مش عارفه
للحظة جد مش عارفه شو أكتب
نفسي أحكيلك أشياء كتير
أشياء بحسها معك , عشتها معك جنبك أو بخيالي ...
جد بلحظات كتير معك بحس كأني تحت شجرة لوز وبتلات ورودها عم تنزل متل المطر
عمري حكتلك عن اليوم يلي كنت مروحه فيه لحالي من الجامعة
بالطريق يلي قريب من مدرج سمير الرفاعي في شجرة لوز
مزهرة وفي مطر خفيف عم ينزل عليها
وكل حبة مطر تنزل ينزل الورد معها
كانت جد كأنها عم بتشتي ورد حسيت بشعور مش طبيعي شعور غير مألوف
شعور عم بحسه كتير معك لأ مش عم بكبر الموضوع ولا عم بجامل ولا شي
طب عمري حكيتلك إنك وإنت عم تحكي مع حد تاني بكون أسمعك بشغف
مش لأسمعك الحكي أسمع نبرة صوتك شو رخيم ولزيز
صوت هادي زي طلوع الشمس كل صبح .. وبتعررف شو كل شي فيه سرقه معك حلو
شو ما كان جد إلو طعم حلاوة بشكل مش طبيييييعي وبتزيد لزته منك مليونين مره حتى لو تكرر كل سرقه أحلى من أختها وكل شي معك بحسه بلذة الخطايا ... لذة قرمزية
والأحلى إني مابخاف .. بطلت أخاف زي ما علمتني ويلي علمتنياه كتير
...
بحب عنادك وبحب التحدي يلي بينخلق بسبب عنادك
بس في هاي اللحظة يلي عم بكتب فيها صار جواتي دوامة سكوت
بلعت جواتها كل شي .. كل شي نفسي فيه أو نفسي أحكيه
معروف سببها؟؟؟!؟؟
بس حاليا ... راضيه لحد كبير بمين أنا ووين أنا
Subscribe to:
Post Comments (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض
7 comment:
طيب لايمتى
الحياه كتير كبيرة
وفيها كتيييييير اشياء
وازا بيبني حياته على حد واحد بس وبيبني سعادته وكل اماله بس عليها بيكون بيحلم
والاحلام والهابي اندينجز هاي بتكون بافلام ولد ديزني
الطريق طويلة ليسا
بس العمر قصير
ازا مش النا
قصير عند غيرنا
ساعتها بتكون الوقت فات ومافي وقت للاسف
الحياة ماعمرها كانت سهلة لا عليي ولا على غيري
وإزا كل حد حكى هالحكي ماكان في يوم جديد وحب جديد ومشاريع وشركات وفروع تانية تفتح
عادي بحكو في نوع من الورد مابينبت إلا في الأماكن يلي صار فيها حرائق
الحياة بتنخلق من الموت من التراب
البيوت بتنبى على أراضي قاحلة
والمشاعر بتعيش بتتغير
ماعمري بنيت أحلامي على حد بس في ناس بتشبعو أمالي وأحلامي وبيخلوني جنبهم مش قدامهم أو وراهم
عكل هاي مشاعري عشتها
لو إمبارح كانت حلوه واليوم حصلت ذكريات مرة
مارح تمحي ذكريات إمبارح ببساطة
عادي انك تعيشي ف دوامه مشاعر
احيانن تكوني تبوسي الارض اللي بمشي عليها
واحيانن تانيه تكوني عم بتدوري ع شي ينزل ع راسه من السما
شي بيانو او سندان زي توم وجيري
اصلاتن اللي مش عادي الوتيره الوحده
الحب الي ع طول
او الكره الي ع طول
بصفي في خلل بالنص
خلل بده تصليح إزا بدك تستمري
بس دامك دخلتي دوامه,, اعرفي إنك صح
وماشيه صح
تتهني يارب
إم عمر مابتقدر
بتموووووت علافلسفة
ولك شو توم وجيري هاي
والله إنك تحشيش
بس دخيلك ساعيتها بتفرق تكون الشغلة صح أو غلط؟؟؟
:ch:
you've been tagged
http://illogical-thoughts.blogspot.com/2010/08/ramadan.html
بتتمئلسي عليّ
سامحكي الله يا بطه
مهو ع حسب
إنتي شو حاباها تكون
حابه تحكي إنه إنتي صح,, والشي اللي بيصير غلط
وإلا إنه في غلط وخلصت فكت
بي إس,, بحبش الفلسفه انا,, هاد وجهه نظري لا اقل ولا اكتر
ان شاء الله الجاي احلى من يلي راح
ربنا اخبر بعباده
وربنا يمهمل ولايهمل
وربنا رحمن رحيم
واقرب على المسلم من الام على ولدها
وعسى ان تكرهو شيئا فهو خيرلكم
Post a Comment
:وكيل المكومنت قال