الصورة والأصل - المحكمة والواقع
يلي بتعايش مع المحاكم وجو القضايا والمجرمين واللصوص والأوغاد (المعلم أبو لبده) طبعاً هو بقصد فيهم الموكلين يلي بيجي بترجاك بقدراتك انك تطلعة من مأزقه العصيب .. يلي ينعكس علينا تباعاً .. وكأنو المحامي يلي بدافع عن هاد الشخص ((وبناءً على طلب من هاد الشخص)) صار يقتبس من نفسه ويتمثل بما قام به موكله .
مش هون القصة ..
يا جماعة القصة تتمثل في الطريقة يلي همه برسمولنياها لنقدر نوصلها للمحكمة (طبعاً مش كل المحامين بترد على كلام موكليها) بس الأغلب بحكيلك مطرح ما بدو صاحب الحمار أربطه .. بتصفي الشغلة إنو مثلاً طخ فلان فلان .. بحكولك لا كنا بنمزح .. لا ما شفته .. لا ما كنت قاصد .. لأ أصلا أنا طخيت على الكلب يلي كان بدو يهجم عليه فا إجت الرصاصة بالغلط براس المغدور ,, وإذا كانت سرقة .. لأ ما كان موجود .. كنت في عرس إبن عمي والكل شافني .. أصلاً أنا ما بمد إيدي على الحرام ومن هالسواليف الطرمة ,, أما إذا كانت قضية ذم وقدح عدا عن إنهم بنكروا الحكي بتلاقيه أنا ما بتطلع مني الكلمة أنا ما بوسخ لساني بهيك حكي .. هاد كلام كيدي .. هاد بس بتبلى عليي لأني مش عارف شو .. وبيجيب اخوته وولاد عمو ليشهدوا أنو ما شافوا عليه العيبه ,, أما بخصوص السيارات .. بتلاقي الواحد إنو سواقتي مافي منها .. سواقتي رايقة .. هوه طحش عليي .. أنا كنت بحالي .
بغض النظر عن هاي الحالات المذكورة أعلاه وقبل ما تكون أو أكون أنا القاضي في الموضوع أو إنت الحكم حسب ما بتسمع .. بحب أحكيلك عزيزي القارئ أنك تعيش في مجتمع """يخالطة فئات متنوعه""" من جانح وسرسري وعلى أعصابه وما بعرف يسوق وما بعرف يتعامل مع الناس وما بعرف يحكي ويفكر وما عندو ذرة ضمير ولا حتى وازع ,, كيف يتوقع إنو لما يحكي هالحكي الناس تصدقوه؟
أنا أصلاً بطلت أصدق حد أصلا ليش تصدق حد من موقف واحد تعاملته معو؟؟ أو من موقف واحد والإنسان أصلاً كلو نوازع وفجور وكذب وخوف من الكشف وخوف من التهمة والسجن والبهدلة وأشياءون تانيه وخوف ياخدوا فلوسك عشان ما تقدر تشتري أي فون جديد أو يحجزوا على سيارتك يلي طول نهارك بتروع فيها البشر بسواقتهم الخامممممه .. مش فاهمه مش فاهمه جد .
قال أنا بريء يا بيه .. طب أنطم واسكت إنت أصلاً لازم المحكمة تدينك بالإعدام لما فتحت تمك وتعدمك على كلمة "أنا" .
وهون بحكي (فئات) مش الجميع
بس هو الفئات مكونة الجميع
:P
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
7 comment:
"فئات"؟؟؟؟؟؟؟؟؟؟؟؟؟؟
ليش انا حاسة انو كل اللي حوليي هيك؟
اللي ابنها بيكون شيطان بصورة بني آدم وبس يكونو ضيوف عند ناس ويكسرلهم اشي بالشيء الفلاني بتلاقي امو بتحكي "انا ابني كتير هادي وملاك ومستحيل يعمل هيك؟"
والبنت اللي بتلاقي اخوها ليل نهار بيضرب فيها وبيبهدل فيها وايدو والكف بس ينمسك بهوشة بتسير تحكي "اخوي مؤدب وخلوق وآدمي ومستحيل يكون بلش بالهوشة اكيد هم اللي بلشوا"
والعبقري اللي بيكون عم يتجاوز غلط وصار بنص المسرب التاني وصفى ماشي بالعكس وبس تيجي بوجهة (لأنك ماشي بطريقك وبمسربك طبيعي) بيسلخك زامور وبيسير يشوبرلك ويبهدل لانك اجيت بطريقو ولا كأنو غلطان (يعني فوق الغلط وقاحة كمان)
هدول كلهم، ازا وصلوا عالمحاكم مش رح يعملوا هيك؟
إه... خليها على الله
مش قلتلك بدي اهجّ؟
بحيرة البجع
الله يقويك ويعينك على هالفئات
أسيل.
بحيرة البجع
ههههههه لخصتي المأساه البشرية
وطبقت مأساتي على مآسي البشر
تحشيش بس تعرفي جد مرات القضاة بشدوا عالمسكين وبطبقوا البرجوازيات على الحيوانات .. أنا عارفه
اليوم لسا كنا بنحكي في نفس الموضوع لأن الموقف صار معي بس بشكل عكسي وجد تستغربي كيف هالبشر عايشة بهالنفسيات تاعتها تحسيها زي اللي حاملة شوالات معبية هموم مصبرة وهبل وعته والعياذ بالله
بس هاد ما بحكي تهجي هههههه مش محرزة الشغلة يا بنت
أسيل
الله يعين الجميع لأن هدول تجدوهم في كل الأسواق والمحلات التجارية والصيدليات ومواقف الباصات وأمام الفترينات ههههههههه
أهم شي الله ما يخلينا منهم
مهو لقد طفح الكيل يا عزيزة...
هاطخ ولد العمدة واشرد برا البلد مع المطاريد
:-|
بحيرة البجع
بحيرة البجع
طخي معو سعاد مراتو لإني ما بطيقها
بتضل تكب تراب على الغسيلات
مابنظفش لا مع إيريال ولا برسيل السائل المركز الجديد
ween had al 7aki! 5alas ta3alo kolko er7alo la mamlakat al zarqa al 3atheemah o shoofo al 7ayat al fadelat
ya 7araaaam, ma kont a3raf enno haik 3eeshet l nas b baladna,,
masakeen
:(
Post a Comment
:وكيل المكومنت قال