كتير في حياتنا بندخل في منظومة أمور بنوصل فيها لحد إنو (تعب؟ ملل؟ لامبالاة؟) تحكي لحالك لو كنت بعمر أو بموقف أو مع شخص تاني كان يمكن ردة فعلي اختلفت
ال (آها مومنت زي ما سميتها) من فترة لفترة ممكن الدماغ نفسه يطمرها إنو نفس مبدأ النفس تبتعد عن الحزن وتقترب من الفرح واحتمال كبير بإن الواقعة يلي اخترت عليها كتير شغلات تكون بإكتشاف الرابط رح تأثر عليك وتضطر إنك تغير وتفتش من جديد وتتعب من جديد فا الدماغ بطريقة (نذلة أقرب للإنسانية) بعمل حركة الدفاع هاي ولما تزوغل من دماغك في لحظات تشتت تكتشف هاللحظة أو إنو إحنا بحد ذاتنا عارفه إنو هاد الشي متعلق بهاد الشخص أو بهاد الموضوع أو بهاد المبدأ بس ما رح أفكر فيها بهاي الطريقة (تضحك على حالك يعني) وممكن إنك مقتنع بالموضوع وواعي ومش عم تضحك على حالك وبنفس الوقت عم تحكي خليني أعتبره بديل
ممكن يكون بديل؟
بحيرة البجع
عشان نحترم حالنا ونرفع من شأن حالنا بما إنو ما في حد رافع من شأننا بلاها شغلة التقليدي والممل فكري فيها إن هاد الأمر مأثر عليكي بشكل كبير لدرجة عم يتدخل في قراراتك بشكل متكرر وبشكل متفشي إنتي نفسك مش قادرة تسيطري عليه .. مش رح أحكي إنعدام شخصية فينا لنختار بناء على شي مأثر فينا لأن هاي النظرية مش بمحلها كونه أمر بأثر في (خياراتنا بشكل لا إرادي) يعني عندنا خيارات وأساليب بس هو بيجي ببطح حاله وبفرض حاله ويكون الخيار الأول
بالنسبة للفقسات تعالي صفي جنبي إزا الشغلة صارت بالجمع المؤنث القاهر وبالنسبة للدخنة .. ههههههه .. عم بتخيلك ماسكه شحبار بين إيديكي وتتفرجي عليه تحشيش إنتي
Post a Comment
:وكيل المكومنت قال