تشيفي تشيفي


القصة يا حفيظين السلامة إنو في سفينة (مليانه لبوزها) كونتينرات لبضائع إسرائيلية ومنتجات طبعا طلعت من عند اسرائيل (يكسر جاهها) ووصلت قبل أربع ايام لمينا في اوكلاند - كاليفورنيا , الموضوع مبلغ عنه من فترة طويله قبل وصولها , واليوم اللي وصلت فيه كانوا متجمعين (حوالي الألف شخص) منهم عرب وفلسطينيين ومنهم ناشطين حقوقيين مؤيدين للصف الفلسطيني ويطالبوا بمقاطعة البضائع الإسرائيلية , وفعلاً الشباب نشيطين بتظاهروا للساعة هاي من تاريخ 14/8 وحتى تاريخه وفي المقابل الموظفين العاملين في الميناء بداوموا كل يوم (واقفين دون عمل) وبروحوا وبيجوا غيرهم ونفس الشي في أمن وفي تغطية إعلامية ضعيفة للأسف بس يمكن أحسن عشان ما يهجموا كلاب اليهود وتبلش طرطشة الحكي تبعهم وعهرهم الإعلامي والسياسي .

يلي فهمته إنو بالفعل العدد قليل ومع وجود شرطة , فا الشرطة من ناحية متعاونه ومنهم عم يغني ويأيد الحملة ومنهم (مش قادر يتحرك يمكن من يلي صار في ميزوري للولد اللي قتلته الشرطة وخايفين يتكرر الموضوع - مابعرف بس برجح على كل حال همه بهتموا في الناس نتفه أكتر مننا), من ناحية أخرى في سفينة تانية اعتقد (يمكن فهمت غلط) رايحة عل كندا أو هيه نفسها هاي بضاعتها بدها تروح على كندا مش متأكده , وبرضوا شفت إنو سفينة رح ترسوا في احد موانئ تركيا لتحميل الوقود - من ناحية مافي جزم ومن ناحية تانية إذا هالشي حقيقي بحب أحكيلهم عمى يطرشكوا يا تركيا (قال على اساس بحبها ولا مصدقتها ومصدقه كلامهم) بس على كل حال السفينة هاي (زيم) للحظة هاي ما تحركة وما نزلت بضائعها وفي شائعات (الكل بأكد إنها شائعات عشان ما تخفت همة المتظاهرين حال كانت خطأ) إنو في قرار إن السفينة ترجع (وهون بشك لو رجعت يمكن تيجي تنباع عند العرب يا حبايبي يا غاليين وحشينني يا غايبين) .

ليه أنا بحكي عن هالموضوع؟ ,, كالعادة الناس بتتحرك وإحنا قاعدين زي قارئة الفنجان على موبايلاتنا وصايبنا عجز في اصابع رجلينا وبنحكي بنقدرش واصلا هسا بحلوها في مصر , وبوكرى اليهود بزهقوا زي قبل وبوقف القصف - مهو إحنا عندنا الحروب الإسرائيلية وهجماتها واجتياحاتها والقتل والتدمير والخراب يلي بعيشوه اي شعب من شعوب العالم والوطن العربي مثل رمضان , بيجي رمضان بنتعبد بروح رمضان (           ) اكتب في الفراغ يلي بدكياه , بس تبطل في اخبار عاجله عن قصف او اصابات على القنوات وتبطل تنحط صور دم على الصفحة الأولى في الجرايد بخف إيماننا قصدي اهتمامنا وبنرجع لحياتنا يلي هي ليست إلا عبارة عن تراكمات خسائر وفشل بنضحك على حالنا فيها وإحنا بنرش عليها عطر وبنحكي "بدو الواحد يعيش" وعيشة الشو إسمو في اسرائيل احسن من عيشة كل العرب , بنخاف يلحقوا ولادنا ويعتقلوا اخوتنا وابائنا يلي خافوا برضوا علينا قبل وبنحكي يلي رح يرجع فلسطين الجيل الجاي وبنكرر (ما كان عليه آبائنا) مش عارفين إنو بيوم ولادنا رح يتطلعوا علينا ويقولوا إنتو أكبر منا وما حاربتوا بتستنوا ولاد زغار يحاربوا عنكم؟ ولا مفكرين إنو ولادنا فخورين فينا إنهم حاربوا اسرائيل في إنو أنجب طفلاً رح يضل ليصير عمره اكتر من عشر سنوات يخوفه ويحكيله (هسا الشرطة بتيجي توخدك إذا ما تحممت/أكلت .. إلخ أو الجيش بوخدك بالنسخة الفلسطينية) ,, لا وإذا ابنها طلع في مظاهرة بتفقعه بهدله مكلهاش حمار في مطلع ,, ولو البنت إنخنقت من عجز أهلها وحكت كلمه وأكلت كف وبهدله عند اللي بالي بالك تاني يوم بجوزوها لمن من طرق بابها مؤخراً حتى لو حيوان ما بستاهل التبن يلي بتزهرمه ,, فعلاً كما قال المغني (هزي بخصرك هزي وضع العرب بيخزي) لا حد يعلق على ذوقي المتدني أقل ما فيها متدني مش ماسح زي باقي العرب وقبل ما تعيب على ذوقي يا خوي أعمل شي لنبطل نغني لفلسطين صارلنا من وإحنا زغار بنغني وين الملايين الشعب العربي وين وبرضوا ما عملتوا شي وبهالمناسبة بحب اهديكم النسخة الجديدة.

الفقرة أعلاه مش المفروض احكي عنها هون بس حرقة الراس بتخلي الواحد يلاخم , يلي كنت بدي أحكي إنو خوفي يجي يوم ويلي يحرر فلسطين أجانب تضغط الشعوب الأوروبية ولا الأمريكية , مقاطعة وقاطعوا بضائع اسرائيل الأجانب , مظاهرات وطلعوا لدرجة إنو في واحد اوروبي (الصدمة انستني جنسيته) كل يوم جمعة ولمدة تسع سنوات بتظاهر لأجل غزة , فيديوها وعملوا , أغاني وغنوا , دعم ودعموا , هزوا بلادهم هزوا , سفراء إسرائيل وسخطوا , وإحنا مثل ما قال عمر العبدلات (الرسام) :


حتى أبو سمرا مصدوم , عقولة الختايرة يا كشلي عالعرب الناس في الناس والعنزة في النفاس , (لإحقاق الحق في ناس مش لاقية توكل فا حياتها عبارة عن مقاطعة للحياة نفسها ويضاف إلى ذلك المستضعفين يلي ما إلهم غير يرفعوا ايديهم لربنا والدعاء) أما غير هيك ليش ما نهز طولنا يا خوي , ليه ما تقاطع الزهرام يلي بتتدولقه يا خوي؟ , لا تقوللي بعرفش وما عنديش علم ويلا هالليرتين ما بدها تضر إسرائيل ولا حتى نفاذ الكمية , مهو ياهيك يا (اسكت ووخر غاد) وبنسقط عنك المقاومة حتى الكلامية ويا حبيبي بنعتبر طوبة في حيط وبنشوف غيرك (عفكرة هدول الناس لازم نبلش نوردهم لاسرائيل تستخدمهم دروع بشرية - لا ما بحكي جد) , بضل هون الناس يلي بدها وحقيقي عم تقوم بالمقاومة بأي شكل ممكن يكون تحت إيدها ومش ممكن تبيع مبادئها لو على قطع رقبتها وهدول إن شاء الله نكون منهم وأكثر ونسأل من الله الصبر والسلوان ويقوي من عزمهم ويشوفوا النتائج وهالشي كلف اسرائيل اكثر من 30 مليون دولار السنة الماضية وهالسنة المبلغ عم يزيد وهاد لينك لتصدقوا ومكتوب بالانجليزي عشان تصدقوا أكتر وعاليمين النسخة (المصغرة) العربية , لهون بنكون تمام بضل الناس يلي إن شاء الله يمحقهم ويخرسهم يلي همه الناس المؤيدة للسلام أولاً يلي ما أخدنا منه غير البين وأكل الهوا والسخام وكما قالوا :



لا والله العرب يلي مستقتلين على السلام يا خزز يا (كلمه كبيرة ما بتنحكى) , وياريت إجانا منها اشي ولا مهي زي إبرة البنج بتطرقنياها إسرائيل شهرين زمان لتقدر تفضى شوي لتبني شوية مستوطنات وتوصلها اسلحة جديدة من ماما أمريكا وتحط أكم مخطط فاشل وتسمعلها أكم خبر من عملائها الكلاب يلي مش قادره تجندهم في غزة من الزلومية ناسها زغير وكبير وبعدها ترجع تقصف بطياراتها وعملياتها البرية الفاشلة يلي بتكون مثل اللي بدها تتغندر ومستحية , فا بحب أحكي لأبو السلام أقول انطم .

أما القسم الثاني يلي حكيت عنهم سابقاً يلي عليهم عليهم وتسلم ايدك يا شارون أنت هناك وإحنا هون واشباههم في الغزو العراقي لما طلبوا من أمريكا تحميهم وغيرهم في مصر وسوريا وليبيا وغيرها عشان يكسبولهم قرشين حلوين كده وكم لايك وشير ونسائنا حبلى بنجم السيسي , غص بالكو ما اتيسكوا , اخرتكم تتربطوا بحمير ويلفوا فيكم بالشوارع .

0 comment:

Post a Comment

:وكيل المكومنت قال

على القناة الثانية

Dear dairy

شو في ابشع من أنو انسان يشوفك بعكسك
يشوفك بأنك كل إشي مش انتا
ويكون مقتنع بهالإشي
إنتا بنظره الشخص الشرير تبع المسلسلات
انتا عاطل انتا كذاب انتا لئيم انتا مجرم
انتا ما بتحس بغيرك انتا ببساطه مش انسان
هل انا داعش؟
هل انا كوكتيل؟
يعني هل انا باد بيبول؟

Now Playing

والأمر الواقع..يويا
قمع ومواجع..يويا
ممنوع تشكي ..يويا
وممنوع تحكي..يويا
طب نسكت ليش..يويا
لقمة العيش..يويا
يلعن أبوها ..يويا
علي جابوها..يويا
ليش السكوت ..يويا
ما كله موت.. يويا
ونموت بعزة .. يويا
ولا موتة معزة.. يويا

.....

.....

خانة إقرأ

خانة إقرأ
اشي بصدم الصراحة

أسوأ العباد عند الله

أشعار

آني لأعرفهم من قبل رؤيتهم والماء يعرفه الظامي وما وردا

ريكو من دد

ريكو من دد
لا زال في الجمجمة

حقوق المؤلف

جميع الحقوق في الصور أو النصوص المقتبسة أو الفيديوهات أو الأفكار وحتى نموذج البلوج كلها تعود لأصحابها لا أنا لا أنسب ما أضيفه (من غير ابتكاراتي الخنفشارية) لنفسي وإنما الإضافة لغايات التوضيح والتأمل وباقي النصوص المكتوبة فا من كتابتي وسواليفي الخاصة

شو كمان شو كمان شو كمان؟
آه وما عندي فيسبوك لا حد يدور عليي ويحكيلي متنكرة
i hate it

عداد الطقس

About Me

My photo
عمان, Jordan
بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض