يعني بغض النظر عن الحقد الطبقي يلي جواتي لجميع أفراد دول كتير منها مصر .. إلا إني صدقاً بحاول جاهدتاً إني أنزع الشخصيات القميئة عن البلد نفسو بس مش قادرة يا أخي .

نرجع لموضوعنا .. بغض النظر عن الصورة وما قيل أعلاه عم بحكي عن ذات مومنت يلي فعلاً لما يصير "بتتبنج" وهون بحكي عن اللحظة يلي بصير إشي مهول (كتير إيجابي ومنيح) لشخص تعدم عمرك ولا تعطيه نص نعل حتى من كتر ما هوه ما بستاهل .. مابستاهل إنك تعدم عمرك عشان ما تعطيه نص نعل .. شخصيات على قد ما تحاول تهضمها لو بزيت محركات ما بتقدر ما بتقدر ما بتقدر بالتلاته ومع هيك تلاقيه هوه يلي واكل الجو وعم يزيد ويعلى ,, والناس!! .. الستااااات - الستات تزغغغغغرت والرجالة تقول الله أكبر .. الناس تحبه وميته عليه وتحترمه وتقدره وتدافع عنو .. ما بحكي عن ال cc فقط بحكي عن الفئات يلي هيك .. وبحكي عن اللحظة يلي بتصير فينا لما يصير إشي منيح إلهم ومش معروف السبب ومش معروف ليش وكيف وإيمتى وعشان شو وبسبب شو ولإنو شو ومشان شو وبالمقابل إحنا مش طايلين اللضا على قولتهم .. عم تتعب وتهلك وتنسطح وغيرك ماكل الدنيا . شو بعرفني .

ذات مومنت ... سلسلة من الصفنات النفسية