Showing posts with label no1 but him. Show all posts
Showing posts with label no1 but him. Show all posts
ببساطة
وخلص الحب
وسكتت الكلمة
وتسكر القلب
ما وقع ولا نجمة
أتاري الكلام بضلو كلام
لا تحاول تكبر من صورة شخص في داخلك أكبر من وضعه وشخصة وحجمة
لأن ببساطة رح تضل تضخم الصورة .. وييجي يوم تنصدم بعدم توفر هالشغلة فيه
لأنها ببساطة مش فيه .. وما بتقدر تحاسبة على نظرتك إلو لأنو هوه مش هيك
وما حاول يعمل إنو هوه هيك ..
هالحكي ما بحكيه عاطفياً حصراً .. لأن ممكن يكون أي شي أو في أي علاقة .
ليه لأ
بنص العرس .. عاللوج قاعدين بنتفرج على الناس حوالينا كل الناس مبسوطة لدرجة بتحسها مبالغ فيها مخبيه جوات نظرات وحقد وحسد ولا مبالاة وزهق وشوب ونعس ... وفي الناس يلي جد مبسوطة واحنا مبسوطين على انبساطهم .
ولاد زغار .. تقاليد مش معروف راس ابوها .. ناس مابتعرفها .. وجع راسي من الطرحة .. الجرافة مدايقته .. بنتفرج ببعض بنضحك وعم تمر الدقايق .. عم يزيد توتري .. وجود أهله كلهم ووجود أهلي كلهم .. بسمع كلماته بسمع لهفة عشقه .. وهوه بحكيلي كنا وين وصرنا وين .. بلحظة من اللحظات بحكيلي "أنا مش مصدق إني في عُرسي" بضحك بس الدمعة بعيني من فكرة كيف زلمتي عم يفكر وقدية عظمة الرجل ونقاوته لما يعبر عن مشاعر حبه البريئة .
كل حركة علينا محسوبه ومش عارفين نتحرك .. والكل عامل حاله بفهم وعارف شو يعمل وبدويانا ما نغلط ونضل زي الألعاب وكأن الناس قدام الكاميرا غير يلي رح يكونوا على شريط العرس وصوره .. بتفرج كأنو اللوج مغناطيس وأي حركة بنعملها الناس بتلقطها زي كمرات المراقبة لدرجة حاولت اعمل كم حركة والمعازيم عم تتفرج وتتحرك زي اللي مبرمجين على نفس الحركة .. صح شي بضحك بس بزيد الضغط في يوم بحكوا عنه يوم فرحي عرسي اليوم الكبير ... إلى آخره.
صار موقف ازعجني .. حسيت رف قلبه على زعلي .. ماقدرت اكمل زعلي مع رفة أحن قلب بعيشله .. وكملنا دقايقنا في معزوفة التقاليد التي لا بد منها .
بلحظة بفتش عليه لقيته بحكي مع صاحبه بس في حوار شبه مكثف .. اتصالات .. سيجاره عم تولع بين اصابعه ناسي انها بين إيديه وشتت انتباهي إلو مجموعة نسوان المفروض قرايب بس مش قرايب سلمت عليهم طبعا النسوان الأكبر سناً لا يخلو كلامهم من تعليق من هون وكلمتين بمغصوا من هون .. هاد غير الوصايا العشرة لليلة الزفاف والسنوات العشرة يلي تتبعها تيجي وحده من قرايب إمي ترصفهم في داني قبل ما أطلع للصالون عشان ما اصير زي بقية هالبنات "عالأغلب قصص صارت معها او مع بناتها" عشان ما يضحك عليي لا تخلو من بعض التفاصيل المزعجة للأسف .. والرد عليها .. صفنه مع صدمه كيف خالتو كبيره تحكيلي هيك شغلات .. إحم إحم .. لا زالت الصدمة تلف راسي أكتر من دبابيس الشعر ونار السشوار .. ووجهي يلي بحكني ومش عارفه أحكه .
راحوا ورجع هوه وبعيونوا ضحكة بعرفها .. ضحكة انتصار ودخول التحدي .. ياساتر استر شو في؟ .. حبيبي شو في؟ ضحك وضلو ساكت .
اجى موعد رقصتنا لحالنا .. مسك إيدي شد عليها وحكالي "شو ماصار إعرفي إني بحبك" .. هاي أول مره بخاف هالقد بلعت ريقي وقلت يا رب سترك .. الناس كلها قعدت وإحنا بالنص نرقص .. خففوا الضواو .. شوي شوي فلت إيدي وقرب منو واحد من يلي بشتغلوا في القاعه ووشوشه .. كل يلي قدرت اسمعه .. "ماشي بس لا تنسى الباب" رجع شد على إيدي وتطلع عليي وهوه على وجهه نفس الضحكة .. وسألني .... "رح تحبيني لو شو ماصار؟" .. حسيت في شي تقيل صاير .. ابتسمت وحكتلو اكيد ياعمري .. خلال ثواني فلت إيديي ولقيته حاملني وطلع من باب القاعه وبنزل الدرج بسرعة والسيارة واقفة عند البوابه ركبني فيها سكر الباب .. ركب جنبي ... وياااااا فكيك .
حاولت أستوعب الموضوع .. حاولت أفهم شي .. حاولت ""بس خفت أكمل"" أفكر في مصير يلي في القاعة .. أهلي وأهله .. كل هالسواليف لفت في راسي .. بس لقيت حالي بفك الدبابيس من شعري وبمسح في المكياج .. وأنا سرحانه والرب راعيني .. صفنت فيه حسيته في غمرة سعادته وكأنه هسا إجا اخدني من الصالون وطالعين عالقاعة/على عرسنا .. "حبيبي فكيلي الجرافة مش رح أعرف أفكها وأنا بسوق" .. بفك فيها وأنا صافنه فيه .. سألني "خايفه؟" .. ضليت ساكته .. "معاي مابدي تخافي من شي" .
ما لا يفسر
أكرر للمرة الألف أني أحبك..
كيف تريدينني أن أفسر ما لا يفسر؟
وكيف تريدينني أن أقيس مساحة حزني؟
وحزني كالطفل.. يزداد في كل يوم جمالاً ويكبر..
دعيني أقول بكل اللغات التي تعرفين والتي لا تعرفين..
أحبك أنت..
دعيني أفتش عن مفرداتٍ..
تكون بحجم حنيني إليك..
دعيني أفكر عنك..
وأشتاق عنك..
وأبكي، وأضحك عنك..
وألغي المسافة بين الخيال وبين اليقين..
***
دعيني أنادي عليك، بكل حروف النداء..
لعلي إذا ما تغرغرت باسمك، من شفتي تولدين
دعيني أؤسس دولة عشقٍ..
تكونين أنت المليكة فيها..
وأصبح فيها أنا أعظم العاشقين..
دعيني أقود انقلاباً..
يوطد سلطة عينيك بين الشعوب،
دعيني.. أغير بالحب وجه الحضارة..
أنت الحضارة.. أنت التراث الذي يتشكل في باطن الأرض
منذ ألوف السنين..
***
أحبك..
كيف تريديني أن أبرهن أن حضورك في الكون،
مثل حضور المياه،
ومثل حضور الشجر
وأنك زهرة دوار شمسٍ..
وبستان نخلٍ..
وأغنيةٌ أبحرت من وتر..
دعيني أقولك بالصمت..
حين تضيق العبارة عما أعاني..
وحين يصير الكلام مؤامرةً أتورط فيها.
وتغدو القصيدة آنيةً من حجر..
***
دعيني..
أقولك ما بين نفسي وبيني..
وما بين أهداب عيني، وعيني..
دعيني..
أقولك بالرمز، إن كنت لا تثقين بضوء القمر..
دعيني أقولك بالبرق،
أو برذاذ المطر..
دعيني أقدم للبحر عنوان عينيك..
إن تقبلي دعوتي للسفر..
لماذا أحبك؟
إن السفينة في البحر، لا تتذكر كيف أحاط بها الماء..
لا تتذكر كيف اعتراها الدوار..
لماذا أحبك؟
إن الرصاصة في اللحم لا تتساءل من أين جاءت..
وليست تقدم أي اعتذار..
***
لماذا أحبك.. لا تسأليني..
فليس لدي الخيار.. وليس لديك الخيار..
It's got to happen, happen sometime
Maybe this time, I'll be lucky
Maybe this time, he'll stay
Maybe this time
For the first time
Love won't hurry away
He will hold me fast
I'll be home at last
Not a loser anymore
Like the last time
And the time before
Everybody loves a winner
So nobody loved me;
'Lady Peaceful,' 'Lady Happy,'
That's what I long to be
All the odds are in my favor
Something's bound to begin
It's got to happen, happen sometime
Maybe this time I'll win
الله عليكي يا فيروز
بتذكر شو كنت تقلّـي
مهما يصيـــــــر
انتظريني وضلّـك صلّـي
والله كبير
من يوما شو عاد صار
ع مدى كذا نهار
ما صار شي كتير
كل اللي صار وبعدو بيصير
الله كبير
*****
ذاكر قدّي قلتلّـي
هالعمر إنو قصير
وإنو أنا ما في متلي
وحبّي أخير
من يوما شو عاد صار
ع مدى كذا نهار
ما صار شي كتير
كل اللي صار وبعدو بيصير
الله كبير
لا تسأل
لا تسأل الجرح عما به
بل إدعوا له بالشفاء
وإمضي إلى حيث ماشئت .. فلن
تكسر فيا الكبرياء
لا تبكي على حب قتلته
ولا تكتب له قصائد الرثاء
عصفور طل من الشباك
عصفور طل من الشباك قالى يا نونو
خبينى عندك خبينى دخلك يا نونو
قلتله انت من وين قالى من حدود السما
قلتله جاى من وين قالى من بيت الجيران
قلتله خايف من مين قالى من القفص هربان
قلتله ريشاتك وين قالى فرفتها الزمان
نزلت على خده دمعه وجناحاته متكيه
واتهدى بالأرض وقال بدى امشى وما فيه
ضميته على قلبى وصار يتوجع على جروحاته
قبل ما يكسر الحبس كسر صوته وجناحاته
قلتله لا تخاف اتطلع شوف الشمس اللي رح تطلع
اتطلع عالغاب وشاف امواج الحريه بتلمع
شاف جوانح عم بتزقزق من خلف ابواب العليه
شاف الغابه عم بتحلّق على جوانيح الحريه
الخيل الأصيل .. .. الرجل
يلي بشوف هاي الصور وما بنزعج من أشياء فيها بكون كارثه من داخله
جد جد إزا ما تدايقت بتكون سادي بشكل مش طبيعي
بس
مش عن الخيل الموضوع يلي بدي أحكي عنه بالخصوص
بدي آخد جزئية وأحكي بتداخل معها في الصورة أعلاه
ورح أحكي عن الرجل .. كما هو واضح في العنوان
خليني أسلسل أفكاري
هداك اليوم كنت بحضر في برنامج عن رحاله بسافر على بلاد وبيختبر كل شي فيها
وبنفس الوقت يلي الكمرا بتكون وراه هوه بكون المعلق وبيشرح شو صار وكيف البلاد وحياة الناس فيها
بتعرفوهم البرامج الوثائقية .. وصار يحكي عن بلاد وبلاد زارها وشافها وعاش فيها
وفكرت
بني آدم زي هاد بمشاعره وبأحاسيسه
بسافر وبشوف وبتعايش
كل يوم شعور كل يوم شعب بشوفه وبحاول يتأقلم معه
بيضغط على طبيعته الأصلية لينسجم .. وبيعيش وبيختبر
بغض النظر عن مين هاد الشخص .. بس كرجل كيف ممكن تنمسك مشاعره
كيف ممكن برتبط نفسياً بوحده أو حتى عاطفياً
لو فرض هوه كان حبيبي .. وبطبيعة الأنثى بتحب تعرف عن رجلها أو حبيبها وتحس بوجوده وشو عملت ووين رحت
ولأ ماتعمل هيك ولا تعمل هيك "النظرية العامة لمحاولة المرأة إصلاح الرجل" ولأ هاد خطر ولأ هناك في كوارث وهاد صعب وهاد ما بعرف شو ومليون حجه وحجه مرات نابعة من غيرة وجنون زياده و مرات نابعة عن الحب يلي بخاف على هاد الحبيب
شخصية رجل زي هيك أكيد جذابة - بالنسبة إلي شخصياً - وشخصية منوعه ومتطوره وزيها شخصيات كتير بتختلف عن أي إنسان عادي بعمله وميوله وانتمائاته زي الأشخاص يلي بنشوفهم كل يوم
شخصيات مختلفه زي الشعراء الشغوفين بالشعر المش مبيوع
والفنان بعاطفة جامحه مش المصاريع
والمفكرين بأفكار متجددة ومبنية على أساسات مستقيمة
والقادة العظماء الشرفاء
والمتحررين والمستقلين
والكتاب والمؤلفين المتفردين بأفكارهم ونظرتهم للواقع وللأشياء بشكل عام
هدول الأشخاص يلي ذكرتهم بمختلف مجالاتهم من سياسة أو أدب أو إجتماع أو كافة
هدول الأشخاص يلي ذكرتهم بمختلف مجالاتهم من سياسة أو أدب أو إجتماع أو كافة
رجال زي هدول كيف ممكن للأنثى تعجب فيهم من جهة
وتحاول تحصرهم وتحد من تكوينهم الفكري الحر من جهة تانية
كونها بتتعامل معهم بطبيعتها الأنثوية يلي بتغار وبتخاف وبتحتوي مرات أكتر من اللازم
أنا كيف أعجبت بهاد الشخص لفكره أو شخصيته كونه مختلف وبعد فترة أطالبه يكون أو يتعامل معي كأي رجل آخر
أو أطالبه يكون شخص عادي ؟؟
ليه مش من البداية حبيت أو إرتبطت بشخص عادي؟
نفس موضوع إنك تربي خيل وتسميه خيل عربي أصيل حر وأنت بتعامله أسوأ من مساجين جوانتانامو شو الفرق بين التنين ؟؟
الخيل أو الإنسان الحر لو كان ذكر أو أنثى - سواء رجل أو إمرأة على رأي معمر الطاسة -
يسعى إلى الحرية حتى في عمله .. وناس كتير في شغلها بتنسى هدفها وهيه نفسها بتحصر حالها وناس كتير في علاقاتها وفي بيتها وفي تربية أبنائها وفي كل جوانب حياتها بتنسى إنو كل إنسان خلق حر .. حتى أولادكم كيف بتربوهم .. بتنسخوهم عن أنفسكم .. لا تعمل هيك لا تحكي هيك .. - من أنتم يا جرذان - والغريب إنو لما كنا مكانهم كنا نكره إنو نتعامل هيك
الرجل يلي بحكي عنه رجل مستقل متحضر ملتزم أخلاقياً ودينياً بيعرف الأصول
رجل حر .. أرتأى أن يعيش بعيداً عن طفيليات الحياة .. وأرتقى إلى بعد تفكيري آخر
عاش سنين من الحرية التي حارب وخسب معارك ليكسب الحرب بكاملها
بنى من نفسها صرحاً لمبادئه .. وعاش في مخاضات الإعتياد إلى أن تحرر منها
يلي بحكي عنه مش بالضروره يكون قائم مقام أو حاصل على جائزة نوبل أو حتى في موسوعة جينس مطوب اسمه
لأ ,, ممكن يكون أي شخص عاش وقرر إنو "لن أعيش في جلباب أبي" قرر ما يكون أمعه
وقرر يعيش أسلوبه يلي ميزه فيه ربنا عن غيره .. ويكون علامة فارقة بأي مجال بهالحياة
زي ما إنتي حبيتيه أو حتى أعجبتي في شخصيته أو حتى أخترتي تتبعية فكرياً
بدك تعرفي إنو مختلف عم أي حد .. وما ينطبق على غيره لا تطبقيه عليه
وزي ما حبيتي شخصيته .. لا تحاولي تغيريها ليكون زلمة بيت هوه وشوال البطاطا واحد
أو حبيب بتحصريه بقصص الحب المبتذله
"حبيبي حط اسمي على الفيس بوك وأيميلك وحط صوتي عالموبايل"
"ليه ما أشتريتلي دب أحمر زي بنت جيراننا" لول
أو حتى تعارضي فكر هاد الشخص .. بالعكس
أتقبليه وتحفظي على يلي ما بيتماشى وأصنعي فكر تاني إلك
وبالمقابل إنتي إخترتي هاد الطريق الصعب .. كون إنو مارح تلاقي الأجوبه في المعجم الشامل للرجل الكامل والغريب إنو الرجال بترد على النسوان .. يمكن إنطلاقاً من كون إنو هاي البنت حبتني على إختلافي أو مابعرف ..
زي قصة الرسول محمد عليه السلام من طيبة قلبه
في صحيح البخاري ومسلم وغيرهما واللفظ للأول بسنده عن أم المؤمنين عائشة انها قالت : ان النبي ( ص ) كان يمكث عند زينب ابنة جحش ويشرب عندها عسلا فتواصيت أنا وحفصة أن أيتنا دخل عليها النبي ( ص ) فلتقل : إني أجد منك ريح مغافير أكلت مغافير .
فدخل على احداهما فقالت له ذلك ، فقال : لا ، بل شربت عسلا عند زينب ابنة جحش ولن أعود له ، ( وقد حلفت لا تخبري بذلك أحدا ) فنزلت : ( يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ ) إلى ( إِن تَتُوبَا إِلَى اللَّهِ ) عائشة وحفصة ( وَإِذْ أَسَرَّ النَّبِيُّ إِلَى بَعْضِ أَزْوَاجِهِ ) بقوله : بل شربت عسلا
المغافير واحدة : مغفور ، صمغ حلو كريه الرائحة
هاي القصة جد تحشيش وعظمت ربنا تجلت ونبهة الأنثى بشكل عام في هاي القصة لطريقة التعامل مع الذكر
فا كيف بدها تكون من السيدة عائشة والرسول
وأخيراً لا يكبروا الرجال راسهم هسا علينا
وكما كنتم وبقيتم .. سنكون لكم كما كنا وكيف سنكون
أفيدونا من منهل علومكم أفادكم الله
الفراغ بين كلمتي الخيل الأصيل والرجل .. مقصودة
حبيبي
مش عارفه ليه خطر عبالي هيك شعور دفعني أكتب
بس جد هاي الكلمة كتير بحبها وكتير بحسها بتعبر عن شي راقي ومخملي جواتي
جد كلمة ناعمة ودافية .. وبرضو مخملية
ومن كل الكلام في الحب والاسماء بحسها بجد الأتقل وما بصير تستخدم بشكل عبثي أو تنحكى لحد ما بيستاهلها
أو لشخص مرفوع عنه الخدمة لسبب معين
وما بتستخدم بكل وقت .. بحسها كلمة دلال
مش قصة بخل أو شي .. بس كل شي بلحظات معينه إله بتكون فيها لون روعة
بتعرفوا جد بحسها زي الحضن الدافي لما تنحكى سواء ناديت فيها أو تناديت فيها
وهون القصة بتيجي ويلي لازم تتوضح
شب يحكي لشب حبيبي إنت .. مش كتير بستحببها أو بحسها منفره لسبب إنو في شباب بحكوها لشباب زي كأنو بحكيها لحبيبتو
لوول تحشيش
ونفس الشي بنت تحكيها لبنت مصيبه .. متزكرة كانت بنت كل الشعب حبيبها
الحلو تنحكى من حبيبه لحبيبها .. ومن حبيبي إلي
آه لسبب ما يمكن إلو تاريخ أو لا وعي بس جد بحب أتنادا بالصفة المذكرة للحبيب مش المؤنثة
وكتير ناس ناقشتهم بهاد الموضوع واستغربوا .. بس حبيبي ما أعترض
وأكيد هاد يلي بهمني .. بحب أكون جزء منو حتى باسم الحب فيه
عفكرة جد إنغرمت بهاي الكلمة .. هيه مش بس كلمة هيه أكتر من هيك
بس مرات بستحلى اسم حبيبي أكتر من أي شي تاني وبحب أناديه فيه
كل شي حلو بحنية الحب وبطيبة قلب الحبيب
لأنو الحنية والطيبة أغلى من كنوز الدنيا
حبيبي .. حبيبي
sorry no comments for this post .. thx all
ببقى معاك متغيرة فرحانة ليه
معرفش ليه
ببقى معاك متغيرة فرحانة ليه
وكأنى طفلة صغيرة حاسة بحياة
أنا عمر ما قلبى حسها غير بس ليك
غير بس ليك ..
جمبك خلينى
على دنيا بعيدة يا حبيبى معاك ودينى
سايبالك نفسى يا حبيبى وكل سنينى
دا هواك غيرلى ايامى بعمر جديد
معرفش ليه
ببقى معاك مطمنة وعليك بغير من نفسى من روحى
أنا فيه حاجات كتير ميكفنيش مليون سنة لو أقولها ليك
لو أقولها ليك..
إزا كان كده
يبقى ماااشي
كنت عم بنبش براسي
وكما هو واضح من العنوان
فا كنت عم بنبش براسي على أشياء
وطلعتلي فكرة كتييييييييييير أوريجينال خالص
فكرت أول فكرة طلعت بتخوف زي مجموع تكلفتها
بس بالنهاية الشغلة المتعوب عليها دايما بتطلع أحلى
وإلها طعم خاص وسووووو سبيسيال على راي الفرنسيين
المهم
وطلع معي التالي
إنو لو جبت زي هاد
أو حجارة شفافه ملونه أو أكم صدفه أكبر +
+
صح بطلع إشي كتييييييييييييييييييييييير حلو؟؟؟
على أساس إنها فكرة عبقرية .. بس أحلى من الأفكار التانيه
بس خايفه أنعجق يومها .. يا فضايح النور شو إنها كتيره
كل عام وإنت حبيبي كل عام وإنت بخير
يا إلاهي على هيك سنة كانت .. منها الحلو آه ليش الكزب
صحيح ختامها كان والعياذ بالله بس برضو كان فيها إشياء حلوة
بالنسبة إلى كان في إلى نور زغير ودفى محليها في فترة منيحة فيها ..
وإن شاء الله تكون السنة الجديدة فاتحة خير علينا وعلى كل يلي بنحبهم وبنقدرهم وبنهتم فيهم وتكون سنة خير وصحة وهداوة بال وراحة القلوب
كل عام وإنتو بخير
كل عام وإنت بخير .. وتضل دايماً بخير
آه وسنة الأرنب سنتي هع .. بدي أشوف بعد سنة شو رح أحكي عن هالسنة
بستي الكبيره
الشغله يلي بحكي عنها اليوم شغله كتيييير بسيطه بس بنفس الوقت إلها عظيم الأثر في نفسي وفي حياتي على مر الوقت .. الشغلة إنو أنا بجد مغرمة بهاي الفكرة
فكرة شو؟؟
فكرة إنو في حد يكونلك بالدنيا هوه الوحيد القادر إنو يغيرلك مزاجك ويحسسك بإنسانيتك ويشبعك نضوج بالتعامل ولما تتحرك بشكل معين يكون فاهم عليك حتى لو بحركة عينيك بس الفكرة الأهم يلي بدي أحكي عنها يلي هيه الشخص المميز بحياة الإنسان
زي المراية يلي بتشوفها بس تصحى الصبح .. بتكون زي يلي لساتك زي الصفحة الفاضية ومتقبل حالك بكل جعلكة هاي الصفحة وهوه هيك بيتقبلك بحالتك ومجرد وجوده بتحس بسخافة أي موضوع أو مشكلة إنت فيها بتسلم عليه بتحكي معو بمواضيع صغيره يمكن تكبر وبتنسى أي شي تاني
خلص بس عم تستمتع بالحياة وطعمها معو
البرد بيقلب دفى الجوع بتنساه والعطش هوه بالأغلب بيجي وبيعزمك على شغله
طبعا رح تحكو شو هالحد السوبر يلي بتحكي عنه
بس بجد ما عم بزيد ولما عم بضخم الموضوع وشفت كتير ناس بحياتهم هيك أشخاص
بس المشكله هدول الناس إلا ما يكون بحياتهم أوجاع وقلق مستمر من ناس كتير وبستغرب ليه
ناس بهيك صفات ومريحين هالقد وبجد بحاول أشوفهم بتجرد وما بلاقيهم هالناس يلي بيستاهلو يصير معهم هالقد مشاكل ومصايب مرات بعرف الكل على هالحال .. بس بتحكي لحالك إنو لااااء صعبه تهضمها لهيك ناس
عكل حال الناس يلي بحكي عنهم عارفين حالهم .. وإنتو عارفين مين ناسكم
وفاهمين قصدي ومشاعري
ومشاعرنا بعرف ما بنخجل منها ولا بنخبيها قدامهم
وبالنسبة إلي بحس حالي فضيحة .. وأول مايخطر أو أحس بشغلة على طول بوصللهم شو بحس وشو بعيش وهمه بحسهم إنصدمو مرات إنو مالها هاي
بستييييييييي الكبيرة
Subscribe to:
Posts (Atom)
على القناة الثانية
.....
خانة إقرأ
اشي بصدم الصراحة
ريكو من دد
لا زال في الجمجمة
About Me
- نورنياتي
- عمان, Jordan
- بدي أوصل من هاي البلوج لأشياء كتير شخصية أو عفويةابلغ عنه لو آية احاول أبني فكر اقرب للصح اكسر فكرة المختلف متخلف وافضفض