يخي مش فاهمه هاد النوع من الفكر شو أساسه , إنو هيه بلشت معي منذ الصغر إنو أوك فهمنا ,, وأنا زغيره أمي كانت تشمطني بهدله قياماً وقعوداً لما أمرض ,, ويصير كل شي عملته آنفاً هوه سبب مرضي وما يتليه من أي تصرف هوه سبب للمرضة الجاي , وكل كحه ولا عطسه بتكرر البهدله ,, بتذكر كنت أروح على غرفة الضيوف (يلي بتكون مسكره في الشتاء لحفظ الدفى في البيت) وأخبي راسي في مخده وأضلني أكح براحه (بدون ما حد يسمعني) بدل ما أنا طول وقتي بكتم فيها قدام أمي ,, طب يما مهي الدنيا شتا وسقعة والفايروسات بتلعب جلول في الجو شو أعمل بحالي , وفي الآخر تبروز الأمهات بكلمة ,, تستاهلي لأنك مارديتي عليي وخالفتي كلامي مرضتي .. نو كومينت .

مش عارفه ليه هالقصة كم تتكرر في سواليف وقصص وعلى كافة الأصعدة والأحوال قولوا الأمهات بتخاف على ولادها وبتعمل هيك بس أسمع من مذيعة لأحد قناوات أبواق اليهود وإنعادت الجملة وشبيهاتها لأكتر من مره إنو بما معناه (إنو إحنا الفلسطينية "جرينا شكل" مع إسرائيل عشان تقصفنا) طيب فهمنا شو حكت الداشرة هون (مش كتير بعتذر على هالمصطلح الخارج) .. طبعاً بشو فسرت هالحكي قال عملنا هيك عشان ندور نشحد ونتمسكن عند العرب والأجانب (ونستدر عطفهم وأموالهم ودعمهم) .. بحب أول شي أحكيلها وغيرها (كلمة كتير كتير كبيرة تخصها وتخص عائلاتهم) .. تاني شي يعني قاعدين بنموت يوم بعد يوم وبننحرق عينك عينك وبتتدمر وتحت إحتلال والزفت يلي فيه وبقولوا عنا إرهابيين وما بنستاهل نعيش وفوقها اليهود الكلاب بتباهوا بقتل الولاد الزغار قاعدين بعايروا فينا إنو بندافع عن حالنا بعايروا فينا إننا بنموووووووووت يا داشرة .

الأشي يلي بقهر إنو لو إحنا فعلاً بنشحد منهم وبنب مساعته وفلوسهم النجسة كان إستحيينا على دمنا وقلنا عيب علينا نرجع نطلب , بس لا طالبين ولا شايفين إشي وفوقها زعلانين قال ليه بتدخل المساعدات على غزة ,,,,,, 

بديش أكمل معدتي قلبت ,, بس حابه أوجه رساله للفدايئيين والملثمين يلي نازلين في اليهود الصهاينة عن جنب وطرف في كافة بقاع الزفتبوك ,, إرحمووووني ,, يعني مهو مش معقول أقعد في قعده كاملة بتباهوا فيها إنو واحد منهم هدد أمن فلعوص يهودي ودايقه من خلال حوار ساخن على الشات وهوه يدافع عن غزة ,, وآخر عمل أكاونت مزيف (أكيد ما بسترجوا يكتبوا اسمائهم أصلا سواء مزيف أو حقيقي) باسم واحد يهودي وعمل حاله بدافع عن الفلسطينيين .. يعني كمان شوي هنية رح يبعتلكم مسج يحكولكم يعمر البطن يلي جابكم بدنا نحط صوركم جنب عياش وزهران , والاشي يلي بقهرك إنو يلي تحكي معه مش عارف يفرقش بين حي التفاح والعيساوية .. أقول أنطم أحسنلك فظحتنا .. قال يعني أنا يلي عامله إشي بس شاطره أسمع أظرب أظرب تل أبيب ,, بتعرفوهاش هاي كمان آه؟ .. سويت .