تو هوم ات ماي كونسيرن .. أور ماي نوت
متزكرين في سك على بناتك لما فؤاد المهندس يضل يضرب في الطويل .. وفي نص المشهد بحكيله "فاضلك لفه وتاخد 75 قرش" .. ازا متزكرين أكيد ضحكتوا وازا مش متزكرين بحكيلكم شوفوا هاد اللينك .. شفتوه؟؟ ضحكتوا؟؟ .. الحمد لله .. هاد مش موضوعي بس حبيت استقبلكم بالضحكات العفوية بدون أي داعي وسبب .
بتعرفوا طيب شعور لما تنصدموا في شغله ودماغكم يعمل تأخير ثانيتين الصوت عن الصورة ويهنج ويشرت وتصفنوا في الفراغ بحاول فيها دماغك يستوعب الموقف .. زي الثانيتين يلي الولد الزغير لما يوقع وقعه شنيعة ويتطلع على امه ليتحقق من ردة فعلها إنو وقعتي مستاهله اعيط وانف ولا احك راسي وامشيها .. انا هكذا في الثانيتين من تقريباً السنة الماضية بس شكله دماغي اقرط فاهم بدل ثانيتين سانتيتاتين .. همه اتنين اتنيييين بلا قلبة دماغ .. على أمل من الله عز وجل ان يكون الفرج قريب زي دايما .
ليش بحكي هالحكي لانو وصلتني اسأله منكم ومن الكل تقريباً .. جوابها الصراحة مابعرف .. انما الحلو في الموضوع إنو بالنسبة إلي كل ما الأمور تصير صعبة (بعتذر بهالكلمة يلي رح احكيها) تصير صعبة بنت كلب .. بتصير أحلى بشكل مخيف لدرجة ببطل اصدق حالي .. صحيح بكون مكتئبة من يلي عملته فيي الأمور السيئة .. بس هالمرة فعلاً كانت امور صعبة وبنت كلب مش معروف .. وبما انها كانت صعبة بدرجة القرف بحب احكيلها إنو رح استغل الفرج بأقصى حالاته مش رح أخلى نتفه منها تعتب عليي .. فا إلى ذلك الوقت بعرفش شو أجاوب على أي إشي أو بالاحرى لساتني مش الإنسان الطبيعي أبو راس وعيون .
في الحياة وانتم كلكم افهم مني .. في يلي رح يدمرك ويمتص اخر نقطه في حياتك ورح تضل تعطيه تعطيه تعطيه (كل اشي انت بتقدر عليه) وأكتر وأكتر وفوق كل هاد مارح يعجبه .. ما تلومه ولا تلوم حالك .. والباقي عندكم .
تحياتي المعطرة بنفحات الأقحوان .
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
2 comment:
يعافيك خيتو
ويلكم باك
من لما وصلت ل : بس حبيت استقبلكم بالضحكات العفوية
عرفت انو وقعنا في الفخ!
الله يريح البال ويقدرنا، جميعًا، على الاستمرار (+ يعطينا كمشة صبر مركزة طوييييييلة الأمد)
فتّكو بعافيةِ
اولاً، رح اعتبرها غود ساين اني غبت غبت غبت وبس رجعت لقيتك تاركة مدونتك في الفراغ الطلق طول الوقت لحد ثبل اربع ايام، فما راح علي اشي
تانياً، ما عندي ولا ريدر ولا سبسكريبشن ولا الاشياء هاي اللي بتخلي الناس يعرفو بس تنزلي بوست... اجيت لحالي هيك بس استفقد... ولقيتك كاتبة اشي :-)
تالتاً، الاقحوان ما الوش ريحة :-|
رابعاً الله ييسر امورك ويهدي بالك ويبعتلك فرح يهليكي تنسي تهنيجة السنتين
بنستناكي :-)
بحيرة البجع
Post a Comment
:وكيل المكومنت قال