الموضوع إنو كنت بحضر أفلام العكش وخربطاته فشفت هاد الفيديو يلي الناس إنصرعت وقامت وقعدت عليه (مع العلم إني كنت موافقه معه قصدي موافقه مع الصورة الخاطئة بإن البنت ما بتصير تختلي مع والدها لأن في ذات الوقت طلعت قصة البنت وابوها في الزرقاء وسبقها قصة البنت الصغيرة يلي قتلها أبوها الشيخ) بس القصة طلعت من سياقها لما وضحهها  العريفي كالتالي:

وبعد هيك طلعت ببالي قصة (جهاد النكاح) يلي الكل نسبه للعريفي - ومع عدم اهتمامي بهالقصة من باب اتباعي لمبدأ الشافعي رحمه الله بالقول (بما معناه) أنه إذا وجدتم ما هو أصح من كلامي في السنة فخذوه وأتركوا كلامي .. فا مش بالضرورة كل شيخ تسمعله أو فتوى أصدرها أحدهم أن تأخذ بها إلا أذا تم الإجماع عليها أو فيها الدليل الكامل , صح عيب علينا إنو ما بنفهم بالفقه وأصول الدين وعندنا من الضعف ما بنفصفي فيه زي (المسلم بالاسم) أنما علينا مع هيك إعمال النصوص والأحكام ودراسة الموضوع وسؤال أكثر من جهة وما ناخذ الأمور على بساطتها أو ناخذها مسلوقه جاهزة ,, بالإضافة إلى إني جد ما فهمت قصة هاد النوع من الجهاد غير سمعتي وسمعنا وهاد حكى وهاد قال ,, عالعموم أنا بهالخصوص قلت يا هادي وأشوف شو اللي قاله العريفي من مبدأ إنو الشك اللي في القصة الأولى تسرب لي في هاي القصة كمان :

في حال حد ما فهم شو سبب ما حكاه طوني خليفة حول موقف الشيخ من قناة الجديد فهاد هوه خبر قناة الجديد (واربطوا الفيديو الأول مع هاد الفيديو) هاد مع العلم إنو الفيديو أدناه ما ذكر أو عرض كلام العريفي إذا أنتبهتوا إنما كان كلام سردي - لا والعنوان فخم:

هداك اليوم وأنا عم بحضر على اليوتيوب طلع عندي فلم مكتوب فيه (محمد vs عيسى) أنا ما حضرته وما حبيت أحضره ويوتيوب بشكل عام العناوين المستفزه فيها ببعد عنها وبجوز كتير منكم وقع في هيك مواضيع أو سمع أو صار موقف معه أو غيره .. الموضوع إنو (إلى جانب عدم إحترام إن المذكورين هم أنبياء ورسل الله يلي أقل ما فيها قول النبي محمد والنبي عيسى وقارن متل مابدك) فا همه بتحزبوا لجهة في مواجهة جهة أخرى - متل ما همه بعتقدوا ,, غافلين بشكل تام إن سيدنا عيسى جزء من إيماننا تخيل مش جزء من الإسلام لأ جزء من الإيمان يلي هو تقريباً الأساس .

بغض النظر عن إنك بتحاور شخص مسيحي (وأفضل أحكي نصراني) وإنك بتخاطبه بمعتقداته حول سيدنا عيسى وحول وكذا وهيك والنبي محمد .. الشغلة مش مسابقة عمو إنو لأ سيدنا محمد الصح وسيدنا المسيح (أو ما يدور حوله) غير صحيح وهيك ومن هالسواليف لأنك ببساطة دامك تنسف وجود السيد المسيح (ويلي من ضمنها الأساسات يلي نتشارك فيها معهم) إنت عم تمسح جزء كبير من الإيمان ومن الأساس يلي بني عليه الأسلام .. كون ربنا مهد للإسلام عن طريق الرسالات المتتابعة - لا إنفصال أو تعارض بينهم ,, رسالة الإسلام أرست ما جاء به سيدنا المسيح أضافت عليه وضحت وفصلت ,, الرب واحد والرسالة واحدة والتعدد كان بالرسل ,, وأنا بعرف إن يلي بحاور بعرف هالمعلومة .. بس بغفلها لما يبلش النقاش مع - غير المسلمين .

شغلة تانية مشابهة إلها لما صار الإعتداء السافر بالرسم الكاريكاتيري والفيديو والأفلام على سيدنا محمد ,, ناس كتير طلعت ببالها شغلة إنو همه تمسخروا هيك لا إحنا بدنا نردها عليهم ودامهم نصرانية فا ....... عارفين التكملة ,, هاي هاي عمو لأ فهمت الموضوع غلط إنتا ,, وصفيت عم تعمل متلهم على حالك .

رابع شغلة فيما يتعلق بسيدنا المسيح وسيدنا موسى وحتى بهاي الأديان (الصحيح منها - يلي ضل) ليش ما بفور دمنا بس يعلقوا أو يغلطوا أو يسبوا أو يتمسخروا عليهم؟؟ ,, ليه ما حد بتدايق (من المسلمين تحديداً) لما يجيبوا صورة أو تشخيص للسيد المسيح وسيدنا موسى في أفلامهم ,, آه عرفنا سيدنا موسى بيجبوه لابس دشداشه خيش وسير (وعالأغلب حبل) على خصرة وحامل عصاه وإلخ إلخ .. وسيدنا المسيح بالشكل المعهود (ويلي رجحوا إنو شكل دافنشي حسب ما شيكت آخر مره) وبجسدوا في الأفلام والمسلسلات وأغلها الأنيميشن ,, يضاف إليها النكت والكاريكاتيرات المسقه والفن الهابط ,, وترى هالشي موجود وسابق على الاستهزاء بالرسول محمد الكريم .

آخر سطر في الفقرة السابقة كتبت (رسولنا محمد الكريم) ,, وبنحكي ربنا وإلهنا وقرآننا ,, وآه ال (نا) عائدة على المسلمين ,, هاي تياسة صح؟ .. هاد كيف وإحنا ما بنعرف إنو الرسول محمد نازل على البشرية جمعاء مش على قوم محدد ,, وهاد كيف لو ما بنعرف إن الله هو إله الكون وكل البشرية جمعاء سواء أنكروا أو أعتقدوا بغير ذلك ,, وهاد كيف لو ما بنعرف إنو القرآن هو هداية للناس .. للناس .. للناس .. لأ مش للعرب فقط ,,  لأ مش للمسلمين فقط ,, لأ مش لحد دون حد آخر جاء المصطلح عام (للناس) .

آخر شي بدي أحكيه إنو هاد الأمر لازم الكل ينتبهله .. الموضوع صحيح (المسلم من سلم الناس من لسانه ومن يده) ,, هاد أمر خارج عن الموضوع ,, وهاد ما بمنع إن يكون في تأكيد وإضافة لما تعيشه البشرية من ضعف في لحظات كتير .. الآية رح تكون أوضح من كلامي وإحتمال كبير تكونوا متبحرين في تفسيرها أكتر مما ممكن أشرحه ..

قال تعالى: ((ولا تسبوا الذين يدعون من دون الله فيسبوا الله عدوا بغير علم)) .. شوف ما أرحم ربنا .. (بغير علم) .. صدق الله العظيم ,, الشغلة مش شغلة لا تدافع وعليك تربيطات وفوبياهات ومليون إعتبار وإعتبار .. الشغلة إنو في الأسلام كل شيء في الدنيا مشمول ,, كل أمر كل كلام كل شخص كل شيء فا صعب إنك تحارب أمر ثابت بأمر آخر ثابت ,, دافع عن الأمور كلها وواجه الشاذ أو الغير حقيقي منها أو الغير مستند على أمر ثابت . 

بستغرب كيف في ناس مبسوطه بحالها ,, بمعنى على مدى الزمن ,, لا تتحرك ولا تتغير ,, لا تتحدث ولا تزيد على حالها شي ,, بستغرب أكتر من يلي ما بثيرهم الفضول أي شي أييييييييييييييي شي ,, لأن بالنسبة إلي مفهوم الفضول هو التطور لتعرف شي جديد تضيفه لحالك .. حتى لو ما كان رح يغير من حياتك ويقلبها أو حتى يعود عليك بالمردود المالي .

جد كيف ممكن أشوف شغله تمر قدامي أو حوار يصير في قعدة أنا فيها وينحكى في هالشغلة أو الموضوع وما يصير عندي حتى ربع نازع يحكيلي لازم أعرف كيف أو حتى أخلق في دماغي تصور معين عنها أشبع فيه هالسؤال لحد ما أقدر أقرر هالموضوع مهم أم تافه .. أما إني كل شي يمرق قدامي زي شريط المسجات والتهاني في هالقنوات .. إنو وات ذا هل؟؟

ما عم بنظر على الناس ولا بعمل حالي إم العريف (بضم العين وشد الراء) .. أنا بقصد عن إن الواحد من صغره مش بس بجرب يمسك كل شي ويحط بتمو كل شي ويضرب راسه في كل شي وعلى وقتي بريزات الكهربا يلي لا تركتني ولا أنا تركتها .. ولما تكبر وتصير قادر تعرف أدنى التفاصيل عن الشغله بدون (حواسك الخمسه) وتمرقها هيك مرور الكرام؟؟ .. إذا مش لغايات المعرفه .. فا لغايات ما تتبهدل أو ينحكى عنك متسطح وجاهل وفارغ ويستحمروك الناس مره عن مره .. يعني أقل ما فيها إعتبر الدماغ عضله وإذا ما غذيتها وشغلها (تضمر) مع العلم إن هالشغلة صحيحة الدماغ بطريقة أو بأخرى يضمر إذا ما اشتغل وتم تحفيزه .

الشخصيات بطلة هاد الموضوع هيه يلي مكيفة ومفكرة حالها بتعرف وإن معرفتها كافيتها وإن مافي حد قدها .. يا ولدييييييييييييييييييييييييييييييييييي .. بتتعامل مع هاي الشخصية جد زي ذوي الإحتياجات الخاصة .. إنو أوك ((إنت حمار وعارف إنك حمار بس مش عم تحكي عن حالك حمار بالعكس الناس عندك كلها حمير وأقل منك كمان)) فا بدك تتعامل معو بناء على هاي الحقائق وتضلك تتجنب إنو لسانك يحكيلو إنت حمااااار حماااااار .. مش هاممني حاله ومحتاله مش هاممني هو مرتاح مع حاله أو مش مرتاح أنا يلي بهمني إنو حموريته ما تغبر على حياتي .

لااااااااء لاااااء هاد مش مزح
وشوفوه من اكتر من فيديو اشي بخوت
واه بنفع بالعربي ملهاش دخل اللغة
السؤال القوي
لو جربتوا على ابوي وهوه بشخر رح يخربط بالشخير؟

اشي بمخول الراس
عالعموم كل فيديوهاته هيك

أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا ۖ فَإِنَّهَا لَا تَعْمَى الْأَبْصَارُ وَلَٰكِنْ تَعْمَى الْقُلُوبُ الَّتِي فِي الصُّدُورِ .

احنا مقتنعين بمبدأ ان العمى المذكور في القرآن مش عمى العيون .. انما ليه ذكر ربنا القلوب .. ووضح انها القوب التي في الصدور .. وليه ذكر ان القلوب هيه يلي نعقل بها واكد ذلك كمان في اية تانيه (ولقد ذرأنا لجهنم كثيرا من الجن والإنس لهم قلوب لا يفقهون بها ولهم أعين لا يبصرون بها ولهم آذان لا يسمعون بها أولئك كالأنعام بل هم أضل أولئك هم الغافلون ) . وهون ذكر العيون والاذان بالنظر والسمع وترك للقلب الفقه او الفهم او التعقل .. ؟

كل يلي بمر براسي لما اقرأ هاي الايات الدراسة يلي ظهرت بتحكي ان الرجل كالمرأة بصدر قراراته بناء على عاطفة .. وبنفس الوقت ظهرت قصة ولد زغير نقلوله قلب من رجل ريفي كبير بالسن على ما اذكر ومع الوقت بدأ الولد يحكي قصص قديمة عن الزراعة ومواسم الحصاد (يلي عايشها الرجل الريفي) .. لتوصل الدراسات ان الانسان بيتفكر وبصدر قراراته وبخزن افكاره بالقلب .. عمرك فكرت ليه ناس كتير بس تزعل بتموت او بصير معها سكته قلبية مش دماغية؟ ليه برتفع ضغطها؟ بتذكر ابوي لما سافرت امي لمدة طويله راجع الدكتور وعملله تخطيط قلب وطلع عندو نبضه زيادة .. عمرك زعلت ونخزك قلبك؟ او حتى (رف) على فرح .. او بلش يخابط جواتك على قرار صعب بدك تنفذه؟

المسألة لا نحصرها بالعاطفة مع العلم هيه احد عناصر الافكار والاحاسيس و(الاساسات يلي بنبني عليها القرارات اذا ما كانت الوحيدة) .. المسألة ربنا يلي خلقنا اشارلنا انها هيه يلي احنا بنعقل وبنفكر وبنفقه فيها .

هالمرة مش رح اعمل رابط عجيب كالعادة بين اول النص وآخره بين قصصي وبين نتائجي .. هالمرة رح اترك هالآيتين لعلي اكون قادرة اعمل نص مترابط .. ربنا ذكر في سورة المطففين (كلا بل ران على قلوبهم) وذكر في سورة البقرة ٨٨ (وقالوا قلوبنا غلف) .

يمكن كلكم تحكوا إنو لأ شو دخل كلامك

بس حسيت الزلمه مستمتع بالدين وحاسس بحلاوة كلمات القرآن

وحاسس بجمالية الدين وحسن التعامل فيه

ديننا منطقي ببساطه

ويلي فاته منطقية الإسلام

فاته العمر والحياة

قال تعالى في سورة الشعراء

كَذَّبَتْ قَوْمُ لُوطٍ الْمُرْسَلِينَ
إِذْ قَالَ لَهُمْ أَخُوهُمْ لُوطٌ أَلا تَتَّقُونَ
إِنِّي لَكُمْ رَسُولٌ أَمِينٌ
فَاتَّقُوا اللَّهَ وَأَطِيعُونِ
وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلاَّ عَلَى رَبِّ الْعَالَمِينَ
أَتَأْتُونَ الذُّكْرَانَ مِنَ الْعَالَمِينَ
وَتَذَرُونَ مَا خَلَقَ لَكُمْ رَبُّكُمْ مِنْ أَزْوَاجِكُم بَلْ أَنتُمْ قَوْمٌ عَادُونَ
قَالُوا لَئِن لَّمْ تَنتَهِ يَا لُوطُ لَتَكُونَنَّ مِنَ الْمُخْرَجِينَ
قَالَ إِنِّي لِعَمَلِكُم مِّنَ الْقَالِينَ
رَبِّ نَجِّنِي وَأَهْلِي مِمَّا يَعْمَلُونَ
فَنَجَّيْنَاهُ وَأَهْلَهُ أَجْمَعِينَ

وهم قالوا :  أنظر هنا

ليه بنصدقهم وربنا قال وبينلنا ما ورد على لسان سيدنا لوط؟ .. القرآن كلام الله المنزل على سيدنا محمد .. وهم كلامهم معترض عليه وعرفنا وعلمنا ربنا إنو (وما أوتيتم من العلم إلا قليلا) .

وآخر إضافة حابه أحكيها .. كلنا بنعرف إنو قصة سيدنا لوط عليه أفضل الصلاة والسلام حدثت ووقعت آحداثها في منطقة البحر الميت يلي الناس حالياَ بتصيف فيه وبتبني منتجعات وبتروح تغير جو فيها .. آه وبتحداكم إنو الكل سمع جملة (منطقة عذاب) آه الكل بعرف هاي المنطقة وثابته في كل الكتب ,, بس قبل كم من يوم سمعت آيه من سورة الذاريات وخلتني أرجع أفكر في الموضوع من ناحية تانية إنو مممممممممممم :

قال تعالى : (وَتَرَكْنَا فِيهَا آيَةً لِّلَّذِينَ يَخَافُونَ الْعَذَابَ الأَلِيمَ) .

جد مرات الواحد بحس حاله سخيف وكل شي بيعمله لغير وجه الله وفي غير طريق الله إنو بتكون أفعال تافهه وغبية .. يعني منطقه البحر نفسه فيها ميييييييييييييييييييييييت ,, والناس بتروح تصيف وتبني شاليهات وهداك اليوم واحد بتصل على محمد الوكيل زعلان إنها كلها صارت بنايات وبطل في مكان الناس تقعد وتشوي وتمتع عيونها بهالطبيعة ؟؟!!

شعار الحكومة : بقائك حيا لا يحقق اي فائدة , موتك لا يعني اي خسارة!!!

في عام 1975 تمكن الخمير الحمر الكمبوديين من اسقاط الحكومة و اسسوا حكومتهم تحت اسم "حكومة كمبوديا الديموقراطية" , كان قادة الحكومة الجديدة من الشيوعيين و قد درس اغلبهم في الجامعات الفرنسية و تأثروا بتجربة الحزب الشيوعي الفرنسي كما كان للتجربة الشيوعية الفيتنامية اثر كبير عليهم , كان قائدهم هم "بول بوت" او كما يدعونه "الاخ رقم 1" و هناك مجموعة من القادة الاخرين مثل "الاخ رقم 2" و "الاخ رقم 3" .. الخ. كانت فكرة هؤلاء القادة الشباب تتلخص في فكرة و نضرية شيوعية متشددة تقوم على اساس العودة بالشعب الى اصوله الحضارية و الثقافية عن طريق العمل الزراعي الجماعي و تحقيق الاكتفاء الذاتي و التخلص من جميع مظاهر الحياة الغربية التي (بأعتقادهم) لوثت الشعب و خدرته و هي المسبب الاصلي لتخلف شعوب العالم الثالث , و قد تقرر ان يتم تجربة هذه النضرية على الشعب الكمبودي المسكين.

حكومة مجنونة!!

كان برنامج حكومة الخمير الحمر يقوم على اساس اغلاق المدارس و المستشفيات و المعامل و المصانع , منع البنوك و التجارة , تحريم جميع الديانات , تجريد المواطنين من جميع ممتلكاتهم الشخصية و نقلهم من المدن (بالاجبار) الى مزارع العمل الجماعية (collective farms) في الريف الكمبودي من اجل تطهيرهم من مظاهر الحضارة الغربية و العودة الى ثقافة "الشعب القديم او الاصلي" عن طريق

العمل الزراعي!!.

هل تتخيل جنونا اكبر من هذا عزيزي القاريء؟ للأسف نعم فهناك المزيد من القوانين التي لم ينزل الله بها من سلطان في تاريخ البشرية طبقت على الشعب الكمبودي المسكين , العلاقات الانسانية داخل العائلة ممنوعة !! و لا يحق للشخص بأن يكون على علاقة بعائلته !! الدواء الغربي الحديث ممنوع و تستخدم محله الاعشاب الطبية التقليدية !! ممنوع استخدام الالقاب و تبادل كلمات الاحترام بين الناس حيث يجب استعمال كلمة "رفيق" فقط في المخاطبات العامة و كذلك يمنع منعا باتا التحية عن طريق الانحناء او المصافحة حيث ان عقوبتها قد تصل الى الموت!!

في البداية , استعملت الحكومة الحيلة لأخلاء السكان من المدن حيث اخبروهم بأنه يجب عليهم الالتجاء الى الغابات ليومين او ثلاثة بحجة الاحتماء من قصف الطائرات الامريكية و ان الدولة ستقوم بحراسة بيوتهم و ممتلكاتهم خلال فترة غيابهم , و ما ان يخرج السكان الى الغابات حتى يتم تقسيمهم و ارسالهم الى حقول العمل الجماعي و كانوا يتعمدون في التقسيم ان يفرقوا بين اعضاء العائلة الواحدة و يعزلون الاطفال عن امهاتهم.

في المزارع كان السكان يجبرون على العمل لـ 12 – 14 ساعة او اكثر يوميا من دون اي راحة او غذاء و كان يمنع عليهم حتى التقاط و تناول النباتات او الثمار البرية على اعتبار انها ملكية عامة و لا يحق لأحد استئثارها لنفسه و عقوبة من يخالف ذلك هي الموت!!

حقول القتل

حقول القتل و الموت (The Killing Fields) هي مناطق مخصصة لأحتجاز و تعذيب و اعدام الاشخاص ممن ترغب الحكومة بالتخلص منهم (و ما اكثرهم) لأسباب عديدة تعتبر جرما بنظرها و منها ان يكون الشخص ينتمي الى قومية غير كمبودية مثل الصينيين او الفيتناميين الساكنين في كمبوديا و كذلك المسيحيين و المسلمين الكمبوديين و رهبان البوذية كما ان ممارسة اي عمل او قول من شأنه اضعاف الحكومة حتى و لو تذمر بسيط من ضروف العمل او حتى مجرد ان يبدي الشخص اي مشاعر مثل البكاء او التأثر عند اعدام شخص من عائلته امامه فأن العقوبة هي الاعدام.

و من الجرائم الكبرى بنظر الحكومة هي ان يكون الانسان متعلما او مثقفا !! فبما ان هدف الحكومة "المجنونة" هو تجريد الشعب من كل ما يملكه , حتى الاحساس و المشاعر , و تحويله الى الة زراعية مطيعة و صاغرة تنفذ الاوامر بدون مناقشة و لا تذمر او احتجاج , اذن يجب القضاء على مفكري و مثقفي الشعب و جميع افراد الشعب ممن يمكنهم القراءة و الكتابة و قد صدرت الاوامر بأبادتهم جميعا حتى الاشخاص الاميين ممن يرتدون النظارات فقد اعدمتهم الحكومة لأنها تعتقد ان النظارات لا يستخدمها الا المتعلمين!!

ان عدد الموتى في ظل حكومة الخمير الحمر غير معروف على وجه الدقة حيث ان اقل التقديرات تشائما تقدره بـ 750000 شخص و ترتفع به بعض التقديرات الى 3.3 مليون اي تقريبا نصف الشعب (عدد سكان كمبوديا في تلك الفترة كان 7 ملايين) و لكن اكثر التقديرات واقعية هي بين 1.5 – 2.5 مليون شخص تم قتل نصفهم تقريبا عن طريق الاعدام في حقول القتل اما الباقي فماتوا نتيجة الجوع و الامراض.

سقوط حكومة الخمير الحمر

في عام 1979 اجتاحت القوات الفيتنامية كمبوديا و اسقطت حكومة الخمير الحمر و قد فر اغلب قادتها و على رأسهم بول بوت الى الادغال قرب الحدود التايلندية حيث اختبأ هناك حتى موته عام 1998.

للمزيد

-----------------------------------------------------

صراحه أنا اليوم كانت أول مره بسمع بهالاسم أو بعرف بهالموضوع ,, الموضوع يمكن عم نشوف إحنا بالتاريخ الحديث عم ينكتب وصار في شعوب عربية ومنها يمكن لما نذكر رقم بالملايين بنتذكر على طول الجزائر ويضم أكيد إلى جانبه كافة الوطن العربي يلي بنضل مصرين إنو وحده واحده همها وقلبها واحد سواء إن كنت شامي أو مغربي ,, بس همنا القديم كان باروده بصدرنا من أجنبي ,, كانوا جدودنا يموتوا أبشع ميته لا تقل عن الكمبوديين ولأتفه الأسباب ,, زي قصة الرجل يلي مسكوه اليهود في الخليل ومعو علبة مسامير مشتريها عشان يصلح قبقابه وأعدموه لأنو أحتمال يستعملها لغاية غير مشروعه وغيرها من القصص يلي الكل أكيد عندو منها ,, ولا زال - صحيح بنسبة أقل - فينا عرق أو كم مشاعيره لا تستنضف إي وجود أجنبي أو إي ود أجنبي غربي أو تدخل في أمورنا المختلفة .

الصورة الأبشع يلي بذات صورة الكمبوديين لما تلاقي إبن بلدك لونوا من لونك بحكي من لغتك ولمجرد أمر - سخيف بإعتباري الشخصي - من سلطة أعلى منك إنك تقتل هاد الشخص ,, تطعن بنت أو طفل صغير حتى الموت ,, تغتصب بنت أو أم ,, تصفي رجل طاعن في السن ,, وتعذب شب أو أب .

الرسول يلي جاء برسالة الإرهاب كما يزعم الغرب وخسؤوا هم وأمثالهم ومن إتبعهم ومن سار على دربهم .. وترى يلي بفعل زي يلي بقول ويلي بعمل أبشع كمان وقال الرسول الكريم من رغب عن سنتي فليس منا وليس من المسلمين ولا من رسول الله .. وكان الرسول الكريم عليه خير الصلاة وأشدد في حالة الحرب يعلم الجيوش والقادة إنو (لا تغدروا , ولا تغيروا , ولا تقتلوا وليدا , ولا إمرأة , ولا كبيرا فانيا , ولا منعزلا بصومعة , ولا تقطعوا نخلا ولا شجرة , ولا تهدموا بناءً) بس يا حيف الناس هسا بتموت مش عارفه ليه ,, من دون سبب ,, من قريب ومن بعيد .

في حياتنا لما نختبر شي ويحكولنا إنو هاد مره وحده أو معك فرصة وحده ما غيرها ,, زي مثلاً إمتحان أو وظيفة أو زواج أو ممكن أي شي فرصة أو منافسة أو أكلة أو أي شي .. تلاقي حالك متوتر وبتفكر مليون مره ,, ويمكن يتغلب عليك فشل إنك تفشل ,, لأنو ببساطة هيه شغله ما إلك خبره فيها ومن ناحية تانية مافي قدامك فرصة تعيدها (بمعنى نفس الحالة بنفس اللحظة مش بمعنى تكرارها) .. زي الفتيشه شي وبينتهي وأنقضى الأمر .. وأنت إلك الأختيار تقوم بهالأمر أو لأ .

الأشي يلي بختلف بالقتل - وحسب إعتقادي والله أعلم - إنو نفس يلي حكيت عنه في الفقرة السابقة بس زيد عليها إنك عم تقرر مصير شخص تاني أو بتتخذ القرار لخارج حدود نفسك ,, يعني عم تتعامل مع عنصر حي متغير وكائن مستمر مش مع شي استهلاكي .. وبتخيل دايماً إنو هدول يلي يقتلوا دايما بحلموا بصور الناس يلي قتلوهم حتى لو بينوا للعالم إنهم أقوياء .. أو إنهم مبلدين .. أعتقد لأنو ببساطه ربنا خلق في الأنسان أشياء مشتركه مع كل الناس منها المشاعر والذكريات والأحاسيس والضمير وبتضلها حتى لو بنسبه ضعيفة تأنب هاد الشخص ,, يمكن بصير عندهم عادة أو إدمان؟؟ .. وهل الشخص يلي أرتكبها لأول مره ممكن نعامله بذات الطريقه لما يكررها؟؟ وهل القاضي يلي يحكم أو الشخص يلي يشرع القانون المفروض يكون شخص أعمى عن الواقع ليحكم بتجرد أم شخص متعايش وعايش وكان واحد من ضحايا هذه الأمور ؟ والمفروض الشخص مرتكب هاي الأمور ( مش حابه أوصفها بالبشعة أو بالجريمة أو المجزرة أو العدد أكثر ما أوصفها آلام وأحزان لناس لازم أذكرهم باسماءهم وصورهم وقصص حياتهم وعائلاتهم .... ) كيف ممكن تحكي لبنت أو طفل شاف أهله وعيلته وشعبه وبيته ومدينته وكل ما بحب عم ينتهي من الوجود وتحكيله يلي سببلك هالأمر عم نحاكمه من قبل ناس غيرك وفي الآخر رح نصدر عليه حكم بالمؤبد أو السجن لكم سنة ؟؟؟

كيف نسمح لحالنا نحكي عزيز قوم ذل ,, أو نحزن على هاد الشخص لحالته بعد ما على واستكبر؟؟ ببساطه لو أنا حكيت هالكلمه بكون رجعت قتلت الميت وأعتبرته نسياً منسيا .. وأعتبرت يلي قدامي ويلي بحكي عنه ذل هوه أفضل من الشخص يلي انتهى وجوده من هاي الحياة ,,, كيف ممكن نبرر هالأمر عشان مصالح إلنا أو مصالح أوهمنا فيها إنها موجوده أو ممكن تنوجد؟؟ أو كيف ممكن نقرر عن شخص عاش الآلام (إلا إذا كان مستعد لهلأمر وسار بنفسه على الطريق بإيمان وعقيده) ؟؟ ولو فرضاً كان في راسنا أو بفكرنا ومبادئنا موضوع معين ,, هل نقبله على حالنا قبل ما نقبله على غيرنا .. وبحكي بذات الظروف وذات الحالة والقياس يكون بالتمام ؟؟.

الأشي يلي مدايقني إنو الجمهور بعدده

مابيرجع بينجمع بهيك عدد في الوطن العربي

إلا في مباريات أو في برامج الغناء

والمشكلة بحكوا إن هالشغلات بتشغلهم عن هموم الدنيا

طب والله إني بجد استمتعت في كلامه وتمنيت أقدر أحضر هالمحاضرة

كلها وياريتني كنت موجوه وقتيها وبجد الحوار والإقناع هيه همزة الوصل المقطوعة .. والله ربنا أعطانا الحكمة والوسطية والإقناع .. معجزة الأنبياء والرسل نزلت حسب كل قوم وكانت معجزة الرسول محمد عليه السلام هيه القرآن (اللغة) (الفصاحة) (الحجة) (الإقناع) والله تحدى العرب أسياد اللغة والشعر والمعلقات يلي تذهل وإنت تقرأ أشعارهم .. تحداهم يجيبوا لو آيه واحدة

والقرآن كان سندنا والجواب على كل الأسئلة

القصة أبسط من التعقيدات يلي تعقدناها أيام المدرسة

القصة مش طلاسم وكتب بدها ترجمة وعلماء وخبرات

ربنا لما وضع القرآن بين إيديك يعلم وحده إنو كلام بيوصل كل قلب

وقادر على إنو يخترق فهم كل إنسان كبير أو صغير

والوحيد يلي مابفهمه من كانت على قلوبهم غلف

يلي همه نفسهم بنفسهم عملوا هالغلاف على قلوبهم

القرآن مابخوف ولا معقد ولا كتاب منفر ولا صعب

سمعت بيوم شيخ بحكي إنو القرآن مرآة النفس

وأكد إنو كل مره يقرأ فيها القرآن يجد له معنى مختلف

والمقصود مش خلل في المفهوم بل الجواب لكل سؤال بالإضافة إلى إعجازه

لو حكولك في معجزة في المكان الفلاني لو قريب منك تروح تشوفه وتصوره

لو في بلد تاني تحكي ياريت أسافر أشوفه أو تحاول تشوف صورته في الجرايد والنت

تقرأ عنه تفتش عن فيديو ليتأكد جواتك إنو هاد معجزه ويرتاح فضول عقلك

ما بالك القرآن المعجزة يلي موجودة في كل مكان وحافظ إنتا منها الكثير

بس العيب الأكبر كان في يلي درسونا العلوم والثقافة الأسلامية والدين وحصص التلاوة والقرآن وعيب على يلي صعب عليك هاي المهمه وأوجد حاجز نفسي بينك وبينها وأكيد حسابهم عند الله عسير جداً

وحالياً إنت بالغ .. ومعك العمر كله .. ولك الخيار

القصة ومافيها إنو كل ما يذكر اسم الرسول الكريم .. على طول الكل برد (صلى الله عليه وسلم) .. وهو أمر رباني ولا خلاف عليه ولا اعتراض عليه والكل بعرف إنو نكسب ويحمل ذلك من الأجر الكبير .

لكن ما حد فكر إنه هناك ثناء يستتبع اسم الله أينما يذكر , سواء في حديثنا وفي كلامنا وفي قراءتنا للقرآن ؟؟

بحب لفظ بيحكوه كتير (التأدب مع الله) أو (التأدب في التعامل مع الله) وأكيد يشمل ذلك الكلام والقول .

قبل أكم سنة مش متذكرة المصدر يلي سمعت منه , بس ذكر إنو حتى لما وأنت تقرأ القرآن الكريم ويكون في آية مثلاً (قَالُوا سُبْحَانَكَ أَنْتَ وَلِيُّنَا مِنْ دُونِهِمْ) لازم ترد وتسبح وكذلك التهليل والحمد والشهادة .. فما بالكم وإنتم تحكوا كلامكم العادي أو تستمعوا لأي كلام وخطاب أو حوار لا يخلوا من ذكر الله .

كلنا والحمد لله يومياً بكون لساننا رطب أيضاً بذكر الله والصلاة على النبي الأكرم , وبكل لحظة قوة وضعف وفرح وحاجة وعطاء بنذكر اسم الله , ومش رح نخسر شي لو سمعنا من يذكر اسم الله أن نحمده ونشكره ونستغفره ونستعين به .

آخر شي نفسي أحكيه .. مره كنت بسمع لدروس الدكتور راتب النابلسي واقتبس من كلامه في شرحه لأحد اسماء الله الحسنى (الوهاب) وقال فيها , وهاد الدعاء بالذات يرد على لسان كتير من ناس ,, وظهرت فتاوي بعدم صحة هذا الدعاء , لكن الدكتور اللهم افتح عليه فسر الموقف بأعظم ما يمكن .. ومن خلال الكلام التالي رح تفهموا قصدي :

تخيل تسأل الله ملح الأكل؟؟ .. آه رح تستحوا من حالكم في هالطلب .. زي ما أنا استغربت .. طب نعل الحذاء؟؟ .. بدي أرفع إيديي لله الخالق .. خالقني وإلهي وأطلب منه هالشي؟؟ .. برجع يتراود كلام الدكتور النابلسي وبتفكر إنو الله هو من خلقني وعليه بتوكل .. ومنه وحده أطلب الرزق والرحمة .. وببساطة كل شيء على هالأرض بأمره .. وكل شيء من خلقه .. ليه تستحي من هالشي .. (يضاف إلى ذلك مبدأ التوكل لا التواكل دون تناقض أو أختلاط في المفاهيم) .. وببساطة هاد الأمر جزء من التوحيد والتسليم للخالق والرازق الواحد ,, لا تنسى أنو هاد الشي بشكل الراحة النفسية بحد ذاتها في الرزق وفي ولاية الأمر وفي المصير وفي كل شي .. لما تشوف حد بظلمك .. حد جار عليك ,, حد حاول يذلك ,, بتحكيله طق راسك بمليون حيط أنا معتز بالله ومافي بعد هيك .

------------------------------

جرى العرف والعادة والاصطلاح في العصور الحديثة على إطلاق لقب فرعون على الحاكم في مصر القديمة.، وذلك جريا على العادة في إطلاق الألقاب على ملوك العالم القديم، فعلى سبيل المثال يطلق على كل من ملك الفرس بـ " كسرى " برغم أن من تسمى بذلك هو ملك من ملوكهم، ثم جرت العادة بعد ذلك على تسمية كل ملك فارسي بكسرى، كما تسمى ملوك الروم بـ " قيصر "، وملوك الحبشة بـ بالنجاشي، وهكذا وجريا على العادة فإن الناس في العصور الحديثة اصطلحوا على تلقيب ملوك مصر القدماء بالفراعنة، وكان الحاكم في مصر القديمة الموحدة يلبس تاج القطرين (تاج احمر رمز الشمال وتاج أبيض رمز الجنوب متحدين في تاج واحد دلالة على حكم القطرين وتسلطه عليهما)، أي أنه يحكم مصر العليا ومصر السفلى. والخلاصة أن كلمة "فرعون" ربما قد أصبحت تستخدم استخداما شائعا في العصور الحديثة كلقب للحاكم في مصر القديمة لأسباب ترجع إلى الميول العقائدية ومحاولات التفسير التوراتية من زاوية واحدة، على أن التحقيق اللغوي للفظة يظل بعيد كل البعد عن حقيقة تلقب الحكام المصريين بهذا اللقب.

------------------------------

هو الاسم الرمزي الذي أطلقه جيش الدفاع لإسرائيل على هجوم عسكري خاطف (يسميه حزب الله بحرب أبريل أو نيسان) ضد لبنان في 1996 لمدة ستّة عشر يوم في محاولة لإنْهاء قصف حزب الله لشمال إسرائيل قامت إسرائيل بأكثر من 1100 غارة جوية وقصف شامل (حوالي 25132 قذيفةَ). وقد قُصف موقع للأمم المتحدة أثناء ذلك مما أدى إلى مقتل 118 مدني لبناني استهدفت 639 هجمة صاروخية لحزب الله شمال إسرائيل، خصوصاً بلدة كريات شمونة وقد شاركت قوات حزب الله أيضاً في الاشتباكات العديدة مع القوات الإسرائيلية وقوات جيش لبنان الجنوبي توقف النزاع في 27 أبريل/نيسان باتفاقية وقف إطلاق نار تمنع الهجمات على المدنيين.

------------------------------

مدينة تونسية نفذ فيها , الكيان الصهيوني عملية ارهابية اطلق عليها اسم عملية الساق الخشبية حيث قصفها الطيران الإسرائيلي في 1 أكتوبر 1985 المدينة بهدف ضرب مقر منظمة التحرير الفلسطينية والحصيلة 68 قتيلا اغلبهم مدنيون. و كان الزعيم ياسرعرفات هو المستهدف الرئيسي في القصف مع عدد من قيادات منظمة التحرير وحركة فتح .

قال الإمام النووي رحمه الله في مقدمة شرحه على الوسيط للغزالي :
(صح عن الشافعي رحمه الله أنه قال)
"إذا وجدتم في كتابي هذا خلاف سنة رسول الله صلى الله عليه وسلم
فقولوا بالسنة ودعوا قولي"
(وفي رواية) "إذا صح الحديث خلاف قولي، فاعملوا بالحديث واتركوا قولي" أو قال
"فهو مذهبي"

لما تسمعوا أو تقرأوا هيك كلام
وتفكروا في مبادئكم ومختلف جوانب حياتكم
بأساساتها
وبطرقها
وبكل ما يحيط بها
وبإتجاهاتكم
وميولكم لمواضيع معينة
وإنحيازكم لنفسكم بطبيعة الحال

ممكن تطبقوها؟
أو عندكم استعداد تطبقوها؟

خلص كرهانة فكرة التحيز والتعميم المسبق والمفاهيم الصم وكل الأفكار عن الاسلام والحجاب والتعدد في الزواج والجهاد وحدود الله والقصاص وكل مايحمله الأسلام من قيم وأساسات .

بكره فكرة إنو لما ينحكى حجاب ونقاب كل يلي بيخطر بالبال صورة الأفغانيات مكسوات باللون الأزرق وعم ينقتلوا ويعدموهم في ساحة أمام حشد غفير زيهم زي الماشية والدواب .

بكره فكرة إنو الجهاد صار عبارة عن عنف وصورة حزام مفخخ وترديد لكلمة الله أكبر وتفجير وقتل ضحايا وأسرى وأرهاب وحواجب خميله وتعصب وحقد وعدوان غير مبرر .

بكره فكرة إنو كل ما يذكر التعدد في الزواج بأنه أول مايخطر بالبال (الرسول محمد عليه السلام) مرسومه صورتوا بأنوا الأمام هارون الرشيد يلي حواليه نسوان شبه عاريات ترقص الرقص الشرقي وعم تشبع الرغبات وبالنهاية عايشيين هدول النسوان زي الحيوانات ويعاملوا كأنهم ملكية زيهم زي الأثاث .

بكره إنو فكرة إطلاق اللحى والسواك والدشداشه عبارة عن صورة لإبن لادن وهاد الشخص إرهابي وإنو أكيد بخطط مع القاعدة أو مع حماس ويمكن إيران وحزب الله وبخطط ليفجر ويقتل وهاد وسخ وغايته القتل وتمويله من المخدرات وأشياء أخرى ممنوع التعامل فيها وهاد أكيد معو سلاح وكلاشنكوف في جرار الأواعي الداخليه لمرتو .

بكره إنو فكرة القصاص وحدود الله وجلد الزانية ورجم المحصن والعين بالعين والسن بالسن والجروح قصاص عبارة عن شيء منافي للإنسانية وإنو عقوبة الإعدام شنقاً هاد شي تحاربه جميع منظمات حقوق الإنسان والأبشع إنو الدول العربية عم تنساق لهاد الموضوع دون تفكير لا بدين ولا بأنو هاد كلام الله وحدود الله .

صرت أكره لما أحضر فلم أو برنامج وثائقي وياخدوا رأي الدين بجيبوا قسيس نصراني وحاخام يهودي وبياخدوا رأيهم ومابتلاقي شيخ واحد أو إمام أو حتى عالم أو أكاديمي بالدين الإسلامي .

بكره فكرة إنو الاستشهاد الغاية منو في برنامج حضرتوا هوه عشان يتجوز 70 من الحور العين أو إنو "بنتحر" و "بفجر" حالة لأنو فقد الأمل وما لقي طريقه تانيه غير ينتحر .

بكره فكرة المسلمين بحد ذاتهم مش فاهمين الدين .. ومش عارفين إنو الرسول محمد والأنبياء كانوا من أنضف وأحسن وألطف معشر وفيهم خفة دم وبتعاملوا مع نسائهم بكل رقي وبكل إيتيكيت وبكل رواق وتفكير سليم وعبقرية وقيادة حازمة وبنفس الوقت كانت دمعتهم سخية على أي موقف بشري أو حتى حيوان أو شجر أو صخر .

الحرام والحلال مش مبنى الإسلام عليهم ولا الجهاد والنقاب وتعدد الزوجات ,, الدين حياة وفكر وعلم بحت وبرضو بعيدها حياة بحد ذاتها من تعامل وأخلاق وتجارة وعلم وتعليم وتفاهم وتسامح وزراعة وبناء وذكاء وسمو في النفس ورقي في كل شي ... ديننا راقي وبسيط ومعقد لأنو بشمل كل شي .

لأنو الدين الذي إختاره الله للناس ,, يلي إختاره يلي خلقني وخلقك ,, يلي بعرف كل شيء بهالدنيا والكون ودرب التبانه وبعرف شو صار وشو بصير وشو رح يصير وشو لو ما صار رح يصير وعارف الأختيار الأحسن والأسوء والمتوسط وربنا بعرف بحقوق الإنسان والعنف والطيب والدفاع عن النفس وبعرف عن الكذب وشو بيخفى وشو ببين وشو في العلم والسياسة والأرض والقانون والفيزيا والأحياء والطب والتجارة والكيماوي وكل شي لسا البشرية منذ بدء الخلق عرفتها ويلي لسا ما عرفتها .

ليه مش قادرين نفهم هاي الشغلة ومنها ننطلق لنفهم العالم؟؟ ليه مش قادرين نستند على أساس إنو كل تفاصيل حياتنا متبعين فيها أوامر الله وفي حدود أوامر الله وآمنا به لأنو الخالق وسلمنا له لأنو الخالق وإتبعنا دينه لأنو الخالق وعايشين بأوامره لأنو الخالق ؟

مع إيماني الكبير بدور التعليم وتأثيره في الإجتماعيات إنو صفر مكعب على الشمال ,, بندخل المدرسه يا بنطلع نيردات يا أقل من أدبنا ما في يا في دوامة ضياع لامتناهية مش عارفين كيف نتعامل مع الحياة مع تعليمنا القادم أو حتى قادرين نتعامل مع الوضع الحالي يلي إحنا فيه .

هسا بدي أترك كل المواضيع المذكورة أعلاه وأركز علي شغلة مش بس متعلقة بالتعليم في تعليم المدرسة لا بل بالحياة والمجتمع والناس ككل ,, ليه ما علمونا كيف نتعامل مع الفشل والخسارة والمواقف الصعبة؟؟.

علمونا كيف نتحل مسائل الرياضيات ومشاكلها ,, وتعقيدات الكيمياء ,, ولا متناهية الفيزياء ,, ونفك حروف اللغتين العربية والإنجليزية ,, حللنا شيفرة السنوات المنصرمة بالحروب العالمية الأولى والثانية وما تلاها من حروب العوالم الثالثة ,, لدرجة صار التعليم كأنها وظيفة بس نخلص من الدوام بنروح منها ونقطة إنتهى

حتى في البيت , الكتب , التلفزيون , وغيره ,, بيعاملنا كأننا حوض وعم يصبوا فينا يلي همه بدهمياه ,, مفرغين منا كل ما هو ممكن يكون نقطة تحول ,, أو حتى نقطة كسر ممكن تستمر لأبد الآبدين .

ليه مابعاملونا كيف نتعامل مع المصايب (غير الزلازل والحريق) ,, مشاكلنا ,, الفشل ,, الخسارة ,, تقبل فكرة الموت ,, والمصايب وإلخ إلخ إلخ ,, وهاي تكون بشكل حصص من ونحنا صغار يقدونا يناقشونا ,, يعطونا أمثله ,, يحطونا فيها ,, ويحكولنا هيك المفروض تعمل ,, الوضع مش خطير ,, خد نفس قبل ما تعمل شي ,, فكر ,, تعامل معها بهدوء ,, آه مش مشكلة إبكي ,, خفف عن حالك بالحكي ,, لا تعمل أي تصرف إنتا مابتعرف شو نتيجته ,, وآه الإنسان بيتعب وبيجزع بهيك ظروف وهاد شعور إنساني فا لا ترتبكوا ,, وهكذا .

الشغلة مابدها ناسا لتيجي تحلل فيها ,, طلاب علم النفس بدهم وظيفة من السما ,, خلوهم يعطوا درس أو دورة كل شهرين ,, كل سنه ,, بمعدل حصة أو حصتين ,, أو ملحق من أحد المواد الإجتماعية أو التربية الرياضية أو التربية الفنية خليهم يمثلوا ويجسدوا الظرف نفسه ويفكروا كيف ممكن نتعامل معه .

آه مافي مشكلة لو خسرت بلحظة ,, مش مشكلة لو فشلت أو رسبت أو تطلقوا أهلك أو مات جدك أو صار معك مرض صحي ,, المشكلة مش في هاي الشغلات لأنها مفروضه من ربنا علينا لنتعلم ... ومابالك لما قيل (عجبا لأمر المؤمن! إن أمره كله له خير وليس ذلك لأحد إلا للمؤمن: إن أصابته سراء شكر فكان خيرا له، وإن أصابته ضراء صبر فكان خيرا له) آه علموهم كيف يصبروا ,, كيف تعلموا من دروسهم يلي بتصير فيهم والمشاكل يلي بتمر عليهم ,, والأهل ماشاء الله تقول وراهم خمسين دافوس وألف إجتماع مجلس أمن ومحاكم تمييز هيئات تساعية وعم يقرروا مصير البشرية ومش فاضيين لولادهم .

عجبني مره كانوا بعملوا مقابلات مع ناس وكان بينهم أب معوا ولاده وبناته وسألوه عن تربية أولاده حكالهم ببساطة ( أنا من الأول بتعب وبربيهم وببني فيهم كل الأساسيات وبعد هيك بتركهم للحياة يتعاملوا وما بخاف عليهم لأنو معهم الأدوات الكافية لتحميهم ) .

يتلاقي الولد أو البنت إزا صار معهم شي خلص كأنوا بجد كسرة الروح فيه ,, وبتعلم هالشغلات ليكبروا ويشنتروا وبتأثر هالشغلات بكل مستقبلهم وعلى ولادهم وللأسف بضلهم يتعاملوا مع نفس الوضع كأنهم لسا ولاد زغار ,, زي مره كانت في قعدة مع العيلة وإنكبت كاسة الكاكاو على السجادة (لهسا مابعرف مين كبها) المهم وفجأة نطت بنت عمي يلي عمرها فوق ال 25 سنة بتأشر على إبن أختي إنو " هيو هيو يوسف يلي كب الكاسة والله العظيم شفته ,, والله هوه هوه ,, أنا شفتك لما كبيتها لا تكذب " ,, طبعاً الكل صفن فيها وسكتنا ولا حكينا شي ,, لأنو بجد على كبر عمرها وتعاملها يلي إنسخط من 25 سنة إلى سنتين ونص ,, يلي فهمته إنو آه صار معها هاد الموقف وأكلت قتله على هالشغلة وهيه صغيره والموقف عم ينعاد عليها ولسا خايفه وهيه بهالعمر تاكل قتله (اللاوعي) .

بالنسبة إلي ,, الحياة يلي تصنع من الموت هيه العظمة والقوة بحد ذاتها ,, وهيك ربنا خلقنا من الطين الميت ,, فا ما بالكم في عز الإنكسار والفشل تلاقي واحد وقف على حيله وتصرف وترك الحزن والهموم وبلش يخطط شو بدو يعمل ,, وعلى طول صار يفكر بطرق بديله ... الحياة زي السباق ,, معك وقت وقدامك الطريق ,, غلطت بالطريق ,, إزا بدك تضل واقف على نفس المكان يلي ضعت فيه أمامك شغلتين ,, يا تضيع بزيادة أو تروح عليك الحياة .

ولا تنسى إن الله تواب رحيم وقال (قل يا عبادي اللذين أسرفوا على أنفسهم لا تقنطوا من رحمة الله , إن الله يغفر الذنوب جميعاً) وزيادة على إنو ربنا غفور بل هوه رحيم يعني مش بس بس بغفرلك لأ وبوسعك برحمته ,, غلطت؟ ,, قوم توب توبة نصوح ,, (كل ابن آدم خطاء، وخير الخطَّائين التوّابون).

وشوف ربنا يلي هوه خلقنا لعبادته شو عم يحكيلك ,, ما بالك أي شي تاني في هالحياة ,, الإمتحان والوظيفة والإجتماعيات مش آخر الدنيا ومش أولها كمان ,, لسا الطريق طويل ,, ويلي بتشوفه اليوم بتشوف غيره أكتر وأكتر بحلو ومر ,, وهاي متعة الحياة ,, بس الحياة زي مافيها حلو يرفعنا ,, فيها مر ينزلنا ويكسرنا ويلي هوه أكتر نوعاً ما ,, بس تخيل لو ما عندنا أي فكرة لنعرف نفكك هاد المر أو نتماشى معه كيف رح يزيد ويغطي على كل شي موجود بهالحياة .

لازم نتعلم ,, لازم يعلمونا ويفهمونا ,, ولازم نتقبل المواقف يلي بتصير معنا - نعرف كيف نرتب أفكارنا - نختار خطط بديله أو حلول - وبالنهاية نقوم ونحلها ونواجهها ,, لأنها ببساطة رح تضلها وتأثر وتأخر من نضوجنا العاطفي يلي هوه نضوج مهم بشكل كتيييييييييير كبير وما حد بنتبهله ,, وبدل ما إنت يكون فكرك بمسائل أكبر وأعلى ,, بتلاقي هالموضوع عم يحوم براسك زي الغراب وإنت مش عارف كيف تتعامل معه .

على عكس ما يعتقده كثيرون، أظهرت دراسة حديثة أجريت بجامعة "كيل" البريطانية، أن الإنسان عندما يقوم بتوجيه السباب والشتائم، فإن ذلك يخفف من حيث لا يدري من آثار الآلام والأوجاع البدنية التي تصيبه، لا تلك النفسية فقط.

وكشفت الدراسة أن الشتائم تعطي الإنسان قدرة أكبر على تحمل الألم، بل وتخفف من وطأته عليهم، وهو الأمر الذي أثار حيرة العلماء نظراً لعجزهم عن تفسيره.

وذكر رئيس فريق البحث الذي أجرى الدراسة، ريتشارد ستيفنز، أن مصدر إلهام الدراسة كان عندما شعر بالألم الشديد عندما ضرب أصبعه بمطرقة عن طريق الخطأ، أثناء إصلاحه لنافذته، مما دعاه لأن يشتم بقسوة، وهو الأمر الذي خفف من أوجاعه.

وأضاف ستيفنز: "كنت أنا وزوجتي أثناء وضعها لابنتنا الصغيرة، نعاني كثيراً، فأنا أخذت أشتم بسبب التوتر الذي أصابني، بينما كانت زوجتي تسب بسبب أوجاع عملية الوضع، وهو ما دعانا للاعتذار إلى القابلة المشرفة على الولادة، والتي أخبرتنا أن هذا الأمر طبيعي وهي تسمعه باستمرار."

ولإجراء التجربة قام ستيفنز وفريقه، بإحضار مجموعة من المتطوعين، حيث طلبوا منهم أن يضعوا أكفهم في أوعية مليئة بالماء المثلج، وأن يصمدوا قدر المستطاع مرددين شتيمة معينة.

وبعد ذلك، طلب ستيفنز من المتطوعين بأن يقوموا بوضع أيديهم مرة أخرى في الأوعية وأن يرددوا كلمة عادية، تستخدم لوصف شيء عادي كطاولة أو ما شابه، إذ تبين أن المتطوعين عندما قاموا بترديد الشتيمة تمكنوا من الصمود دقيقتين بينما لم بتمكنوا في الحالة الثانية من الصمود أطول من دقيقة وخمسة عشر ثانية  مما دل على أن الشتائم تساعد على تقوية قدرة احتمال الألم عند الناس.

وحيث أن فريق الدراسة لم يعرف تحديداً الرابط بين كل من الأمرين إلا أنه يعتقد بأنه يطلق ردة فعل القتال أو الهرب (fight-or-flight) , حيث من المعتقد بأن تسارع نبضات القلب التي تحدث أثناء الشتم يعود للحالة الكلاسيكية لردة فعل القتال أو الهروب والتي بدورها تخفف من الضعف أو التهديد الواقع على الإنسان في هذه الحالة .

وبيّن ستيفنز أنه "رغم أن الشتائم لها وقع سيء اجتماعياً، ويُنظر لها على أنها فعل مشين، إلا أن لها جانبها المشرق، وهو المتمثل بأنها قادرة على مساعدتنا على تنظيم أحاسيسنا، وهو تأثير مفيد بالفعل . ومن المعتقد بأنها السبب في إستمرار وتطور هذه الظاهرة منذ قديم الزمان"

وأضاف بأن الشتم عبارة عن لغة تترجم العواطف والأحاسيس بطبيعة الحال , ولكن في حال إستهلاكها بشكل مفرط قد تفقد قيمتها وإرتباطها بهذه الأحاسيس ,بذلك لتكون الإستفادة جسدياً من تخفيف الألم فعلى المرء أستخدامها بشكل عفوي وغير مستمر.

من جهتها أشارت العالمة النفسية الأمريكية بولا بلوم، إلى أن تجربتها دلت على صحة ما ورد في الدراسة، وخصوصاً عندما يقع الناس في مواقف صعبة مثل السقوط في حادث، أو الإصابة بجروح.

وذكرت بلوم أن هذه الدراسة قد تغير النظرة الاجتماعية إلى الشتائم، قائلة: "هذه الدراسة تزيل الحاجر الأخلاقي الموضوع حول استخدامنا للغة، فنحن نحكم على الأشياء والتصرفات بشكل متسرع، وهو ما قد يتعارض مع نتائج الأبحاث العلمية، فنحن نعتقد أن الشتم أمر سيء، ولكنه في الحقيقة ليس كذلك وبذلك تؤكد هذه الدراسة على أول فائدة قد تعود الشتائم بالنفع علينا .

أحمد ديدات يتحدث عن الحجاب

يمكن طريقته مختلفه شوي

بس مرات لازم تفحم يلي قدامك بمعرفتك المتكاملة

أنا شفت هاد الفيديو قبل بس ما كنت عارفه مين يلي فيه

وسمعت قصة عنه بس برضو ما كنت عارفه مين هوه

يمكن في حد بعرفها بس برضو للفائدة

جد القدرة على النقاش وحتى فتح المجال للمحاورة على أوسع الأبواب وبأكبر عدد ممكن .. هيه يلي بتساعد على الفهم وتقبل الغير أو رفضه بشكل منطقي وسليم .

"655,000 Iraqi civilians dead. Who are the terrorists? ... if you were in Iraq and another country, the United States, the richest in the world, invaded your country and killed 655,000 of your citizens, what would you call us?"

بتحكي إنو 655 ألف عراقي ماتوا .. مين الأرهابي ,, لو إنت كنت في بلد تاني والولايات المتحده إحتلت بلدك وقتلت 655 ألف من مواطني بلدك شو رح تسمي الولايات المتحدة؟ ,, ومتزكره كملت في نقاشها وكملت بما معناه " مش عشان اسم فلان محمد يعني هوه إرهابي .. يلي بيقتل 655 ألف شخص أعزل هوه الإرهابي "

طبعاً قامت الدنيا طاع وطيع من بعض الجهات عليها والناس بلشت تكرهها .. أو كرهوا الناس فيها وفي كتير برامج حواريه أو مسلسلات كان يتم نقدها .

زي ما مواضيع كتير مباحه وصارت زي العلكه البايته يلي رح تدوب في التم كمان شوي وصار فيها إشباع وتخم من قبل الناس وزهقتها الناس وبطلت تطيق تفكر فيها - زي الشأن الفلسطيني ,, لما بدنا نحكي عن شغله طولت بنحكي عنها شو هيه كاينه قصة  الشرق الأوسط لتطول هالقد أو آه إنتو الفلسطينية بس تصير مشكلة بتحطوها على طول بضهر اليهود - وصارت الناس تتحاشى الخوض فيها كون الأكثر إنتشاراً وقوة هوه الصح كون فكرته تكرر في تلفزيونات وإذاعات وإنترنت وإعلانات ودول وقرارات فا أنا وأبوي يلي علمني عن اليهود أو النقاب وإلخ غلط وهمه يلي صح كون مش معقول مليون حد رح يكونوا غلط وأنا وأبوي وسيدي صح .

وجنباً إلى جنب تتكون المواضيع المحرمه أو التابوهات والملتصقه بالفيتو في بعض الأحيان تقولوا هيه والفيتو وجهان لعمله واحده ,, منها اللوبي الصهيوني واسلحة الدمار في العراق وعدد القتلى العراقيين وغيرها وغيراتها يلي نكشه الويكيلاكس فرد مره - وإنتو عرفتو شو صار ب أسانج تاع ويكيلاكس - وغيرها حتى بالشؤون المحلية من قضايا الفساد والمية يلي بتمشي من تحت الناس وغيرها بالدول العربية يلي الحل فيها ليسكتوا الناس عنها بإنهم يزيدوا معاشاتهم أو كما ظهرت الصورة إنو أعطوهم جزره ولسا القادم أعظم والله يجيرنا .

أصل التسمية وطبيعة المهمة.. كنية أُعطيت لرجال عصابات صهاينة تخفوا بلباس عربي أو اتخذوا لهم أشكالاً شبيهة بالعرب الفلسطينيين. وبدأت هذه الفكرة في سنوات الثلاثينيات عندما قامت عصابة (الهاغاناه) بتشكيل فريق من أعضائها للقيام بمهام استخبارية وتنفيذ عمليات قتل وتصفية ضد الفلسطينيين داخل مدنهم وقراهم.

يلي مأشر عليهم بالأحمر هم المستعربين ولو تنتبهوا على لبسهم ووجوههم .. بتفكروهم جد عرب